سه‌رۆك بارزانى: دڤێت زێده‌تر هاریكاریا پێشمه‌رگه‌ى بهێته كرن
ئه‌ڤرۆ نيوز:
سه‌رۆك بارزانى ئه‌ڤرۆ ل سه‌لاحه‌دین پێشوازیا جاكوب پرادا بالیوزێ رۆمانیا ل عیراقێ كر، د دیداره‌كێ دا سه‌رۆك بارزانى راگه‌هاند سوپاسیا گه‌ل و ده‌وله‌تا رۆمانیا كر بۆ هه‌ڤكاریكرنا كوردستانێ د شه‌رێ دژى تیرورستان دا و راگه‌هاند” راسته داعش دوژمنى هه‌موو مروڤایه‌تیێ یه و دوژمنێ هه‌ڤپشكێ مه هه‌میانه، به‌لێ د راستیدا ئه‌و پێشمه‌رگه‌یه شه‌رى دكه‌ت و خوینێ درێژیت، له‌ورا دڤێت هاریكاریكرنا پێشمه‌رگه‌ى زێده‌تر لێ بهێته كرن و بگه‌هته ئاستێ پێدڤى”.
بالیوزێ رۆمانیا ئاماژه ب وێ یه‌كێ كر كو وه‌لاتێ وى د چارچووڤێ هه‌ڤپه‌یمانیا نێڤده‌وله‌تى یا دژى داعش وه‌كو هه‌ڤپشكه‌ك دنێریته كوردستانێ و دێ یا به‌رده‌وام بیت د هه‌ڤكاریكرنا كوردستانێ د شه‌رێ دژى داعشى دا.
