زێده‌تر ژ سێ مليۆن كه‌سان پشكدارى د بيروه‌ريا عاشورايێ دا كريه‌

سالانه‌ ل 10ى موحه‌ره‌مێ مه‌راسيمێن عاشورايێ ب رێڤه‌ دچن، پتريا وه‌لاتيێن شيعه‌ ل گه‌له‌ك وه‌لاتان دچنه‌ كه‌ربه‌لا و هنده‌كێن دژى ل باژێرێن دى يێن عيراق و كوردستانێ ڤێ بيره‌وه‌ريێ ساخ دكه‌ن.

عه‌لا غانمى رێڤه‌به‌رێ پۆليسێن كه‌ربه‌لا راگه‌هاند كو ب گۆره‌ى ئامارا پۆليسێن كه‌ربه‌لا ئه‌ڤ ساله‌ زێده‌تر ژ سێ مليۆن وه‌لاتيێن شيعه‌ پشكدارى د ساخكرنا ڤێ بيره‌وه‌ريێ دا كريه‌.

سالانه‌ د رۆژا عاشورايێ دا چه‌ندين وه‌لاتيێن شيعه‌ ل جيهانێ و ب تايبه‌ت ژ ئيران و ئه‌ڤغانستان و پاكستان و لوبنان و به‌حرێن سه‌ره‌دانا عيراقێ دكه‌ن و ل كه‌ربه‌لا پشكدارى ڤێ بيره‌وه‌ريێ دبن.

عاشورا ئه‌و رۆژه‌ كو ئيمام حوسێن كورێ ئيمام عه‌لى و هه‌ڤالێن وى هاتينه‌ شه‌هيدكرن و سالانه‌ شيعه‌ د وێ رۆژێ دا سالڤه‌گه‌را شه‌هيدكرنا وى دگێرن و تازيێ بۆ د دانن.