بۆمبه‌ك ب ترۆمبێلا فه‌رمانده‌كێ پێشمه‌رگه‌ی ڤه په‌قی
ئه‌ڤرۆ نیۆز، قائید میرۆ
ژ ئه‌گه‌رێ په‌قینا بۆمبه‌كێ دناڤا ترۆمبێلا فه‌رمانده‌كێ پێشمه‌رگه‌ی دو كه‌س برینداربوون.
نه‌جات حه‌سه‌ن، به‌رپرسێ لقا رانیه یا پارتی دیموكراتی كوردستان ب ئه‌ڤرۆ نیۆز راگه‌هاند” ئه‌ڤرۆ له گوندێ ئیسێ یێ ده‌ڤه‌را قه‌لادزێ بۆمبه‌ك ب ترۆمێلا فه‌رمانده‌كێ پێشمه‌رگه‌یڤه په‌قی و به‌رپرسه‌كێ پێشمه‌رگه‌ی و زێره‌ڤانه‌ك برینداربوون.
نه‌جاتی گۆتژی” ئه‌ڤ ترۆمبێل چوویه ده‌ڤه‌را سنوری و د ده‌مێ ڤه‌گه‌ڕیانێ په‌قین چێبوویه، به‌لێ هێشتا ڤه‌كۆلین ژلایێ ده‌زگه‌هێن ئه‌منی به‌رده‌وامن ل دۆر ئه‌گه‌رێن په‌قینێ.