بانده‌كا دزیكه‌ران هاته گرتن
ئه‌ڤرۆ نیۆز، قائید میرۆ
پۆلیسێن پارێزگه‌ها هه‌ولێرێ بانده‌كا دزیكه‌ران ده‌سته‌سه‌ركرن و په‌یڤدارێ پۆلیسان ته‌كه‌زكر، كارێ ڤێ باندێ دزیكرنبوویه و دوازده تاوانێن دزیێ ئه‌نجامداینه.
نه‌قیب هۆگر عه‌زیز، په‌یڤدارێ پۆلیسێن هه‌ولێرێ بۆ ئه‌ڤرۆ نیۆز راگه‌هاند” نڤیسنگه‌ها نه‌هێلانا گونه‌هكاریان شیایه بانده‌كێ دزیكه‌را بگریت كو ژ پێنج گه‌نجان پێكهاتبوو و پێكڤه وه‌كی باند ل ناحیا داره‌توو یا ته‌نیشت باژێڕێ هه‌ولێرێ كارێ وان دزیكرنبوویه و دوازده دزیكرینه.
نه‌قیب هۆگری گۆتژی” ئه‌ف گه‌نجێن ب تۆمه‌تا دزیكرنێ هاتینه ده‌سته‌سه‌ركرن، ژیێ وان دناڤبه‌را 18 بۆ 24 سالیێ دایه و به‌ری نوكه‌ژی ئه‌ندامێن ئه‌ڤێ باندێ ب تۆمه‌تا دزیا هاتینه گرتن ژلایێ هێزێن پۆلیسانڤه.
