كۆبانێ يا ئازاد دبيت
ئه‌ڤرۆ نيوز:
فه‌رماندێن هێزێن پێشمه‌رگه‌يێ كوردستانێ ل ناڤا كۆبانێ، ئه‌حمه‌د گه‌ردى، بۆ تله‌ڤزيۆنا رووداو راگه‌هاند كو هێزێن هه‌ڤپه‌يمانان ب دژوارى ناڤ و ده‌وروبه‌رى كۆبانێ تۆپبارانكرينه و شه‌رڤان ژى دپێشڤه‌چوونێ دانه و ب تنێ سێ تاخ ماينه دێ هێته ئازاد كرن.
ئه‌حمه‌د گه‌ردى گۆت: “هێزێن هه‌ڤپه‌يمانان ب دژوارى دو گوندێن نێزكى كۆبانێ و ناڤا كۆبانێ تۆپبارانكرن و شه‌رڤانێن يه‌په‌گێ ژى ب پشته‌ڤانيا سۆپايێ ئازاد و پێشمه‌رگێ كوردستانێ يێ د پێشڤه‌چوونێ دا”.
ئاشكه‌را ژى كر كو داعش به‌رده‌وام يا پاشڤه‌دچيت و نه‌شێت هێرشێ بكه‌ت و ب زێده‌هى 600 چه‌كدارێن داعش ل ناڤا كۆبانێ ماينه و گۆت: “ئه‌و چه‌كدار ب هه‌موو چه‌كێ خوه ڤه ل سێ كۆلانان كۆمبووينه و ل وێرێ ب تنێ شه‌رى دكه‌ن يا دى هه‌موو يا هاتيه ئازادكرن”.
فه‌رماندێن هێزێن پێشمه‌رگه‌يێ كوردستانێ ل ناڤا كۆبانێ گۆتژى: “شه‌ر د ڤان سێ تاخان دا، دێ ڤه‌كێشيت، ژ به‌ر كو هه‌موو چه‌ك و ته‌قه‌مه‌نيێن خوه ل ڤان سێ تاخان كۆمكرينه”.