یونس مەحمود: سەردار محەمەد دشێت ب باشترین شێوە من بەرھەڤ کەت
ئەڤرۆ نيوز:
کاپتنێ بەرێ یێ ھەلبژارتیێ عیراقێ و یانا تەلەبە یونس مەحمود بەرسڤا وان ھەمی رەخنەیان دا یێن دیاردکرن کو ئێدی شیانێن یاریکرنێ ب شیوەکێ باش وەکی بەری نوکە نینن و پێدڤیە دەستا ژ یاریێ بەردەت و رێکێ بدەتە گەنجان.
لدور ڤان گوتن و رەخنەیان یونس مەحمود د دیارەکا تلەڤزیونی دا گوت: ھەتا نوکە من شیانێن ھەین ب باشترین شێوە یاریێ بکەم و گروڤە بو گوتنێت من ل وەرزێ بوری من تیما خوە یا تەلەبە بەر ب رێزا سێی د خولا نایابا لاعیراقێ دا بر و ھەکە ھندەک شاشی نەبان د شیاندابوو ببینە قارەمانێن خولا نایابا عیراقێ .
لدووماھیێ یونسی ئەو چەندە ژی دیارکر کو کاپتن سەردار محەمەد کورێ باژێرێ دھۆکێ راھێنەرێ ھێزا لەشی د شێت وی ڤەگەرینیت و ب باشترین شێوە بتنێ د ماوێ حەفتیەکێ دا و دێ شێت ماوێ 90 دەقان یاریێ بکەت و ب ھێزەکا وەسان ژ یاریکەرێن لاو باشتر و دێ ب رێکا وی ھەڤرکیێ کەت.
دھێتە زانین بەری نوکە ژی یونس محمود دەمێ بێ یانە مای لبن دەستێ راھێنەر سەردار محەمەد راھێنانێن خوە دکرن و ئێک ژ باشترین یاریزانێن ھەلبژارتیێ عیراقێ بوو.