سه‌ره‌كى Facebook پارتى ئه‌گه‌رێ ده‌ستنيشاننه‌كرنا چو كه‌سان بۆ وه‌زيرێ دارايى ل عيراقێ ئاشكه‌را دكه‌ت
پارتى ئه‌گه‌رێ ده‌ستنيشاننه‌كرنا چو كه‌سان بۆ وه‌زيرێ دارايى ل عيراقێ ئاشكه‌را دكه‌ت
ئه‌ڤرۆ نيوز:
پارتى ديموكراتى كوردستان ئاشكه‌را كر كو ژ به‌ر نه‌بوونا هه‌ڤپشكينا نشتيمانى و باوه‌رى نه‌بوون ب به‌غدا ئه‌وان چو كه‌س بۆ جهێ وه‌زيرێ دارايى ل حوكمه‌تا عيراقێ ده‌ستنيشاننه‌كرينه.
ئه‌شواق جاف، ئه‌نداما جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان بۆ “العين العيراق نيوز” گۆت: “ئه‌گه‌رێ به‌ربژێرنه‌كرنا چو كه‌سان بۆ پۆستێ وه‌زيرێ دارايى بۆ نه‌مانا پره‌نسيپێن هه‌ڤپشكيێ دزڤريت”، ئاماژه ب وێ چه‌ندێ ژى كر: “پره‌نسيپێ هه‌ڤپشكيێ نه‌مايه د حوكمه‌تێ و جڤاتا نوونه‌رێن عيراقێ دا”.
ئاشكه‌را ژى كر كو پارتى نه‌ڤێت ئێدى پشكداريێ د حوكمه‌تێ دا بكه‌ت دا كو “ژماره ب تنێ بيت” و چو هه‌ڤپشكيێن راسته‌قينى نه‌بن د دانا بڕياران دا”.
جڤاتا نوونه‌رێن عيراقێ د روونشتنا خوه يا 211 ل ئيلۆنا بۆرى دا بڕيارا ڤه‌كێشانا باوه‌ريێ ژ وه‌زيرێ دارايى هشيار زێبارى ب رازه‌مه‌نديا 158 ئه‌ندامێن جڤاتێ دابوو به‌رامبه‌ر 77 ده‌نگێن نه‌خێر و 14 ئه‌ندامان ژى ده‌نگ نه‌دابوو، به‌لێ هێشتا پارتى چو كه‌س بۆ جهێ وى ده‌ست نيشان نه‌كرينه.
