به‌ری ئه‌م بچینه‌ د ناڤه‌رۆكا بابه‌تێ خوه‌ دا مه‌ هنده‌ك پرسیار یێن هه‌ین گرێدایی په‌یوه‌ندیێن سیاسی یێن د ناڤبه‌را ناڤه‌ند و هه‌رێمێ دا. هه‌تا چ راده‌ دێ كێشه‌یا بودجا و مووچا هه‌رێمێ ڤه‌كێشیت؟ F16 فرۆكان دێ چه‌ند بارێ هه‌رێمێ تێدا بیت؟
له‌شكرێ عیراقێ یان حه‌شدا شه‌عبی دێ سه‌ركه‌فتنێ بوَ عیراقێ ئینیت؟
گاز دێ كه‌نگی بیته‌ چه‌كێ دو لایه‌ن دژی كوردان و د گه‌ل كوردان؟ ئه‌ڤه‌ ساله‌كه‌ داعش هه‌ر یا خوه‌ پان دكه‌ت و په‌یوه‌ندیێن وێ گه‌هشتنه‌ ئه‌فریقیا وه‌ك ئه‌م دزانین ژی بزاڤا (بوكو حرام) باوه‌ریا خوه‌ یا دایه‌ داعش و هه‌ر ل (ئه‌ڤغانستان) و (هندێ) و ده‌وله‌تێن عه‌ره‌بان د گه‌ل خووشكا مه‌زن (توركیا) دیسان هاری وان دكه‌ت، ژ لایه‌كێ دی ڤه‌ پارێ خوه‌ چاپكر و یا گازا خوه‌ دفرۆشیت و له‌شكرێ خوه‌ ژی یێ هه‌ی و ل سه‌ر ئه‌ردی ده‌وله‌ته‌كا ب هێزه‌ وگرۆڤه‌ ئه‌وه‌ ئه‌ڤه‌ چه‌ندین ده‌وله‌تێن ئه‌ورۆپا و ئه‌مریكا شه‌رێ وێ دكه‌ت د وارێ ئاسمانی دا و هاریكاریا له‌شكرێن (ئه‌قلیمی)، به‌لێ پا نه‌شێن بشكێنن و تشتێ كێم ژ وێ ده‌وله‌تێ دانپێدانا ده‌وله‌تی و هه‌كه‌ ئه‌م بهێینه‌ راستیێ داعش پێدڤی ب ڤێ دانپێدانێ نینه‌ ل به‌رامبه‌ر ده‌وله‌تا شیعی یا نوو ل عیراقێ ده‌وله‌ته‌كا بێ هێزه‌ و هه‌كه‌ ئیران نه‌با نه‌دشیا تانوكه‌ خوه‌ ل سه‌ر پیێن خوه‌ بگریت و ئه‌مێ دبینین حوكومرانی شیعه‌یه‌ و ملله‌ت ژی شیعه‌یه‌، به‌لێ گه‌نده‌لی و دزی گه‌هشتنه‌ هه‌ستیكێن ڤی كه‌له‌خی و بلا ژبیرنه‌كه‌ین سوننی هاتنه‌ به‌لاڤه‌كرن وه‌ك په‌نابه‌ر و سیاسه‌تمه‌دارێن وان یان یێن هاتینه‌كرین بوَ حوكمه‌تێ یان ژی خوه‌ فرۆتینه‌ بوَ ده‌وله‌تێن دی، له‌وما دێ بێژین شیعستان بێی سوننستان و ئه‌و پرسیارێن مه‌ ل پێشه‌كیێ كرین رۆلێ خوه‌ یێ هه‌ی بوَ لاوازكرنا عیراقێ یان ئێكلاكرنا عیراقێ بوَ شیعان هه‌ڕفاندنا ده‌وله‌تا عیراقێ و عیراقه‌كا نوو بهێته‌ ئاڤاكرن، مه‌به‌ستا مه‌ یا گرنگ ئه‌وه‌ هه‌رێم هه‌ر یا ئاڤه‌دانكرنێ دكه‌ت و هه‌ر یا هه‌ول دده‌ت وه‌لاتیێن وێ ل بن سیببه‌را ئارامیێ و ئاشتیێ و ئابووریه‌كا ب ساناهی برێڤه‌ بچیت دا پاشه‌رۆژه‌كا گه‌ش و بێی خوین و تێكڤه‌دانێن سیاسی و موزایه‌ده‌یێن بێ رامان، چونكو ئه‌ڤ ده‌ڤه‌ره‌ دهێته‌ نیاسین ب ناڤێ سه‌رۆك مه‌سعود بارزانی نه‌ ب ناڤێ كه‌سه‌كی دی كو ژ نوو بهێته‌ د گۆره‌پانا سیاسی دا و جیهان نزانیت هزرا وی بوَ كیڤه‌ دچیت، ڤێجا لێكدانا مالا كوردی زوورا پێدڤیه‌ ژ به‌لاڤبوونا وێ مالێ.

دبێژن ( راح ابو نعال.. . جاء ابو كلاش) و یا دیاره‌ ئه‌ڤ مه‌ته‌لوكه‌ كو مسول دهێته‌ گوهارتن لێ سیاسه‌تا وی ناهێته‌ گوهارتن، ل كوَنگرێ پاریس عه‌بادی یێ دبێژیت داعش مه‌ترسییه‌.. . والله باشه‌ سه‌روَك وه‌زیرێ عیراقێ پشتی داعش موسل و تكریت و ئه‌نبار ستاندین و ل دیالا له‌یزی و گه‌فه‌كا مه‌زن ل به‌غدا هاته‌ كرن، سه‌روكێ وه‌زیرێن عێراقێ وه‌دبێژیت، و هه‌ر ل وی كوَنگره‌ی سێ خاڵ یێن گرنگ هاتنه‌ ڤه‌كولینكرن و ئه‌و خاڵ هه‌ر ئه‌و بوون ده‌سپێكا داعش ده‌وله‌تێن هه‌ڤپه‌یمانی نیشتمان كربون. یه‌عنی نه‌ تشته‌كێ نوی یه‌ یان گرنگه‌ و ئه‌و خاڵ ئه‌ڤه‌نه‌:
خاڵا ئێكێ: راوستاندنا هاتنا شه‌رڤانا بوَ ناڤ رێزێن داعش و بتایبه‌ت ئه‌گه‌ر مه‌زانی شه‌رڤانێن بیانی (70%) ژ هێزا داعش بلند كر و ژ (100) ده‌وله‌تان یێت هاتین.
