ل كه‌ركووكێ ئه‌فسه‌رێن پۆلیسان یێن كورد دهێنە لادان و عەرەب ل جهێ وان دهێنە دانان
ئەڤرۆ نیۆز،زنار تۆڤی:
به‌رپرسێن كورد یێن پۆلیسێن كه‌ركووكێ ب فه‌رمانه‌كێ هاتنە لادان و ئه‌فسه‌رێن عه‌ره‌ب ل جهێن وان ده‌ست ب كاربوون.
ل گۆر نڤێسینەکا رێڤه‌به‌رێ پۆلیسێن كه‌ركووكێ،کو دانەیەک دەست ب ئەڤرۆ نیۆز کەفتیە،کو هژماره‌كا ئه‌فسه‌رێن كورد ژ کارێن وات هاتینە لادان و ئه‌فسه‌رێن عه‌ره‌ب وه‌كو ته‌نسیب ل جهێ وان هاتینه دانان،ئێک ژ وان ژی عه‌مید سه‌رحه‌د قادره،کو رێڤه‌به‌رێ پۆلیسێن قه‌زا و ناحیێن كه‌ركووكێ بوویە.
ل گۆرەی وێ نڤێسینێ هه‌ر ئێک ژ رێڤه‌به‌رێن پۆلیسێن ده‌وربه‌رێن كه‌ركووكێ و پۆلیسێن داقووق و دۆبز، هه‌روه‌سا پۆلیسێن هەوارهاتنێ هاتینه لادان و ئه‌فسه‌رێن عه‌ره‌ب ل جهێن وان هاتینە دانان.
هه‌ر ئه‌ڤرۆ سێشەمبی ل دووڤ بریاره‌كا وه‌زاره‌تا ناڤخۆ یا عێراقێ چه‌ندین ئه‌فسه‌ر و پۆلیسێن كورد یێن كه‌ركووكێ و ناوچه‌یێن وی باژێری،بۆ پارێزگه‌ها مۆسلێ دێ هێنه ڤه‌گوهاستن.
