ئه‌مریكا دووڤچونا هزار كه‌سێن په‌یوه‌ندی ب داعشێ ڤه ل ئه‌مریكا هه‌ی دكه‌ت
ئه‌ڤرۆنیۆز، ئه‌یاد به‌رواری
رۆژنامه‌كا ئه‌مریكی به‌لاڤكر كو ئۆفیسا ڤه‌كۆلینێن فیدرالی (ئێف بی ئای) دووڤچونا هزار كه‌سێن چالاك دكه‌ت ل سه‌ر ئه‌ردێ ئه‌مریكا كو په‌یوه‌ندی ب رێكخستیا داعش یا تیرۆرستی ڤه هه‌ین، ژوان 48 كه‌س وه‌كو مه‌ترسیا مه‌زن هایتنه بناڤكرن و تیمێن چاڤدێریێ هاتینه به‌لاڤكرن بۆ دووڤچونا وان.
رۆژناما (واشنتۆن تایمز) یا ئه‌مریكی دیاركر كو پرۆسا دووڤچونا وان كه‌سان بۆ ده‌مێ 24 ده‌مژمێران یا به‌رده‌وامه بۆ زانینا وێ چه‌ندێ ئایا پلان بۆ ئه‌نجامدانا كارێن تیرۆرستی دانابوون كو هنده‌ك ژوان ژنن.
رۆژناما ناڤبری دیاركر ژی كو ل دووڤ بووچونا هنده‌ك چاڤدێر و شاره‌زایان، هێرشێن تیرۆرستی ل پاریس دوپاتكر كو دبیت تیرۆرستێن ناڤخوه‌یی ب شێوه‌كێ بله‌ز ببنه هێزه‌كا توندره‌و و مه‌ترسیه‌كا مه‌زن په‌یداكه‌ن وه‌كو چاوان ل گه‌ل (حه‌سنا ئایت بولحیی) كو ئێك ژ گومانلێكریێن هێرشێن پاریسێ یه، كو تنێ د ده‌مێ مه‌هه‌كێ دا بۆ توندره‌و ل سه‌ر ده‌ستێ كورێ مامێ خوه (عه‌بدولحه‌مید ئه‌با عه‌وه‌ز) ئه‌وێ دهێته هژمارتن سه‌ركردێ راسته‌قینه‌یێ هێرشێن پاریس.