وه‌لاتيه‌كێ كورد هه‌ڤشێوێ عه‌بادى يه
ئه‌ڤرۆنيۆز:
وه‌لاتيه‌كێ كورد ل هه‌ولێرێ كو هه‌ڤشێوێ حه‌يدر عه‌بادى سه‌رۆك وه‌زيرێن عيراقێ يه، كه‌يفخوه‌شيا دياردكه‌ت خوه وه‌لاتى گه‌له‌ك وێنان ل گه‌ل دگرن ودبێژيت خه‌لك وجيرانێن من دبيژنه من مام عه‌بادى.
شێخ نورى وه‌لاتيه‌كێ خه‌لكێ هه‌ولێرێ يه ژدايكبوويێ سالا 1964 يه، ژبه‌ركو هه‌ڤشێوێ حه‌يده‌ر عه‌بادى يه، يێ بوويه جهێ سه‌رنجا خه‌لكى ل بازارى ول تاخى وهه‌تا گه‌هشتيه تۆرێن جڤاكى ژى، ئه‌و بۆ كه‌نالێ رووداو ل دۆر وێ نێزيكبوونا رۆخسارێ وى ل گه‌ل سه‌رۆك وه‌زيرێن عيراقێ دبێژيت، بۆ من تشته‌كێ نۆرماله وچو كێشه من نينن، ده‌مێ عه‌بادى ل سالا 2014 بوويه سه‌رۆك وه‌زيرێن عيراقێ، من سه‌رنجا خه‌لكى راكێشا ودوست وهه‌ڤالێن من وگه‌له‌ك خه‌لك دبێژنه من تو گه‌له‌ك وه‌كو عه‌بادى.
شێخ نورى په‌يامه‌كێ بۆ عه‌بادى دهنێريت ودبێژيت، په‌ياما من بۆ عه‌بادى بلا شه‌ر نه‌بيت وكێشه ب ئاشتى بهێنه چاره‌كرن وهيڤيدارم حه‌يده‌ر عه‌بادى ژى وه‌كو من هزر بكه‌ت ونه‌هێليت خه‌لك تووشى نه‌ره‌حه‌تيێ ببيت.
