ته‌عريبكرنا كه‌ركووك يا به‌رده‌وامه
ئه‌ڤرۆ نيوز:
رێڤه‌به‌رێ ئۆفيسا ماددێ 140 ل كه‌ركووك راگه‌هاند كو ژ ده‌سپێكا شه‌رێ داعش هه‌تا نوكه وه‌ره 74 هزار خێزانێن عه‌ره‌ب ژ تكريت و ئه‌نبار و مووسل چووينه ناڤا كه‌ركووك.
باسنيوز راپۆرته‌ك ل دۆر ته‌عريبكرنا باژێرێ كه‌ركووك به‌رهه‌ڤ كريه و تێدا ئاماژێ ب وێ چه‌ندێ دكه‌ت كو پرۆسا ته‌عريبكرنا كه‌ركووك يا به‌رده‌وامه و ب گۆره‌ى زانياريێن وێ ژبلى ئه‌ڤ ئاوارێن ژ ژبه‌ر شه‌رێ داعش د ره‌ڤن و دچنه وى باژێرى كو مه‌ترسى نه ل سه‌ر پاشه‌رۆژا وێ پارێزگه‌هێ، رۆژانه هنده‌ك خێزان ژ باشوور و به‌غدا ب رێيا فرۆكخانا به‌غدا دچنه سلێمانيێ و ل وێرێ ژى دچنه كه‌ركووك و مه‌ترسيا وێ چه‌ندێ دده‌ته پێش چاڤ كو يا به‌رنامه دارێتى بيت.
كاكه ره‌ش سه‌ديق رێڤه‌به‌رێ ئۆفيسا ماددێ 140 ل كه‌ركووك راگه‌هاند كو ژ ده‌سپێكا شه‌رێ داعش هه‌تا نوكه وه‌ره 74 هزار خێزانێن عه‌ره‌ب ژ تكريت و ئه‌نبار و مووسل چووينه ناڤا كه‌ركووك.
د هه‌مان دام دا به‌رپرسێ نڤيسنگه‌ها په‌رله‌مانێ كوردستانێ ل كه‌ركووك له‌تيف فاتح فه‌ره‌ج بۆ باسنيوز ئاشكه‌را كريه كو هه‌كه ژ به‌ر ره‌وشا ئه‌منى ئه‌و هاتبن و وه‌كو ئاواره ب مينن چو كێشه نينه، به‌لێ هه‌كه بهێن و ل وێرێ بمينن ئه‌و دێ بنه مه‌ترسى ل سه‌ر پاشه‌رۆژا ده‌ڤه‌رێ.