سه‌رۆك بارزانى: ل 25 ئیلۆنێ دێ دیرۆكه‌كا نوى تۆمار كه‌ین
ئه‌ڤرۆ نيوز:
سه‌رۆكێ هه‌رێما كوردستانێ، ب هه‌لكه‌فتا 56 سالیا شۆره‌شا ئیلۆن، په‌یامه‌ك به‌لاڤكریه و دیاركریه” ل 25 ئیلۆنێ، دێ دیرۆكه‌كا نوو تۆمار كه‌ن”.
مه‌سعود بارزانى دیاركریه” شۆره‌شا ئیلۆنێ، شۆره‌شه‌ك بوو، باوه‌رى ب خوه‌بوون و ئیراده ل ناخێ هه‌موو تاكه‌كێ كوردستانێ دروست كر، ئه‌ڤ ساله بیره‌وه‌ریا شۆره‌شا ئیلۆنێ د ده‌مه‌كێ دا، كو ب تنێ دو حه‌فتى ماینه هه‌تا وه‌كو گه‌لێ مه بڕیارا خوه بۆ سه‌ربه‌رستى و ئازادیێ ب هه‌موو جیهانێ رابگه‌هینیت و مزگینیێ بده‌ته شۆره‌شا ئیلۆنێ و هه‌موو شۆره‌ش و به‌رخودانێن دى یێن گه‌لێ مه و به‌رهه‌مێ وێ هه‌موو قوربانیدان و خوه‌راگریێ بچینیت”.
د پشكه‌كا دى یا په‌یاما سه‌رۆكى دا هاتیه” شۆره‌شا ئیلۆن و هه‌موو شوره‌ش و به‌خوه‌دانێن دى یێن گه‌لێ مه ب تنێ بۆ ئازادى و سه‌رخوه‌بوونێ بوویه، نابیت خوونا ب نه‌حه‌ق یا رێتى یا كورێن ملله‌تێ مه بێ ئه‌نجام بیت، گه‌لێ كوردستانێ شۆره‌شا ” به‌لێ بۆ سه‌رخوه‌بوونێ” هه‌لگریه و ل 25 ئیلۆنێ دێ دیرۆكه‌كا نوو تومار كه‌ت”.