ئەڤرۆ لێپرسین ل گەل سەربەست ئامێدی دێ ھێتە کرن
ئەڤرۆ نيوز:
جڤاتا نوونەرێن عیراقێ دێ لێپرسینێ ل گەل سەرۆکێ کۆمسیۆنا بلندا سەربخوە یا ھەلبژارتنان ل عیراقێ کەت و ئەو ب خوە ژی دێ ئامادە بیت.
سەلیم جبۆری سەرۆکێ جڤاتا نوونەرێن عیراقێ ل رۆژا 15 نیسانێ راگەھاندبوو کو ئەڤرۆ جڤاتا نوونەران دێ لێپرسینێ ل گەل سەربەست مستەفا ئامێدی، سەرۆکێ کۆمسیۆنا بلندا سەربخوە یا ھەلبژارتنان کەت.
سەربەست ئامێدی ژی بۆ دەزگەھێن راگەھاندنێ ئاشکرا کر، کو ئەو یێ ھاتیە ئاگەھدارکرن و دێ ئامادە بیت و بەرسڤا پرسیاران ژی ئامادە کریە و گۆت: “ژ بەر نێزیک بوونا ژڤانێ ھەلبژارتنایە و ئەڤە لێپرسینەکا سیاسی یە”.
لێپرسین دێ ژ لایێ ماجیدا تەمیمی پەرلەمانتارا فراکسیۆنا ئەحرار ڤە ھێتە ئەنجام دان و 17 پرسیار ھاتینە ئامادەکرن.
