رۆژا جيهانيا مافێن زارۆيان هاته ساخكرن
ئه‌ڤرۆ نيوز:
بێوار ته‌حسين رێڤه‌به‌رێ پشكا چالاكيێن قوتابخانا راگه‌هاند كو ئه‌ڤرۆ ب هه‌لكه‌فتا رۆژا جيهانيا مافين زارۆيان، ئه‌وان چه‌ندين باخچه پێكڤه كۆمكرن و رۆژا جيهانيا زارۆيان ساخكر.
رێڤه‌به‌رێ پشكا چالاكيێن قوتابخانا ل په‌روه‌ردا رۆژهه‌لات بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 10ى سپێدى ب هه‌لكه‌فتا رۆژا جيهانيا مافێت زارۆيان ئاهه‌نگه‌كا به‌رفره‌هـ بۆ زارۆيێن باخچان هاته گێران”.
زێده‌تر گۆت: “هه‌ر ئێك ژ باخچێن تيرۆشك، بژاره، هێلين، سازين، باگێرا، مانگێشك هاته گێران و هنده‌ك ژ وان زارۆيێن ئاواران ژى ل گه‌ل بوون”.
دا زانين ژى كو ئه‌ڤ بزاڤه ژ هه‌موويێن سالێن به‌رى نوكه يا جودا بوو چونكو هه‌موو گرێداى ره‌وشا نوكه و پشته‌ڤانيا هێزێن پشمه‌رگه‌ى بوو.
