بۆچوونا ئه‌مريكا ل سه‌ر هه‌رێمه‌كا سه‌ربه‌خوه ل سوريا
ئه‌ڤرۆ نيوز:
وه‌زاره‌تا ده‌رڤه يا ئه‌مريكا دژاتيا وه‌لاتێ خوه بۆ پێكهاتنا ده‌سته‌لاته‌كا خوه‌برێڤه‌به‌ر ل رۆژئاڤايێ كوردستانێ ده‌ربڕى و راگه‌هاند: “ل گه‌ل ئێكپارچه‌يا سوريانه”.
جۆن كێربى، ئاخفتنكه‌رێ ب ناڤێ وه‌زاره‌تا ژ ده‌رڤه يا ئه‌مريكا د به‌رسڤا پرسياره‌كێ دا بۆ رووداو كا دێ ئه‌مريكا پشته‌ڤانيا فيدراليێ كه‌ت بۆ سوريا و كورد ببنه خودان ده‌سته‌لاتا سه‌ربه‌خوه وه‌كو هه‌رێما كوردستانێ، راگه‌هاند: ئه‌گه‌ر ژ من بپرسن كا دێ پشته‌ڤانيا ده‌ڤه‌ره‌كا نيڤ سه‌ربه‌خوه بۆ رۆژئاڤايێ كوردستانێ كه‌ن، ئه‌ز دێ د به‌رسڤێ دا بێژم: نه‌خێر. ئه‌م پشته‌ڤانيا سوريايه‌كا ئێكگرتى و نه‌يا تائيفى دكه‌ين.
