هارى كين ب ڤان دو مه‌رجا دێ چيته ريال مه‌دريد
ئه‌ڤرۆنيۆز:
ستێرا يانا توتنهام يا ئنگليزى وهه‌لبژارتيێ ئينگلترا (هارى كين) دو مه‌رج بۆ ڤه‌گوهاستنا خوه بۆ ناڤ رێزێن يانا ريال مه‌دريد يا ئيسپانى ل پاشه‌رۆژێ دانان.
ل دووڤ رۆژناما (دون بالون) يا ئيسپانى هێرشبه‌رێ توتنهام وگولكه‌رێ دويێ يێ خولا ئينگلترا يا نوكه ب 8 گۆلان پشتى ياريكه‌رێ مانشستر سيتى ئه‌گويروى ( 9 گۆل) داخواز كريه ريال مه‌دريد ده‌ست ژ هێرشبه‌رێ خوه يێ فره‌نسى كه‌ريم بنزيماى به‌رده‌ت كو دێ بيته هه‌ڤركه‌كێ ب هێز بۆ وى ل يانێ. ديسا مووچه‌كێ مه‌زن بۆ بهێته مه‌زاختن كو خودان مووچێ دويێ بيت ل ريال مه‌دريد پشتى كريستيانۆ رونالدوى.
ده‌نگوباس به‌لاڤ ببوون ل دۆر حه‌زكرنا فلورنتينۆ بيرێز سه‌رۆكێ يانا ريال مه‌دريد ل سه‌ر گرێدانا هه‌ڤبه‌سته‌كێ ل گه‌ل هارى كين ل ده‌مێ ڤه‌كرنا ده‌رگه‌هێ ڤه‌گوهاستنا ياريكه‌ران ل كانوونا دويێ 2018.