لژنه‌كا نوو لسه‌ر كه‌یسا عه‌بدوله‌تیف سه‌له‌فى هاته پێكئینان
ئه‌ڤرو نیوز، نه‌وزاد هلورى:
لگوره‌ى نڤیساره‌كا وه‌زاره‌تا خواندنا بلند كو ناڤ و نیشانێن ” نهێنى ” لسه‌ر هه‌یه بریار دایه كو لیژنه‌یه‌كا تایبه‌تا نوو لسه‌ر كه‌یسا عه‌بدوله‌تیف ئه‌حمه‌د ناسیار ب عه‌بدوله‌تیف سه‌له‌فى .
دنڤیسارێ دا ئاماژه ب وێ یه‌كێ كریه ئه‌و هه‌ردو لیژنه كو به‌رى نها دوڤچوون لسه‌ر كه‌یسا ناڤبرى پێكئینابو وه‌كو پێدڤى دوڤچون لسه‌ر نه‌كریه ژبه‌رڤێ بریار دا كو لیژنه‌یه‌كا نوو پێكبینن.
دنڤیسارا وه‌زاره‌تا خاندنا بلند دا كو ئیمزا یوسف گوران وه‌زیرى َخواندنا بلند لسه‌ره بریار دایه ب لێبورینا عه‌بدوله‌تیف ژ پوستێ هاریكارێ راگرێ په‌یمانگه‌ها زانستێن ئیسلامى و بڤێ یه‌كێ ژى ئه‌نجامێ ئه‌وێ لیژنه‌یێ هه‌ر چ بیت دێ عه‌بدوله‌تیف ژ پوستى َوى هێته دویركرن.
هه‌ڤده‌م ئاماژه ب وێ یه‌كێ ژى كریه كو ژ پرسه‌یا وانه‌بێژیێ و خاندنێ دێ هێته دویركرن هه‌تاكو ئه‌نجامێن ڤه‌كولینێن لیژنه‌یێ دهێنه ئاشكراكرن.
ژبلى ڤێ یه‌كێ داخوزاكریه لیژنه‌كا بسپوور پرسیارێن وان وانه‌یان كو عه‌بدوله‌تیف گوتینه بهێته‌دانان بو تاقیكرنێن دوماهیا سالێ.
ئه‌ڤه د ده‌مه‌كێ دایه كو به‌رى نها ده‌نگویێ په‌یوه‌ندیه‌كا ئه‌ڤینیێ دناڤبه‌را عه‌بدوله‌تیف و ئێك ژ قوتابیێن وى بناڤێ چاوان خه‌سره به‌لاڤبویه پاشان دوڤدا هاته ئاشكراكرن كو هه‌ڤژینیى پێكئینایه.
.
