توركمانان ئه‌ڤ داخوازيه ژ ئه‌ردۆگانى كر
ئه‌ڤرۆنيۆز:
رۆژناما (الحياة) يا له‌نده‌نى به‌لاڤكر كو شانده‌كێ توركمانى دكۆمبوونه‌كێ دا ل گه‌ل سه‌رۆكێ توركيا ل ئه‌نقه‌ره داخوازا پێكئينانا هێزه‌كا توركمانى ل كه‌ركووكێ وتله‌عفه‌ر كر.
رۆژناما ناڤبرى ژزارده‌ڤێ هنده‌ك ژێده‌رێن سياسى ڤه‌گۆهاست( شانده‌كێ توركمانێن سونه وشيعه ل دووماهيا مه‌ها چريا ئێكێ يا بۆرى سه‌ره‌دانا ئه‌نقه‌ره كر ول گه‌ل سه‌رۆكێ توركى ره‌جه‌ب ته‌يب ئه‌ردۆگانى كۆمبوويه وداخواز ژێ كريه هاريكاريێ دپێكئينانا هێزه‌كا چه‌كدار يا توركمانى ل كه‌ركووكێ وتله‌عفه‌رێ دا بكه‌ت).
رۆژناما ناڤبرى ئاماژه ب وێ چه‌ندێ نه‌كر ئايا ئه‌ردۆگان رازى بوويه ل سه‌ر وێ داخوازيا توركمانان، يان نه.