ھەر قوتابخانە و زانکو و پەیمانگەھەکا نەحکومی ئەڤی کاری بکەت دێ پێرابونێن قانونی بەرامبەر ھێنە وەرگرتن
ئەڤرۆ نیوز ، نەوزاد ھلۆری:
رێڤەبەریا کاروبارێن شەھید و ئەنفالکریێن قەزا سوران د لێدوانەکێ دا بو ئەڤرۆ نیوز دیارکر کو ھندەک قوتابخانەیێن نەحکومی ب ناڤێ ھەلێن خواندنێ بو کەس و کارێن شەھیدان ریکلامەکێ بخوە دکەن.
دڤی واریدا ئەشقی مەلا رێڤەبەرێ رێڤەبەریا شەھید و ئەنفالکریێن قەزا سوران بو ئەڤرۆ نیوز گۆت: ( ھندەک قوتابخانەیێن نەحکومی ژ باخچێن زاروکان بگرە ھەتاکو دگەھیە زانکو و پەیمانەھان د ریکلامێن خوە دا ددەن دیارکرن کو وەرگرتنا کچ و کورێن شەھید و ئەنفالکریان بێ بەرامبەر بەلێ د راستی دا چوو راستی بوو نینە ژبەرکو ھەموو تێچویێن قوتابیێن کچ و کور ل وان قوتابخانە و زانکو و پەیمانگەھێن ئەھلی وەزارەتا شەھیدان و حکومەت ددەت ، ژبەرڤێ نابیت ئەو ڤێ یەکێ ب دەلیڤە ببینن و ریکلام و پروپاکندان پێ بکەن)
زێدەتر گۆت: ( ھەر قوتابخانە و زانکو و پەیمانگەھەکا ڤێ یەکێ بکەت و بەلگە لسەر وان دەر بکەڤن دێ پێرابوونێن قانونی بەرامبەر ھێنە وەرگرتن )
ناڤبری دیارکر ژی کو ل وی دەمی زانک و پەیمانگە و ئەو قوتابخانە دکارن بێ بەرامبەر ھەلێن خواندنێ بو کچ و کورێن شەھیدان بدەن دەما کو پارەی نە ل حکومەتێ وەربگرن نەژی ل کەس و کارێن شەھیدان وەربگرن ، و ژبەرڤێ ئو دکارن د ریکلامێن خوە دا بێژن تێچیویێن کچ و کورێن شەھیدان لسەر حکومەتێ یە نەک لسەر کەس و کارێن شەھیدان)
