بھایێ پانزینێ دێ ھێتە د بن 800 دیناران دا
ئەڤرۆ:
سەرۆکی لژنا دارایی ل پەرلەمانی کورستانێ گۆت بھایێ پانزینێ ل ھەرێما کوردستانێ دێ ھێتە خوارێ ب رەنگەکی کو ژ 800 دیناران کێمتر لێ بھێت.
د. عزەت سابر سەرۆکی لژنا دارایی ل پەرلەمانی کورستانێ دیارکر کو پشتی جڤاتا وەزیران و جڤاتا بلند یا نەفت و غازێ ل ھەرێمێ بھایێ پانزینێ زێدە کری و کریە 800 دینار نوکە حەز ل سەر پانزینێ وەکو جاران ژ لایێ شوفێران کێم بوویە.
د. عزەت سابر گۆت ژی دەمێ حەز ل سەر ھەر تشتەکی کێم ببیت دێ بھایێ وی ھێتە خوارێ، لەورا ژ بەر کێم بوونا حەزا خەلکی ل سەر پانزینێ و دابەزینا بھایێ نەفتێ ل جیھانێ ب رەنگەکێ گشتی دھێتە چاڤەرێ کرن بھایێ پانزینێ ل ھەرێما کوردستانێ بۆ بن 800 دیناران کێم ببیت.