به‌رهه‌ڤی بۆ ئاڤه‌دانكرنا ده‌ڤه‌رێن رزگاركری ژ ده‌ستێ داعش دهێنه كرن
ئەڤرو نیوز:
پارێزکارێ دهۆکێ ل گەل سەرۆکێ سندوقا ئاڤەدانکرنا دەڤەرێن وێرانکری یێن ژ دەستێ داعش هاتینە رزکارکرن کومبوو ، بەحس ل بەرهەڤیێن ئاڤەدانکرنا ئەوان دەڤەران هاتەکرن.
دهه‌ڤدیتنه‌كێدا کو هەر ئێک ژ نجیبا نه‌جیب سه‌روكا لیژنا ئاڤادانكرنێ ل په‌رله‌مانێ عیراقێ و ئیسماعیل محەمەد هاریكارێ پارێزگه‌رێ دهۆک بو كاروبارێن مروڤایه‌تی پارێزگارێ دهوک و رێڤەبەرێ سندوق ناڤبری به‌حسێ ره‌وشا ئاواره وپه‌نابه‌ران ل پارێزگه‌ها دهوكێ وئه‌و فشارا ئێخستیه سه‌ر هه‌موو سه‌كته‌رێن خزمه‌تكاری ب گشتی هاته كرن.
دته‌وه‌ره‌كێ دن دا به‌حسێ پێدڤیێن خه‌لكی ل ده‌ڤه‌رێن رزگاركری دبیاڤێ ئاڤه‌دانكرنێ ودابینكرنا هه‌موو خزمه‌تكایێن دی هاته كرن.
دپرێس كونفرانسه‌كیدا پارێزگه‌رێ دهوكێ بناڤێ كارگێریا پارێزگه‌ها دهوكێ ب خێرهاتنا سه‌روكێ سندوقا ئاڤه‌دانكرنا ده‌ڤه‌رێن وێرانكری یێن ژده‌ستێن داعش هاتینه رزگاركرن و شاندێ دگه‌لدا كر و سوپاسیا خانما نه‌جیبا خان ئه‌ندام په‌رله‌مانا عیراقێ به‌رپرسا لیژنا ئاڤاده‌نكرنێ ل په‌رله‌مانی كر كو ئه‌ڤ سه‌ره‌دانه رێكخستی یه وگوت گه‌نگه‌شێن باش وپوزه‌تیڤ ل دور بابه‌تێ ئاڤه‌دانكرنا ده‌ڤه‌رێن رزگاكری هاتنه كرن و ته‌كه‌زكر كو هه‌لویستێ سه‌روكێ‌سندوقا ئاڤه‌دانكرنا ده‌ڤه‌رێن وێرانكری یێن ژده‌ستێن داعش هاتینه رزگاركرنیێ پوزه‌تیڤ بوو وهیڤی خاستن كو هه‌موو لایه‌ن دهاریكاربن بو ئاڤه‌دانكرنا ده‌ڤه‌رێن وێرانكری وهه‌موو خزمه‌تكاری بو بهێنه دابینكرن دا ئاواره ڤه‌گه‌رنه سه‌ر جهێن خو وپشته‌ڤانیا پارێزگه‌هێ نیشان دا بو هه‌ر هه‌ڤكاریه‌كێ.
ژلایێ خوڤه سه‌روكێ‌سندوقا ناڤبری گوت: ئارمانج ژڤێ سه‌ره‌دانا مه بو ده‌ڤه‌رێن رزگاركری ئه‌وه ئه‌م خه‌لكی ژنێزیك ببینین وهه‌موو پێدڤیێن وان بزانین مه بابه‌تێ ئاوارا وئاڤه‌دانكرنا ده‌ڤه‌رێن رزگاركری دگه‌ل پارێزگه‌ری گه‌نگه‌شه‌كرن ئه‌م دزانین كو نێزیكی 800هزار ئاواره وپه‌نابه‌ر ل پارێزگه‌ها دهوكێ هه‌نه وهه‌بونا وان بارگرانییه‌كا مه‌زن ئێخستیه سه‌ر هه‌موو سه‌كته‌رێن خزمه‌تكاری .
هه‌روه‌سا گوت دێ دگه‌ل روی سپیێن پارێزگه‌ها نه‌ینه‌وا روینین وهه‌موو پێدڤیێن وان زانین كو دبه‌رهه‌ڤبن بو ئاڤه‌دانكرنێ.
د.مسته‌فا ئه‌لهیتی سه‌روكێ سندوقێ گۆت ژی: مزگینیا رزگاركرنا موسل ب ته‌مامی به‌ری جه‌ژنێ دێ هێته را گه‌هاندن وئه‌م ل دووڤ راسپاردێن سه‌روك وه‌زیرێن عیراقێ هاتینه دا ژنێزیك پێدڤیێن ده‌ڤه‌رێن رزگاركری بزانین .
هه‌روه‌سا گوت: حكومه‌تا عیراقێ ب هه‌ماهه‌نگی دگه‌ل حكومه‌تا كوردستانێ وحكومه‌تا خوجهیا پارێزگه‌هێ كارێن ئاڤه‌دانكرنێ ئه‌نجامده‌ن وئاماژه دا كو ل سالا 2018 كونگره‌كێ نیڤ ده‌وله‌تی یێ مه‌زن بو هاریكاریكرنا ئاڤه‌دانكرنا ده‌ڤه‌رێن رزگاركری دێ هێته ئه‌نجامدان وسازیێن ده‌وله‌تی یێن مه‌زن دێ تێدا پشكداربن.
نه‌جیبا خانێ ژی دیاركر وه‌ك لیژنا ئاڤه‌دانكرنێ ل په‌رله‌مانێ عیراقێ مه ڤیایه ئه‌م هه‌ماهه‌نگیێ دگه‌ل سندوقا ئاڤه‌دانكرنێ ولایه‌نێن دی بكه‌ین چونكو گه‌له‌ك ده‌ڤه‌رێن كوردستانێ ژی ژشه‌رێ داعش زه‌ره‌ر مه‌ندبوینه ومه ڤیا ئه‌وژی مفاداربن ژپروسا دوباره ئاڤه‌دانكرنا ده‌ڤه‌رێن رزگاكری.