خالا َدووێ: هشك كرنا سه‌روك كانیێن ئابوری ئه‌وژی گازه‌ ئه‌گه‌ر مه‌زانی داعش یا خوَ پان دكه‌ت و هه‌ریێ گازێ ب ده‌ست خوه‌ ڤه‌ دئینیت و ل جیهانێ دفڕۆشیت ب سه‌ربه‌ستی د رێكا توركیا دا.
خاڵا سیێ: گه‌له‌ك سه‌یره‌ ئه‌وژی پێكهاتا نیشتمانی ل عێراقێ و نزانن دێ چه‌وا پێك هێتن ئه‌گه‌ر ئه‌م بزانین ناڤێ ئیسلاما پیروَز سه‌رێ ئێك و دوو ژێڤه‌دكه‌ن و ئێك و دوو دسوَژن و مالا تاڵان دكه‌ن و ب تایبه‌ت ته‌عدایا سكسی ل ژنێن ئێك و دوو دكه‌ن داعش ب ناڤێ سوننا ڤێ كریارێ دكه‌ن و ئه‌م گه‌له‌ك ددورن ژ سوننیا و حه‌شد الشعبی ب ناڤێ شیعا ڤێ كریارێ دكه‌ن و دیسا حه‌شد الشعبی گه‌له‌ دوورن و هه‌كه‌ ئه‌م بینین سیاسه‌تمه‌دارێن وان و په‌رله‌مانتارێن وان هه‌ردوو ره‌گه‌زا هه‌رێم یا كریه‌ ئارمانج و ب هه‌موو شێوا دهاڤێژنێ و دداننه‌ به‌ر چاڤێن خوه‌ بیردوزا پیلانا بوَ ددان، و ژبیردكه‌ن یان چاڤێن خوه‌ دنقینن كو ئه‌ڤه‌ (3000000) ئاوارێن عه‌ره‌ب و ژ هه‌ردوو ره‌گه‌زا ( سوننه‌ و شیعه‌) ل هه‌رێمێ ئاكنجی بوون و كه‌تنه‌ سه‌ر به‌ختێ هه‌رێمێ و هه‌رێم شه‌ره‌فا وان به‌ری ژیانا وان دپارێزیت.
پسیار ئه‌ڤه‌یه‌ ئه‌گه‌ر حكومه‌تا عێراقێ ژپلانا ئه‌مریكا نه‌رازیه‌ و ژ هاریكاریا هه‌رێمێ نه‌رازیه‌ دشه‌رێ داعشێ دا! بوَچی هه‌وارا خوه‌ دگه‌هینته‌ وان. هه‌رێم ب پێشمه‌رگێ خوه‌ ڤه‌ یارسه‌ر بلنده‌ و هندی پێشمه‌رگێ كوردستانێ هه‌بن شه‌ره‌ف و نامیس و ژیانا كوردا یا پاراستیه‌.

ده‌مێ ناڤێ ئافره‌تێ دهێته‌ گۆتن د گه‌ل دا ڤیان و دلوڤانی و هه‌ست و نازكی دئێته‌ سه‌ر وێ گوتنێ به‌لێ ژلایه‌كێ دی ئافره‌ت یا به‌رنیاسه‌ ب دل ره‌قی و بریارێت تیژ و دژوار و مێژو دادڤانه‌ ل سه‌ر ڤێ چه‌ندێ، بۆ نموونه‌ چه‌ندین چیروكێت ڤیانێ و هه‌ست نازكی و پر روندك ئافره‌ت دادرێژیت یان دێ گه‌هیته‌ مه‌ره‌ما خو یان ده‌ربه‌ده‌ر بیت یان دمریت به‌روڤاژی یا ڤێ چه‌ندێ ئافره‌ت خودان هێزه‌كا مه‌زن و دله‌كێ ره‌قه‌ بو نمونه‌ سه‌روكێ عه‌ره‌با (قه‌زافی) پارێزڤانێت وی ئافره‌ت بون هه‌روه‌سا مه‌لیكه‌ك هه‌بوو ل میسرێ ناڤێ وێ (شجره‌ الدر) بو ده‌مێ پێ حه‌سیای كو هه‌ڤژینێ وێ خیانه‌ت لێ كر دگه‌ل ئافره‌ته‌كا دی خزمه‌تكار و جاریێت خو كومكرن قه‌بقه‌بكێت پێت خو پێ ره‌جماندن و هه‌ڤژینێ خو پێ كوشت.
سێ جورێن ئافره‌تا ژلایێ داعش ڤه‌ دهێنه‌ حه‌واندن، جورێ ئێكێ : كه‌س و كارێن شه‌رڤانێن داعش وه‌ك ژن و ده‌یك و خویشك و كچ ئه‌و ژی پشتی داغبار دبن ب هزرا زه‌لامێ مالێ رێك بو دهێته‌ ڤه‌كرن دا كاری دناڤ رێزێن داعش بكه‌ن وه‌ك خارن لێنان – برین پێچ – یان كارێ هزری.
جورێ دووێ: ئه‌و ئافره‌تن ئه‌وێن ژیێ وان دناڤبه‌را (30-40) سالی ئه‌وێن ماین بێ شوی یان بیژن و به‌هرا پتر ژ ڤی جوری خه‌ونا وان شوی كرنه‌ له‌وما دگه‌هنه‌ داعش دا وانا به‌لاڤه‌ كه‌ن ل سه‌ر زه‌لامێن زوگورد یان خودان دوو و سێ ژن هه‌بن و به‌هرا پتر ژڤان جورا كارێ وان ئه‌شكه‌نجه‌دانا ئافره‌تێن دی و زێره‌ڤانیا زیندانێت ئافره‌تان و ئه‌گه‌ر وه‌نه‌كر خه‌ونا وان ب مێرا و شوی كرنێ نامینیت.
