پارتى و ئێكه‌تى ده‌ست ب دووباره لێكڤه‌كرنا پۆستێن حوكمه‌تێ دكه‌ن
ئه‌ڤرۆ نيوز:
بڕياره ئێكه‌تى نشتيمانى كوردستان و پارتى ديموكراتى كوردستان، كۆمبوونه‌كێ ئه‌نجام بده‌ن و ناڤ كۆمبوونێ دا ژى بڕيارا ميكانيزما چاوانيا پارڤه‌كرنا پۆستێن حوكمه‌تێ بده‌ن.
د حه‌فتيا داهاتى دا، پارتى ديموكراتى كوردستان و ئێكه‌تى نشتيمانى كوردستان، دێ كۆمبن و بڕياره ل سه‌ر چاوانيا چاكسازيێن حوكمه‌تێ و پرسا بزاڤا گۆڕان و پركرنا وه‌زاره‌تان ل حوكمه‌تێ گه‌نگه‌شه بكه‌ن.
د ڤێ ده‌ربارێ دا، عه‌لى عه‌ونى، ئه‌ندامێ سه‌ركرداتيا پارتى ديموكراتى كوردستان بۆ “باسنيوز” راگه‌هاند: كۆمبوونێن ئێكه‌تى و پارتى دێ به‌رده‌وام بن و دڤێت هه‌ردولا ل سه‌ر كۆمه‌كا پرسان دانوستاندنێ بكه‌ن ب تايبه‌ت ئه‌ڤا په‌يوه‌ندى ب حوكمه‌تێ هه‌ى”.
ته‌كست ل سه‌ر وێ چه‌ندێ ژى كر كو پشكه‌ك ژ ته‌وه‌رێ كۆمبوونا وان دێ پرسێن نوكه يێن هه‌رێمێ و كاودانێ، سياسى يێن كوردستانێ و گۆڕانكاريێن ده‌ڤه‌رێ بن.
ب گۆره‌يى پێزانينێن “باسنيوز” سه‌رۆكێ شاندێ پارتى ديموكراتى كوردستان د كومبوونێ دا دێ “فازل ميرانى” سكرتێرێ مه‌كته‌با سياسى يا پارتى ديموكراتى كوردستان بيت و شاندێ ئێكه‌تى ژى دێ ژ لايێ “كوسره‌ت ره‌سۆل عه‌لى جێگرێ ئێكێ يێ سكرتێرێ گشتيێ ئێكه‌تيێ هێته سه‌رپه‌رشتيكرن.