ئێدى ده‌رمانخانه نه‌شێن كه‌يسێ خوه ل وه‌لاتيان بكه‌ن
ئەڤرۆ نیۆز، قائید میرۆ
لیژنا ساخلەمی ل جڤاتا پارێزگەھا ھەولێرێ بھەماھەنگیا لیژنەیێن پەیوەندیدار جھێن ساخلەمی و دەرمانخانە کۆنتڕۆلکرینە.
خانزاد مام وەسو، سەرۆکا لیژنا ساخلەمی ل جڤاتا پارێزگەھا ھەولێرێ ب ئەڤرۆ نیۆز راگەھاند” لیژنا ساخلەمی ل جڤاتا پارێزگەھا ھەولێرێ بەردەوام دوڤچوونا جھێن خراپ دھێنە بکارئینان ژلایێ ساخلەمی ڤە دکەت و بۆڤێ مەرەمێ ئەندامێن لیژنا ب ھەماھەنگیا لیژنەیێن پەیوەندیدار چەندین جھێن سەرپێچیکرین دائێخستینە و ھاتینە سزادان.
خانزادێ گۆتژی” لیژنەیەکا تایبەت چاڤدێریا دەرمانخانە و جھێن بارزگانیی یێن ساخلەمی دکەت، ھەتا چو کەسەک دەرمانێ دەم بسەر ڤەچوویی نەدەتە وەلاتیان و بھایێ دەرمانیژی گورەی رێنمایێن وەزارەتێ ھاتینە کۆنتڕۆلکرن، لەوڕا چو دەلیڤە نەمایە بۆ کەسێن خراپکار ھەتا دەرمانێ بسەرڤەچوویی بدەنە نەساخا.