جورێ سیێ: ئه‌و ژی دوو پارچه‌نه‌ ئێك ژوان ئافره‌تێن برا یان بابێ وان یان زه‌لامێ وان هاتیه‌ كوشتن دناڤ جه‌نگادا له‌وما شیشتنا مه‌ژیێ وان دهێته‌ كرن دا تولا خوڤه‌كه‌ن و زوربه‌ی وانا ئه‌ون دهێن كه‌مه‌رێن بومبه‌كری و خوكوژی ڤی كاری دكه‌ن و جورێ دووێ ئه‌و ئافره‌تێن سنێله‌نه‌ كو ژیێ وان (15-25) سالی ئه‌وێن دهێنه‌ خاپاندن ب رێكا تورێن جڤاكی و فیلمێن ڤیدیویا كو ئه‌گه‌ر بگه‌هنه‌ داعش دێ ژیانا وان خوشبیت و بنه‌ په‌ری ل بهه‌شتێ. پرسیار ئه‌ڤه‌یه‌ ئه‌ڤ ئافره‌تێن ڤی كاری دكه‌ن یێن بهه‌شتێ نه‌ یان په‌لێن دوژه‌هێنه‌ و چ دمه‌ژیێ وان دایه‌، ئه‌گه‌ر كارێن كوشتنێ و سوتنێ و تالانكرنێ دكه‌ن و ب ناڤێ ئاینێ ئیسلامێ و هه‌رئێك ژوانا حه‌فتێ زه‌لام دێ ل بهشه‌تێ گه‌هنێ یان هزره‌كا دی د مه‌ژیێ واندا هه‌یه‌ و بلا سه‌حكه‌نێ جوداهی دناڤبه‌را ئافره‌تا كورد یا پر فیداكاری و ئه‌ڤینی بو ئاینی و وه‌لاتی و مالا خو هه‌یه‌.

دبێژن میره‌ك هه‌بوو گه‌له‌كێ ترانه‌كه‌ر بوو و خوه‌ خولامه‌كێ بێ سه‌روبه‌ر هه‌بوو ناڤێ وی (كه‌چه‌لۆك) بوو، رۆژه‌كێ خیالێن میری ل كه‌چه‌لۆكی خراب بوون و دڤیا ترانێن خوه‌ پێ بكه‌ت و گۆتێ: كه‌چه‌لۆك ده‌مێ ته‌ هات و دێ بۆ ته‌ سه‌حكه‌ینه‌ ژنه‌كێ، كه‌چه‌لۆكی ژی گۆت: میر هه‌كه‌ هه‌كه‌ زه‌لام مه‌زن بوو دێ بوَ وی سه‌حكه‌ینه‌ ژنه‌كێ پشتی هه‌یامه‌كێ میری گۆتێ: كه‌چه‌لۆك ئه‌م دێ چینه‌ خوازگینیێن وێ ژنێ، كه‌چه‌لۆكی گۆت: میر ده‌مێ سه‌حدكه‌ته‌ ژنه‌كێ دێ چن خوازن. هه‌یامه‌كا درێژ پێڤه‌چوو میری گۆتێ: كه‌چه‌لۆك : مه‌ دره‌و كر چ ژن نینن، كه‌چه‌لۆكی ژی گۆتێ: ئه‌زبه‌نی میری گۆت مه‌ باوه‌ر نه‌كر. مه‌به‌ستا مه‌ ژ ڤێ گۆتنێ چیه‌؟ حوكمه‌تێن عیراقێ خوه‌ ل ده‌مێ بوویه‌ مه‌مله‌كه‌ت و هه‌تا نوكه‌ ب هه‌ردو مه‌زهه‌بان چ سوننه‌ و چ شیعه‌ هه‌ر شه‌ڕێ مه‌ كوردان دكر و ب هه‌می لایانڤه‌ (ئابووری و جڤاكی و له‌شكری و.. . هتد). بوَ نمونه‌ دێ بێژین حوكمه‌تا عیراقێ یا شاه (فه‌یسه‌ل) یێ ئێكێ ناپالم د مه‌ وه‌ردكر و ل وی ده‌می ناپالم یا حه‌رام بوو د ناڤ ده‌وله‌تان دا، پشتی هینگی مه‌ دیت گۆرێن ب كۆم و كیمیاوی و چه‌كێ نوو هه‌تا سالا (90) ێ و ل ده‌مێ سه‌رهلدانا پیرۆز حوكمه‌تا ناڤه‌ند فه‌رمانبه‌رێن خوه‌ یێن میری ل گه‌ل ده‌زگه‌هێ ئه‌منی ڤه‌كێشان ژ كوردستانا عیراقا و د دلێ خوه‌ دا گۆتن دێ ڤالاتیه‌ك په‌یدابیت و دێ كورد سه‌رێ خوه‌ خۆت و دێ شه‌ڕێ ئیكدو كه‌ن، به‌لێ ئه‌ڤ تشته‌ نه‌قه‌ومی و پشتی گوهۆرینا (2003) و ب تایبه‌ت ل سه‌ر ده‌مێ حوكمداریا مالكی یێ مه‌ ژی نه‌ساخ دیسا خه‌ونێن نه‌ساخ و نه‌خۆشۆ ب كوردان ڤه‌ دیتن و گۆته‌ خوه‌ هه‌كه‌ بودجه‌ و موچێن هه‌رێمێ ببڕم دێ ملله‌ت رابیته‌ سه‌رخوه‌ و دێ شۆره‌شه‌كێ ل دژی هه‌رێمێ كه‌ت و ب ساناهی دێ كوردستانێ كونترۆل كه‌ت، هه‌روه‌سا ئه‌م دبینین حوكمه‌تا عه‌بادی جاره‌كێ به‌هانا وی پاره‌ نینن و ژ لایه‌كێ دی ڤه‌ زێری بوَ به‌نكا ناوه‌ند ب رێژا ( 38) تۆن یێن زێری دكڕیت. دیسا پاره‌ نینه‌؟ به‌لێ مۆچێ فه‌رمانبه‌رێن مووسلێ دهنێریت بوَ مووسل و هه‌كه‌ تو ژ بێ ئاقله‌كی پرسیار بكه‌ی ئه‌ڤ مۆچه‌ دگه‌هیته‌ ده‌ستێ كێ ل مووسل و به‌رسڤێ ئه‌م دزانین چییه‌60 ملیار دینارێن عیراقێ بوَ (حه‌شدا شه‌عبی دچیت لێ بوَ هه‌رێمێ نینه‌، ئه‌ڤه‌ وه‌كی مژارا دره‌وێن میری بوون. ل ڤێره‌ مه‌به‌ستا من ئه‌وه‌ نه‌كو ئه‌م خولامێن ناوه‌ندی مه‌به‌ستا مه‌ مه‌ته‌لۆك ب تنێ بوو و ژ عه‌ره‌بان ڤه‌ ئه‌و پاره‌ ئه‌و پارا بوَ مه‌ نه‌هنێرن یان ئاقلدارێن خوه‌ بوَ مه‌ نه‌هنێرن ئه‌م دێ به‌ربینه‌ چۆلا و وه‌كی مه‌ته‌لا دیكلی دیكل ژ وی ڤه‌ ده‌مێ بانگ دده‌ت هه‌تاڤ ل دووڤ بانگێ وی د هه‌لێت. عه‌ره‌ب (ناڤه‌ند) مخابن هه‌تا نوكه‌ قه‌در و قیمه‌تا هه‌رێمێ نزانن و شه‌رم ناكه‌ن كو ئه‌ڤه‌ (2000000) مرۆڤ ژ ره‌گه‌زێ وان عه‌ره‌بن چ عیراقی بیت یا سووری بیت قه‌ستا هه‌رێمێ یا كری و هه‌رێم یا وان خودان دكه‌ت و ل ڤێ دووماهیێ خه‌لكێ تكریت ره‌ڤین و قه‌ستا باژێرێن عه‌ره‌با كرن ل ناڤه‌ندا عیراقێ لێ شیعا نه‌ حه‌واندن، كه‌واته‌ عه‌ره‌بن و موسلمانن و عیراقینه‌.

دبیت ئه‌وێ ئه‌درێسێ ڤێ نڤیسینێ بخوینیت، دێ هه‌ژمێریت كو ئه‌م دێ به‌حسێ باره‌كێ جڤاكی كه‌ین نه‌ باره‌كێ سیاسی، به‌لێ دێ ڤی بابه‌تی شلۆڤه‌ كه‌ین و موخل كه‌ین و ب ساناهی كه‌ین دا كۆمه‌لا كوردی ل هه‌ر چار ده‌ڤه‌رێن كه‌ردستانێ بخوه‌ بحه‌سیێن و بزانن كو ملله‌تێ كورد ین بوویه‌ ئارمانج بۆ ده‌وروبه‌رێن وی. رێدانا ده‌ستدرێژیێ ل وێ كچا كورد ل (مهابادێ) ئه‌وا گه‌هشتیه‌ وی ده‌رفه‌تێ كو خوه‌ د قاتێ چارێ دا ب هاڤێژیت و جانێ خوه‌ ژده‌ست بده‌ت، زانستێ ده‌روونی دبێژیت: ئیمناهی به‌ری هه‌می تشتانه‌، به‌ری پاره‌ی، خوارنێ و ته‌یسته‌یسۆكێن دونیایێ، كچا مه‌ یا كورد زانی ئیمناهی نه‌ما و دێ شه‌ره‌ف تێچیت و سه‌رشۆری ماند بیت له‌وما هه‌لبژارتنا وێ ئه‌و بوو كو خوه‌ بكوژیت.
لێ وه‌رن دا بارودۆخێ ئیرانێ بۆ كارێ سكسی شلۆڤه‌ كه‌ین، ل ئیرانێ دو رێ یێن هه‌یین بۆ ڤی كاری، ئێك: یێ نهێنی یه‌ وه‌ك هه‌می ده‌وله‌تێن ناڤه‌راستێ و یێ دوێ: ب شێوه‌كی ئاشكه‌رایه‌ ئه‌و ژی ب رێیا (سیغه‌) یان (زواج المتعه‌)، ڤێجا ئه‌و مرۆڤێ چه‌په‌ل ئه‌وێ خوه‌ تالۆقه‌تی شه‌ره‌فا وێ كچێ كری پالپشتێ وی ئه‌و بوو ته‌عدا ل كچه‌كا كورد بكه‌ت نه‌ یا فارس، هه‌ر هه‌مان نموونێ به‌ری هینگێ ب دو سێ هه‌یڤا ل توركیان روودا بوو، ده‌مێ كچه‌كا كورد تووشی هه‌مان روودانێ بووی و پشتی هاتیه‌ كوشتن و سۆتن و ل توركیا له‌شفرۆشی ژ ئاڤ ڤه‌خوارنێ ئه‌رزانتره‌ و هه‌مان روودانێ عه‌ره‌بان ب سه‌رێ ئافره‌تێن كورد ئینا ئه‌وێن ئێزدی هه‌ر سێ ره‌گه‌ز فارس و ئۆسمانی و عه‌ره‌ب بۆچی وه‌ل ئافره‌تا كورد دكه‌ن؟، بۆچی وه‌ل ئافره‌تێن خوه‌ ناكه‌ن ئه‌وێن ب سانه‌هی ڤی كاری دكه‌ن؟
ئه‌رێ ئه‌م د حه‌ق نینین وه‌ك كورد نه‌ به‌س خوه‌ نه‌رازی بكه‌ین و خونیشادانان بكه‌ین، لێ ڤان مرۆڤێن پیس هه‌كه‌ نه‌ده‌ینه‌ دادگه‌هێ ژی ئه‌م دێ ب ده‌ستێن خوه‌ تۆلا خوه‌ ڤه‌كه‌ین و تۆلا كورد به‌نیاس نامریت.

