وەزیرێ بەرگریا ئیسرائیلێ: دبەرهەڤین بۆ شەڕێ هەڤپەیمانێن ئیرانێ
ئەڤرۆ نیۆز:
وەزیرێ بەرگریا ئیسرائیلێ ئەفیگدۆر لێبەرمان راگەهاند لەشكرێ وەلاتێ وی یێ بەرهەڤە روو ب رووبوونێ یە ل گەل هەڤپەیمانێن ئیرانێ، دیاركر ژی حزبوللا و ئێرانێ لوبنان یا كونترۆلكری و دەست ژ كاركێشانا سەعد حەریری سەرۆك وەزیرێن لوبنانێ بەلگەیە ل سەر وێ چەندێ.
لێبەرمانی ل دووڤ كوردستان 24 گۆت ژی” میحوەرێ ئیرانێ جهێ دلتەنگیێ یە كو دناڤ سووریێ و لوبنانێ دا كاردكەت وكونترۆلا كەرتێ غەزە ژی یا كری ونوكە پەیوەندیێن بزاڤا حەماس و جیهادا ئیسلامی ل گەل ئیرانێ گەلەك یێن ب هێز بووین كو چو جاران بەری نوكە نەگەهشتبوونە ئاستێ نوكە”.
خویاكر ژی” ئیسرائیل رێ ب میحوەرێ ئیرانی نادەت ل سنۆرێ باكوورێ ئیسرائیلێ هێزێن خوە رێك بێخیت”.