سه‌رۆك بارزانى جه‌ژنا قیامه ل خووشك و برایێن مه‌سیحى پیرۆز دكه‌ت
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ د په‌یامه‌كێ دا جه‌ژنا قیامه ل خووشك و برایێن مه‌سیحى ل كوردستان و عیراق و سه‌رانسه‌رى جیهانێ پیرۆز دكه‌ت و دوپات دكه‌ت، كو ئه‌م هه‌مى د وه‌لاتێ خوه دا ین پێكڤه دێ مرین یان ب سه‌ربلندى پێكڤه دێ ژین.
د پشكه‌كا دى یا په‌یامێ دا هاتیه” تیرۆرستێن دوژمنێن خودێ و مرۆڤاتیێ، ل سه‌ر ده‌ستێ پێشمه‌رگه‌ى تووشى شكه‌ستنێ بووینه و خووشك و برایێن مه یێن مه‌سیحى ژى دێ ب سه‌ربلندى ڤه‌گه‌ڕنه ده‌ڤه‌رێن خوه و پێدڤیه پشتى ژ ناڤچوونا تیرۆرستان خووشك و برایێن مه‌سیحى و پێكهاتێن دى، بهێنه پشتڕاستكرن كو بشێن ب به‌خته‌وه‌رى و ئاشتى بژین و ئێدى كاره‌سات دوباره نه‌بن.
سه‌رۆك بارزانى خووشك و برا و وه‌لاتیێن مه‌سیحى پشتراست دكه‌ت كو د هه‌موو ره‌وشه‌كێ دا ل بن سیبه‌را كلتورێ پێكڤه‌ژیانا كوردستانێ، وه‌ك پێكهاتێن دى ب وه‌كهه‌ڤى ژیانا خوه ببورینن و ئاسایش و كه‌رامه‌ت و مافێن وان د پاراستینه.