ده‌مێ ئه‌مریكا پلانا (شه‌ڕێن به‌ره‌بابێن چارێ) دانای مه‌به‌ستا وێ چ بوو؟ ئه‌و بوو كو ده‌ڤه‌رێن عه‌ره‌بی ژێكژێك بكه‌ت و درووشمێ عه‌ره‌ب عه‌ره‌بێ بكۆژیت و گه‌هشته‌ ئارمانجێن خوه‌ ل ڤی ده‌می و ل لێنێرینه‌كا ب له‌ز دێ بینین میلیشیات یا دهێته‌ جهێ له‌شكری و جهێ هێزێن ناڤخوه‌یی و ئه‌ڤه‌ نموونه‌ گه‌له‌كن دێ ژ عیراقێ ده‌ستپێكه‌ین كو خودانا (44) میلیشیات و حه‌شده‌كا شه‌عبی یه‌ و ل سووریێ ب تنێ میلیشیا شه‌ڕی ناكه‌ت، به‌لێ هه‌تا كو شیشانێ و ئه‌فغانێ و پاكستانی یێن ل گه‌ل پشكدار بووین. لوبنان ژی هه‌روه‌سا و هه‌می ده‌ڤه‌رێن عه‌ره‌بان ل باكۆرێ ئه‌فریقیا ب تنێ ل مه‌غرب نینه‌، هه‌روه‌سا ل ده‌وله‌تێن كه‌نداڤی ده‌وله‌تێن بچووكن لێ یێن مه‌ یێن میلیشیاتان چێدكه‌ن و ددامه‌زرینن، وه‌ك ئیمارات و به‌حره‌ێن هه‌تا دگه‌هیته‌ شاهنشینا سعوودیێ و هه‌كه‌ عه‌ره‌ب یێن رای بن یان یێن ب ئاقل بن دێ بوَ خوه‌ كۆمكاره‌كا دن چێكه‌ن ب ناڤێ (الجامعه‌ العربیه‌ للمیلیشیات) و بێ هه‌ستیاری ل گه‌ل رێزگرتنه‌كا مه‌زن بوَ زانایێن ئاینێ ئیسلامێ كو هزرا وان ئه‌وه‌ جوهی دوژمنه‌كێ ته‌قلیدی یێ كه‌ڤنه‌ بوَ موسلمانه‌تیێ، لێ ئه‌ڤرۆ دبینین ژۆره‌كا عه‌مه‌لیاتا له‌شكری ل سووریێ یا پێكهاتی ژ ئیسرائیل و توركیا و ئوردن و تشتێ سه‌یر ئه‌وه‌ ئوردن خودان دیرۆكه‌كا ئیسلامی و خوه‌ ددانیت شێرێ موسلمانه‌تیێ ل ده‌ڤه‌رێ. دێ ئه‌ڤ بزاڤه‌ هه‌می ب سه‌رێ عه‌ره‌بان دا هێنه‌ شكاندن و به‌رژه‌وه‌ندیا ئیرانێ و توركیا و ئیسرائیلێ دایه‌. مخابن ئه‌م وه‌ك هه‌رێم یێن كه‌فتینه‌ د ناڤ خه‌ونێن كه‌ڤن یێن گه‌نی یێن شه‌ڕێ (چالدێران) یان هه‌ڤپه‌یمانا (ئه‌رزه‌روم) یان هێرشێن هه‌مه‌جۆر ژ لایێ هه‌ڤسووی مه‌ و برایێ مه‌ یێ مه‌زن عیراقێ، لێ هندی پێشمه‌رگێن مه‌ هه‌بن دێ ئالایێ مه‌ یێ بلند بیت و پاشه‌رۆژا مه‌ ژی دێ یا گه‌ش بیت، چونكو مه‌ سه‌رۆك و پێشمه‌رگێ حه‌كیم هه‌یه‌ ئه‌و ژی سه‌رۆك (مه‌سعود بارزانی) یه‌.

عه‌ره‌ب و ئیسرائیل هه‌ردو ئێك ره‌گه‌زن، كو سامی نه‌ ئانكو پسمانن به‌لێ ژ لایێ ئایینی ڤه‌ ئێك حه‌ز ژ یێ دی ناكه‌ت و ئه‌ڤه‌ پتر ژ حه‌فتێ سالانه‌ هه‌ڤركیێ و شه‌ڕی ل سه‌ر ئاخا فه‌له‌ستینی دكه‌ن و كی ژی یێ نه‌حه‌قه‌ كینه‌؟؟ ئه‌و نه‌ بابه‌تێ مه‌یه‌، چونكی عیراقێ چ سنۆرێن نێزیك ل گه‌ل ئیسرائیلێ نینن و دێ بینین ب شه‌ڤ و رۆژ داخوازا شه‌ڕی دكه‌ن و ل ڤێ دووماهیێ ل هه‌می ده‌ڤه‌رێن عه‌ره‌بان و ب تایبه‌ت پشتی ڤان كاودانێن سیاسی یێن ب هێز خوه‌نیشاده‌را دۆزا فه‌له‌ستینی یا ژبیركری و كه‌سه‌ك نه‌ به‌حسی سه‌رفه‌رازیێ و كه‌رامه‌تێ دكه‌ت و نه‌ به‌حسی شه‌ڕێ ئیسرائیلێ دكه‌ت وه‌كی دیكلی كو سپێدێ هه‌تا ئێڤاری هه‌تا د چو كاران د ناڤ ز بلی دایه‌ (حاشای روویێ هه‌وه‌)، به‌لێ هنده‌ك پرسیار هه‌نه‌ ئارسته‌ی عه‌ره‌بان دكه‌ین كو پاپۆره‌كا گازا كوردی یا گه‌هشتیه‌ به‌نده‌را عه‌سقه‌لان یا ئیسرائیلی كو هاتیه‌ فرۆتن ب رێیا بازرگانه‌كێ گازێ دونیا نه‌ رابوو و نه‌ روونشت به‌لێ بۆریه‌كا تایبه‌ت یا غازێ و ئێك یا گازێ و ب شێوه‌یه‌كێ زیندی مسرێ كو مه‌زنترین ده‌وله‌تا عه‌ره‌بی دچیت بوَ ئیسرائیلێ دگه‌ل هه‌بوونا بالیۆزا ئیسرائیلێ ل قاهیره‌ پایته‌ختا مسرێ هه‌یه‌، هه‌روه‌سا ئه‌ڤه‌ سێ ساله‌ رێكه‌فتنامه‌كا نهێنی ل گه‌ل ئوردنێ هه‌یه‌ كو ئاڤێ ژ ده‌ریا سۆر بكێشن بوَ ده‌ریا مری دا ئاڤێ شرین بكه‌ن بوَ ئوردنێ چونكو ئاڤا ده‌ریا مری د مه‌ترسیا هشك بوونێ دایه‌ ل سالا (2050) دا. پشتی (2003) ئه‌رشیڤه‌كێ هه‌ی تایبه‌تمه‌نده‌ ب جوهیاڤه‌ و پارچه‌ك ژ وی ئه‌رشیڤی ته‌وراته‌كه‌ یا كه‌ڤن ب حبرێ هنارا هاتیه‌ نڤیسین ل سه‌ر پیستێ غه‌زالا به‌ری هزاران سالان هاتیه‌ دزین ژ سه‌رداڤێ مخابه‌راتا عیراقی و هنارتن بوَ ئیسرائیلێ ژبلی هێله‌كا فرۆكڤانا ئیماراتی یا تایبه‌ت بوَ ئیسرائیلێ هه‌یه‌ و كۆمپانیێن ئیسرائیلێ ل بن ناڤێن ئاشۆپی بازرگانیێ دكه‌ن و ب پارێ ئیسرائیلێ شۆل دكه‌ن و سوده‌كێ باش ژێ دكه‌ن و سه‌باره‌ت موسلمانان ژی ب تنێ ل سه‌ر تۆرێن میدیایی (مه‌حموود ئه‌حمه‌دی نه‌جاد) ئه‌وێ خوه‌ ددانیت مه‌زنترین ده‌وله‌ت دژی ئیسرائیلێ ل دو سێ كه‌نالان دا دیاربوو چاوا د چوو سه‌رێ حاخامێن ئیسرائیلێ دا و مایتێكه‌ره‌ ب وان ڤه‌ و هه‌می بریندارێن (جبهه‌ النصره‌) و ئه‌ڤێن دی یێن سووری چاره‌سه‌ریا وان دهێنه‌كرن ل نه‌خۆشخانێن ئیسرائیلێ دا و ل ڤێرێ دێ بێژین و دگه‌ل رێزگرتنێ بوَ مه‌لا و زانایێن مه‌ یێن ئیسلامی (عه‌وافی و سه‌د عه‌وافی بوَ ئیسرائیل) هه‌می پاپۆره‌كا گازێ یا كوردی و ب رێیا بازرگانێ بیانی هۆسا ل مه‌ ده‌نگڤه‌ دا، پا هه‌كه‌ سوبه‌هی پیچه‌ك عیراق رحه‌ت بوو دێ چ ب سه‌رێ مه‌ ئینیت؟! و بلا ژ بیرا حوكمه‌تا عیراقێ نه‌چیت ده‌مێ داعش زه‌ڤیا عجێل و عحه‌لاس ئه‌وا ل تكریت گازا وان بری و ده‌مێ له‌شكر فرێكری وان ئاگر به‌ردانه‌ وان زه‌ڤیێن گازێ، خودێ بوَ مه‌ سه‌رۆك و پێشمه‌رگه‌ مه‌سعود بارزانی ل گه‌ل پێشمه‌رگێن ملله‌تی بهێلیت و سه‌ركه‌فتنێ بده‌تێ دا كه‌سه‌ك ده‌ستدرێژیێ ل ملله‌تێ مه‌ نه‌كه‌ن.

بلا ئه‌م خوه‌ نه‌ خاپینین وه‌ك كورد كا ئه‌ڤ حه‌شدا شعبی كینه‌؟ هه‌ر ئه‌و بوون د ناڤ رێزێن به‌عسیان دا و هه‌ر ئه‌و (جیش الشعبی) بوون و هه‌ر ئه‌و له‌شكرێ سه‌دامی بوون ده‌مێ شه‌ڕێ ئیرانێ كری و ده‌مێ كوێت داگیركری و ئه‌ڤرۆ یێن دهێنه‌ سونیان و ده‌ڤه‌رێن وان و یێن بنبڕ دكه‌ن و هه‌كه‌ ئه‌م خوه‌ بێ ده‌نگ بكه‌ین، ئه‌ڤ ڤیدیۆیێن وان و ئه‌ڤه‌ راپۆرتا ( UN )ێ ل گه‌ل راپۆرتێن (HRW) هیۆمه‌ن رایتس و چو یێ دیار دكه‌ن و به‌لاڤه‌ دكه‌ن كو ئه‌ڤ حه‌شده‌ یێ خه‌لكێ دسۆژن و سه‌رژێ دكه‌ن و ته‌عداییێ دكه‌ن و مرۆڤان دهاڤێژنه‌ بن زنجیرێن تانكان و فه‌رقا وان و داعشان نینه‌، نه‌ به‌س ئه‌ڤه‌یه‌، به‌لێ (رامبۆ العامری) ل گه‌ل (ڤاندام الخزعه‌لی) خوه‌ یێن ژ عه‌بادی ژی بهێزتركه‌فتین و عه‌بادی نه‌شێت ژ به‌ر وان لۆت بده‌ت. یێ هه‌ول دده‌ن تۆلا كه‌ڤن كو به‌ری (1400) سالان ژ سونیان ڤه‌كه‌ن و هه‌ردو یێن دبێژن (الله‌ اكبر) و هه‌ردو یێن شه‌هدێ دده‌ن و یێ بوَ خوه‌ مه‌دحان دكه‌ن كو (4500) سوننی یێن گه‌هشتینه‌ وان، به‌لێ بێ چه‌ك و بێ رۆله‌كێ شه‌ڕی و ل دووماهیا حه‌شدێ یێن روونشتین، كه‌واته‌ جه‌نه‌رال (دیمبسی) ده‌مێ بوویه‌ شه‌ڕێ تكریتێ چ قه‌یرانێن ئابووری ل حوكمه‌تا عیراقێ نه‌مان و ب دو رۆژان (6000000) شێست ملیۆن دۆلار ل گه‌ل چه‌ك و ته‌قه‌مه‌نیه‌كا زوور بوَ حشدێ په‌یداكرن و به‌رێ وان دا تكریت و مه‌ دیت ل سه‌ر تۆرێن میدیایێ و تۆرێن جڤاكی چاوا ده‌ڤه‌رێن سونیان ل دیالا و كه‌مه‌را به‌غدا و ده‌وروبه‌رێ وێ ژ خه‌لكێ وێ یێن سوننی ڤالاكرن و هه‌ر یێن مه‌دحان دكه‌ن كو ئه‌ڤ هێزه‌ یا عیراقێ یه‌ (100%) سه‌د ژ سه‌د و به‌حسێ شۆره‌شڤانێن ئیرانێ و سندریكێن وان ئه‌وێن به‌ر ب سنۆرێ ئیرانێ د چنه‌ ل گه‌ل بسپۆرێن له‌شكری و ب چه‌كێ عیراقێ ئه‌وێ هاتیه‌ تالانكرن و فرۆتن بوَ ئیرانێ جاره‌كا دی گه‌هشته‌ به‌ر ده‌ستێ حشدێ و ل بن هزر و شیره‌تێن (ئارنولدێ سوله‌یمانی) ئه‌وێ جاره‌كێ ل ڤێرێ و جاره‌كێ ل سووریێ شه‌ری دكه‌ت. مه‌ترسیا مه‌ ئه‌وه‌ وه‌ك كورد ئه‌ڤ عه‌ره‌به‌ نه‌ خودان سۆزن و وه‌كی ئامرلی و دۆزخورماتۆ دێ خوه‌ ل سه‌ر مه‌ ژی سه‌پینن و وێ گاڤێ پێشمه‌رگێن قاره‌مان جاره‌كا دی دێ بنه‌ دیوار و دێ به‌ره‌ڤانیێ ژ ملله‌تی كه‌ن.

