ب وێنه: وەلاتیێن دھۆکێ سەرا مەزارێ نەمران ل بارزان کرن
بارزان ، نەوزاد زادە ھلۆری:
ب مەرەما ھەڤخەمی و نووکرنەڤا سووز و پەیمانان ئەڤرۆ 1 ئادارێ 2016 ب ھەلکەفتا کوچباربوونا بارزانیێ نەمر و سەرکردە و بابێ روحیێ نەتەوا کورد مەلا موستەفا بارزانی شاندێن حزبی و جەماوەریێن پارێزگەھا دھوکێ سەرا مەزارێ نەمران ل بارزان کر و ژلایێ شێخ خەلات بارزانی نوونەرێ سەروک بارزانی و خەلکێ بارزان ڤە ھاتنە پێشوازیکرن.
شاندێن ئەڤرو یێن مەزارێ نەمران پێکھاتبوون ھەر ئێک ژ ئێکەتیا زانایێن ئاینێ ئیسلامێ کوردستان لقێ دھۆک و دیسان شاندنێ لقێ 8 یێ پارتی دیموکراتی کوردستان ل قەزا زاخو ، و شاندندێ لقێ 10 یا پارتی دیموکراتی کوردستان ل سنوورێ قەزا سۆران ، ل گەل چەندین شاندێن سنوورێ پارێزگەھا ھەولێر و جەماوەرێ نافخوەیا بارزان.
جەماوەر و شاندێن سەرا مەزارێ نەمران ل بارزان کری سەرەرای ھەڤخەمیا خوە بو کوچباربوونا بارزانی نەمر د ھەمان دەم دا ب دانانا تاجە گولینەیان سووز و پەیمانێن خوە بو رێبازا بارزانی نەمر دوپاتکر.
