10 ھزار پارچێن ئەردی ل سەر کەسوکارێن شەھیدان دێ ھێنە بەلاڤکرن
ئەڤرۆ نیوز:
رێڤەبەرێ گشتی ل وەزارەتا شەھید و ئەنفالکریان یا حوکمەتا ھەرێما کوردستانێ دیار دکەت کو 10 ھزار فۆرمێن کەسوکارێن شەھیدان دبەرھەڤن بۆ ھندێ پارچێن ئەردی بۆ بھێنە دان.
بەختیار حەمە سۆر، رێڤەبەرێ گشتی ل وەزارەتا شەھید و ئەنفالکریان ڕاگەھاند، ل سەرانسەری ھەرێما کوردستانێ پارچێن ئەردی ل سەر کەسوکارێن شەھیدان دێ ھێنە بەلاڤکرن و بۆ SNN گۆت: “نوکە 10 ھزار فۆرمێن کەسوکارێن شەھیدان ھاتینە بەرھەڤکرن، دا کو پارچێن ئەردی ل سەر بھێنە بەلاڤکرن”.
خویا ژی کر، بەری نوکە ژی 40 ھزار ژ کەسوکارێن شەھیدان ژ وەرگرتنا ئەردی و دروستکرنا خانیان مفادار بووینە و گۆت: “نوکە مە لیستەکا 10 ھزار کەسی بەرھەڤکریە، دا کو وەزارەتا باژێرڤانیان ئەردی بدەتێ”.