عه‌ره‌ب و ئیسرائیل هه‌ردو ئێك ره‌گه‌زن، كو سامی نه‌ ئانكو پسمانن به‌لێ ژ لایێ ئایینی ڤه‌ ئێك حه‌ز ژ یێ دی ناكه‌ت و ئه‌ڤه‌ پتر ژ حه‌فتێ سالانه‌ هه‌ڤركیێ و شه‌ڕی ل سه‌ر ئاخا فه‌له‌ستینی دكه‌ن و كی ژی یێ نه‌حه‌قه‌كی؟؟ ئه‌و نه‌ بابه‌تێ مه‌یه‌، چونكی عیراقێ چ سنۆرێن نێزیك ل گه‌ل ئیسرائیلێ نینن و دێ بینین ب شه‌ڤ و رۆژ ده‌عوا جه‌نگی دكه‌ن و ل ڤێ دووماهیێ ل هه‌می ده‌ڤه‌رێن عه‌ره‌با و ب تایبه‌ت پشتی ڤان كاودانێن سیاسی یێن ب هێز خوه‌نیشاده‌را دۆزا فه‌له‌ستینی یا ژبیركری و كه‌سه‌ك نه‌ به‌حسی سه‌رفه‌رازیێ و كه‌رامه‌تێ دكه‌ت و نه‌ به‌حسی شه‌ڕێ ئیسرائیلێ دكه‌ت وه‌كی دیكلی كو سپێدێ هه‌تا ئێڤاری هه‌تا د چو كاران د ناڤ ز بلی دایه‌ (عفوا) به‌لێ بنگ دده‌ت هنده‌ك پرسیار هه‌نه‌ ئارسته‌ی عه‌ره‌بان دكه‌ین كو پاپۆره‌كا گازا كوردی یا گه‌هشتیه‌ به‌نده‌را عه‌سقه‌لان یا ئیسرائیلی كو هاتیه‌ فرۆتن ب رێیا بازرگانه‌كێ گازێ دونیا نه‌ رابوو و نه‌ روونشت به‌لێ بۆریه‌كا تایبه‌ت یا غازێ و ئێك یا گازێ و ب شێوه‌یه‌كێ زیندی مسرێ كو مه‌زنترین ده‌وله‌تا عه‌ره‌بی دچیت بوَ ئیسرائیلێ دگه‌ل هه‌بوونا بالیۆزا ئیسرائیلێ ل قاهیره‌ پایته‌ختا مسرێ هه‌یه‌س، هه‌روه‌سا ئه‌ڤه‌ سێ ساله‌ رێكه‌فتنامه‌كا نهێنی ل گه‌ل ئوردنێ هه‌یه‌ كو ئاڤێ ژ ده‌ریا سۆر بكێشن بوَ ده‌ریا مری دا ئاڤێ شرین بكه‌ن بوَ ئوردنێ چونكو ئاڤا ده‌ریا مری د مه‌ترسیا هشك بوونێ دایه‌ ل سالا (2050) دا. پشتی (2003) ئه‌رشیڤه‌كێ هه‌ی تایبه‌تمه‌نده‌ ب جوهیاڤه‌ و پارچه‌ك ژ وی ئه‌رشیڤی ته‌وراته‌كه‌ یا كه‌ڤن ب حبرێ هنارا هاتیه‌ نڤیسین ل سه‌ر پیستێ غه‌زالا به‌ری هزاران سالان هاتیه‌ دزین ژ سه‌رداڤێ مخابه‌راتا عیراقی و هنارتن بوَ ئیسرائیلێ ژبلی هێله‌كا فرۆكڤانا ئیماراتی یا تایبه‌ت بوَ ئیسرائیلێ هه‌یه‌ و كۆمپانیێن ئیسرائیلێ ل بن ناڤێن ئاشۆپی بازرگانیێ دكه‌ن و ب پارێ ئیسرائیلێ شۆل دكه‌ن و سوده‌كێ باش ژێ دكه‌ن و سه‌باره‌ت موسلمانان ژی ب تنێ ل سه‌ر تۆرێن میدیایی (مه‌حموود ئه‌حمه‌دی نه‌جاد) ئه‌وێ خوه‌ ددانیت مه‌زنترین ده‌وله‌ت دژی ئیسرائیلێ ل دو سێ كه‌نالان دا دیاربوو چاوا د چوو سه‌رێ حاخامێن ئیسرائیلێ دا و مایتێكه‌ره‌ ب وان ڤه‌ و هه‌می بریندارێن (جبهه‌ النصره‌) و ئه‌ڤێن دی یێن سووری چاره‌سه‌ریا وان دهێنه‌كرن ل نه‌خۆشخانێن ئیسرائیلێ دا و ل ڤێرێ دێ بێژین و دگه‌ل رێزگرتنێ بوَ مه‌لا و زانایێن مه‌ یێن ئیسلامی (عه‌وافی و سه‌د عه‌وافی بوَ ئیسرائیل) هه‌می پاپۆره‌كا گازێ یا كوردی و ب رێیا بازرگانێ بیانی هۆسا ل مه‌ ده‌نگڤه‌ دا، پا هه‌كه‌ سوبه‌هی پیچه‌ك عیراق رحه‌ت بوو دێ چ ب سه‌رێ مه‌ ئینیت؟! و بلا ژ بیرا حوكمه‌تا عیراقێ نه‌چیت ده‌مێ داعش زه‌ڤیا عجێل و عه‌لاس ئه‌وا ل تكریت گازا وان بری و ده‌مێ له‌شكر فرێكری وان ئاگر به‌ردانه‌ وان زه‌ڤیێن گازێ، خودێ بوَ مه‌ سه‌رۆك و پێشمه‌رگه‌ مه‌سعود بارزانی ل گه‌ل پێشمه‌رگێن ملله‌تی بهێلیت و سه‌ركه‌فتنێ بده‌تێ دا كه‌سه‌ك ده‌ستدرێژیێ ل ملله‌تێ مه‌ نه‌كه‌ن.

