ئەڤ دوو باژێرێن باکوورێ کوردستانێ دێ بنە پارێزگەە
ئەڤرو نیوز :
سەرۆککومارێ تورکیا د نووترین گوتاردا خوە دا دیارکر کو ل دەمەک نێزیک ھەردوو باژێرێن باکوورێ کوردستانێ ” گەڤەر و جزیر ” دێ بنە پارێزگەە.
رەجەب تەیب ئەردوگان سەرۆککومارێ تورکیا د کونگرەیەکێ رۆژنامەڤانی دا بەحس ل چەند بابەتەکێن گرنگ ل بارا رەوشا تورکیا کر و گۆت: (بو پتر خزمەتکرنا وەلاتی و رونشتڤانێن گەڤەر و جزیرا بوتان و ئاڤەدانکرنا دەڤەرێ وێ ، دێ ل دەمەک نێزیک بنە پارێزگەە)
ئەڤ گوتنێن ئەردوگان د دەمەکێ دا دھێن کو ھەردوو باژێرێن ” جزیر و گەڤەر ” نێزیکێ سێ سالایە بویە مەیدانا شەرێ سوپایێ تورکیا و چەکدارێن گەریلایێن پارتا کرێکارێن کوردستانێ و پرانیا تاخێن وێ خراب بوینە و چەندین جاران ژی رەوشا نەئاسایی ھاتیە راگەھاندن.
ئەگەر ھەردوو باژێرێن ناڤبری ببنە پارێزگەە دێ ھژمارا پارێزگەھێن باکوورێ کوردستانێ بنە ٢٣ پارێزگەە.
