دلهین حەمدی

پارتی دیموكراتی كوردستان باوەری ب تەبایێ و ئارامیێ و ئاڤەدانیێ و خۆڕاگریێ و ئێكڕێزیێ هەیە و بۆ ڤێ چەندێ ژی قوربانیان ددەت و هەروەسا باوەریەكا تمام ژی ب دیموكراسیەتێ و مافێن مرۆڤی و هەلبژارتنێن ئازاد و پاك و پاقژ هەیە و هەرگاڤ دەسپێشخەریێ بۆ جێبەجێكرنا بنەمایێن دیموكراسیەتێ دكەت و ل ڤێ گەڕا هەلبژارتنێن پەڕلەمامانێ ئیراقێ دا ژی ب لیستا (٢٧٥) و ل ژێر درووشمێ (هەڤپشكی، هەڤسەنگی، لهەڤهاتن)ێ پشكداریێ دكەت ب مەرەما خزمەتكرنا خەلكێ هەرێما كوردستانێ و ئیراقێ ب گشت چین و توێژان ڤە و ژ بەر ڤێ چەندێ ژی بانگەوازییەكێ ئاڕاستەی گشت خەلكێ شەرەفمەندێ هەرێما كوردستانێ دكەین كو پشتەڤانیێ ل لیستا (٢٧٥) یا پارتی دیموكراتی كوردستان بكەن و دەنگێ خۆ مسۆگەر بكەن بۆ وێ پارتیا كۆ ل ساڵێن چلان دا هەتاكو نوكە ب چەك و كۆلنەدان و خەباتا خۆ یا بەردەوام تێكۆشان كری ژ بۆ بدەستڤەئینانا ماف و ئازادیێن گەلێ كورد و ژ دەرەنجامێن تێكۆشانا پارتی دیموكراتی كوردستان ل ساڵا (١٩٩١)ێ پشتی ڕاپەرینا پیرۆزا گەلێ كوردستانێ (حوكمەتا هەرێما كوردستانێ و قەوارەیێ هەرێما كوردستانێ) دهێنە بەرهەم و ئێكەم كابینەیا حوكمەتێ ژی ب هەلبژارتنێت ئازاد و دەنگێ هەڤوەلاتیان دهێتە پێكئینان و هەتا نوكە ژی پارتی دیموكراتی كوردستان دەستبەرداری هەلبژارتنان و پڕۆسەیێن دیموكراسی نەبوویە، ژ لایێ ئەمنییەت و سەقامگیریێ ڤە ژی هەرگاڤ پارتی دیموكراتی كوردستان وەكی مەتالەكێ زیندی خۆ دایە بەر سینگێ خەلكێ هەرێمێ و قەوارەیێ هەرێما كوردستانێ و ژ پیلان و پیلانگێڕیێن دوژمن و نەحەزان پاراستینە و دەنگ و ