دو زارۆ د ترۆمبێله‌كى دا دهێنه سوتن
ئه‌ڤرۆ، مه‌حمود نهێلى
د روودانه‌كا سۆتنێ دا ئێڤاریا دوهى ئێك شه‌مبى 10/4/2016 ل گوندێ به‌رچى یێ سه‌ر ب ناحیا دێره‌لۆكێ ڤه دو زارۆ د ترۆمبێله‌كى دا دهێنه سۆتن و ئێك ژ وان گیانێ خوه ژ ده‌ست دایه.
میلازم ئیحسان سه‌نعان به‌رپرسێ بنگه‌هێ به‌ره‌ڤانیا باژێرى ل دێره‌لۆكێ بۆ ئه‌ڤرۆ دیار كر كو پشتى ئه‌و هاتیه ئاگه‌هداركرن ل سه‌ر روودانه‌كا سۆتنێ ل گوندێ به‌رچى یێ سه‌ر ب ناحیا دێره‌لۆك دیار بوویه كو روودان ژ ئه‌نجامێ سۆتنا ترۆمبێله‌كێ دروست بوویه و گۆت “ئه‌ڤ روودانه د ده‌مه‌كى دا دروست بوویه كو دو زارۆیێن ته‌مه‌نێن وانا د ناڤبه‌را 3 بۆ 4 سالیێ دچنه ترۆمبێلێ دا و ئاگرى هه‌ل دكه‌ن و پاشان ئاگه‌ر به‌ردبیته ترۆمبێلێ و نه‌شیان ده‌ركه‌ڤن و تێدا دهێنه سۆتن”.
به‌رپرسێ بنگه‌هێ به‌ره‌ڤانیا باژێرى ل دێره‌لۆكێ و ئاشكرا كر كو ناڤێ ئێك ژ وان زارۆیان فرات محیه‌دین و هه‌ر ل جهێ روودانێ گیانێ خوه ژ ده‌ست دا و یا دن ژى كو كچ بوویه ب ناڤێ كاڤین سالح موسا و 100% سۆتیه و نوكه ل نه‌خۆشخانێ یه و هه‌ردو زارۆ مرۆڤێن ئێكن و گۆت “ژ به‌ر كو ترۆمبێل ب تمامى هاتیه سۆتن چ به‌لگه ب ده‌ستێ مه نه‌كه‌فتینه كو روودان چاوا چێ بوویه و لێكۆلین ل سه‌ر به‌رده‌وامه و قوربانى ژى هاتنه هنارتن بۆ نوژداریا داد ل دهۆكێ”.
