بوونە ئێک
ئه‌ڤرۆ نيوز:
پشتی چەند سالان ژ ژێکڤەبوونێ، جارەکا دی کۆما پەیاما دەڤەرا ئامێدیێ ھەڤدۆ گرتە ڤە، و بریاردان ل سەر بەرنامەکێ نوو کار بکەن و دەرگەە بۆ ئەندامێن نوو ژی ھاتە ڤەکرن.
سەعید مستەفا ئەندامێ کۆما پەیاما دەڤەرا ئامێدیێ بۆ رۆژناما ئەڤرۆ نووچێ گەھشتنێ پشست راستکر و گۆت: ژێکڤەبوونا مە چو تشتێ مەزن نەبوو، و ئەم ھەر ھەڤال بووین، و بتنێ ھندەک تێک نەگەھشتنێن بچووک ھەبوون، لەورا ھندەک بزاڤ ژلایێ زیوەر ئۆرەیی خودانێ کۆمپانیێن نۆژەن و میرمیۆزیک و دەرھێنەر جوان بامەرنی ھەموو ھەڤال ھاتنە کۆمکرن و ئێدی بریار دان وەکو پێشتر و ب رەنگەکێ باشتر ل گەل ئێک کاربکەین.
ھێشتا گۆت: ژێکڤەبوونێ گەلەک کارتێکرن کربوو، خەلکی پێ نەخوەش بوو، پێشتر ھەموو کار گۆتنێن مەزنان بوو و پشتی ژێکڤەبووین کار لاواز ببوو، ھەموویان خواست وەک پێشتر کارێن جوان ئەنجام بدەن.
ناڤبری گۆت: ھەموو ھەڤالان بەرھەڤیا خوە دیارکر کو نووترین کار پێکڤە ئەنجام بدەین و ئێدی ل خەلک و حەزژێکەرێن خوە بزڤرینە ڤە، و بزاڤێ بکەین خوە ل کارێن سینەمایی بکەینە خودان.
سەعیدی گۆت: ھەموو بابەت ھاتنە بەحسکرن و رێکەفتن پەیدابوو، دەرگەە ژی بۆ وەرگرتنا ئەندامێن نوو ھاتە ڤەکرن.
کۆما ناڤبری ل سالا 1999 رەزامەندیا کاری وەرگرتبوو، ل سالا 2010 ژێکڤە بوون، و ل رۆژا 29/11/2015 جارەکا دی گەھشتە ئێک ڤە.