ل سەنتەرێ قەزا ئامێدیێ بەفر بارینێ دەسپێکر
ئەڤرۆ نيوز، مەحمود نھێلی
نھا ل سەنتەرێ قەزا ئامیدیێ بەفربارینێ دەسپێکریە و تا رادەیەکێ ژی ل ھند کولانان ئەرد سپیکریە و ئەگەر ب ڤی رەنگی یا بەردەوامبیت چێدبیت رێ بھێنە گرتن.
ھاشم یەحیا بەرپرسێ پشکا کەشناسیا قەزا ئامێدیێ بۆ ئەڤرۆ دیارکر، کو ل شڤێدی بەفربارینێ دەسپێکریە و ل ناحیا کانی ماسێ ٤ سەمتیم بەفر ھاتینە و گۆت: ( نھا ل سەنتەرێ قەزا ئامێدیێ بەفر دباریت و ل ھند جھان ژی ئەرد گرتیە و ل سەر بان و جامێن ترۆمبێلا ئەڤ یەکە باش دھێتە دیتن لێ نەھاتیە پیڤان کا رێژا وێ چەندە).
دەربارەی رێژا باران ژی ل دەڤەرێ ناڤبری دیارکر، کو دەھەیاما ئەڤر سالە ل ئامێدیێ ٤٠٠ ملم ، دێرەلۆک، ٣٦٩ و کانی ماسێ ٤١١، سەرسنکێ ، ٤٧٥ ملم، چەمانکێ ٣٧٥ و ل بامەرنێ ژی ٣٤١ ملیم باران باریە.
و ئاشکرا کر کو دماوێ ٢٤ دەمژمێرێن بوری دا بتنێ ل ناحیا چەمانکێ و سەرسنکێ ٦١ و ٦٢ ملیمێن بارینێ بارینە.
