داعش غازا خه‌رده‌ل دژى پێشمه‌رگه‌ى بكارئينايه
ئه‌ڤرۆ نيوز:
رێكخراوا قه‌ده‌غه‌كرنا چه‌كێ كيماوى ئاشكراكر كو داعش غازا خه‌رده‌ل ل دژى پێشمه‌رگه‌ى يا بكارئيناى، رۆژا دوشه‌مبى رێكخراوا قه‌ده‌غه‌كرنا چه‌كێ كيماوى دياركر كو ل دووڤ ڤه‌كولينه‌كا رێكخراوا وان ل سالى بوورى داعش غازا خه‌رده‌ل دژى پێشمه‌رگه‌ى بكارئينايه كو ئه‌ڤه دبيته ئێكه‌م جار پشتى ژ ناڤچوونا رژێما سه‌دام حسێن ئه‌و غازه دهێته بكارئينان.
ل هه‌يڤا 3 يا سالا بوورى، نێزيكى 35 پێشمه‌رگه دشه‌ره‌كێ دژى داعش دا، پێستى وان ب ره‌نگه‌كێ سه‌ير سوور ببوو و دياربوو كو داعش جوره‌كێ غازێ يا بكارئيناى و پشتى رێكخراوا قه‌ده‌غه‌كرنا چه‌كێ كيماوى ژى ده‌ست ب ڤه‌كولينێ كرهى دياربوو كو جورێ ڤێ غازێ، يا خه‌رده‌له.
