چەند پێزانین لسەر ئەو کەسێ بیانی کو ب تومەتا داعش ل دھۆکێ ھاتیە گرتن
ئەڤرۆ نیوز ، سالار دوسکی:
ئەڤرۆ ل سنوورێ کومەلگەھا مسێریکێ یا سەر ب پارێزگەھا دھۆک وەلاتیەکێ ب رەگەز بیانی ھاتیە گرتن کو گومان دھێتەکرن چەکدارەکێ داعش بیت.
رائید ئەحمەد محەمەد تەمەر ھاجانی وەکو شایەتحالەک بۆ ئەڤرۆ نیوز گۆت: ( دەروبەرێن نیڤرویا ئەڤرۆ ل سنوورێ کومەلگەھا مسێریکێ یا سەر ب پارێزگەھا دھۆکێ شڤانێ مە ، پەیوەندی ب من کر کو کەسەکێ بیانی ل ئاقارێ نھالا بەدلیایە ، ب زمانێ بیانی دئاخڤیت ، پشتی کو ئەز چویمە جھێ روودانێ من گازی کرێ ئێکسەر رەڤی ، من ھندەک گولە بو ئەسمانی تەقاندن دا ب راوەستیت ، بەلێ ھەر چوو ، مە پەیوەندی ب ئاسایشێ کر ، ئەوی کەسی ئێکسەر خوە ھاڤێتە د ئاڤێ دا بەلێ کارمەندەکێ ئاسایشێ شیا ئەوی بگریت)
زێدەتر گۆت: (ئەوی کەسی چانتەک د دەستی دا بو ب زمانێ بیانی د ئاخفت و گەلەک ئاڤی َخودێ و پێغەمبەری دئیا بەلێ چوو چەک د گەل نەبوون)
ئەڤرۆ نیوز پەیوەندی ب سازیێن ئێمناھیێ کر و ئەوان پشتراستکر کو کەسەکێ بیانی ھاتیەگرتن و ڤەکولین ل گەل دھێتە کرن و گۆت: ( ھەتا نھا ئەم نە پشتراست بوینە کا ئەڤ کەسە داعشە یان ژی نە)