ئه‌ڤه‌ ب خێر ئه‌ڤ مه‌ها كوردان بووری كو بێگومان ل ڤێ مه‌ها ئادارێ خۆشی و نه‌خۆشیێن ملله‌تێ كورد ل گه‌ل بیره‌وه‌ریێن نه‌ته‌وایه‌تی پێدڤیه‌ نه‌ زڤرینه‌ پاشی و هه‌رجار نه‌خۆشیێن خوه‌ دوباره‌ بكه‌ینه‌ڤه‌ و خه‌مان ژێ بخوین، به‌لێ پێدڤی یه‌ ئه‌م بوَ پێشڤه‌ بكه‌ین كا چاوا مرۆڤێ كورد ژ شانه‌ده‌ر هه‌تا چه‌رمۆ هه‌تا ئارابخا و ئه‌ربائیلۆ و خنس و دگه‌هیته‌ پرا ده‌لال، ئه‌ڤه‌ هه‌می پێشڤه‌چوونه‌ و چ رۆسته‌مێ زال بیت یان كاوه‌یێ خودانێ چه‌كووچی بیت ل گه‌ل هه‌می شۆره‌شڤانێن كورد دا بگه‌هیته‌ قه‌ندیلی و شه‌ڕێ (كۆیه‌) كو ب سه‌ركه‌فتیانه‌ پێشمه‌رگه‌ و سه‌رۆك (مه‌سعوود بارزانی) سه‌ركرداتیا وێ كر و دێ ل ڤێرێ بێژین دیرۆكا مه‌ یا كوردی هه‌می جویێن خوینێ ل گه‌ل رووبارێن ئاڤێ و بارانێن رۆندكان پێكهاتیه‌ و دوژمنێ كودرا نه‌ ئێكه‌، به‌لێ سێ چاره‌كن تشته‌ك نه‌هێلا ب سه‌رێ مه‌ نه‌ جه‌رباندی، ژ ناپالمێ تا فرۆكه‌ و تانك و تۆپا و كیمیاوی و ب دووماهی چه‌ك و ئه‌و ژی چه‌كه‌كێ نوویه‌ برینا نانی و مۆچا و ژ وان ڤه‌ دێ كورد خوه‌ بوَ وان چه‌مینن و دێ هیڤیان ژ وان كه‌ن، لێ پا ئه‌و نزانن ئه‌و خوینا د كودستانێ دا هاتیه‌ خار و ئه‌و شۆره‌شێن ب وی چه‌كووچی دهاته‌كرن مرۆڤێ كورد بهێزترئێخست و ب وره‌تر كه‌فتن و بوَ فه‌خر و شانازی بوَ كوردان و روو ره‌شی بوَ دوژمنان و ئێكه‌مین ئافره‌ت د وارێ سیاسه‌تێ دا هاتیه‌ سێداره‌دان كورد بوو و بوَ سونبولا شه‌هیدێن كوردستانێ و هه‌كه‌ بهێین و پرسیارێ ژ سیاسه‌تمه‌دارێن خوه‌ بكه‌ین كا ئه‌رێ كوردستان ژ هه‌ژی یه‌ ببیته‌ ده‌وله‌ت ب سه‌ربه‌خوه‌یی دێ ده‌ڤێ خوه‌ خۆش كه‌ت و ئه‌زمانێ خوه‌ خواركه‌ت و دێ بێژیت: به‌لێ به‌س و (ترسا مه‌ ژ وێ به‌سێ یه‌) هه‌كه‌ جودا نه‌بیت ژ عیراقێ یان ده‌وله‌تێن دی چێتره‌ بۆچی؟ چونكو چیایێن مه‌ تژی كانزانه‌ له‌وما ب شێوه‌كێ شۆڤینی حه‌زكرنا ده‌ستهه‌لاتێ كو ئه‌م هه‌ر ل ژێر ده‌ستێ وان دا بین و حه‌ز ناكه‌ن ئه‌م ببینه‌ ده‌وله‌ت لێ ئه‌م سووند خوین ب چاكووچێ كاوه‌ی و خوینا شه‌هیدان و ب گیانێ سه‌رۆكێ پێشمه‌رگه‌ (مه‌سعود بارزانی) نه‌ به‌س دێ بینه‌ ده‌وله‌ت به‌لێ ده‌وله‌ته‌كا پێشكه‌فتی .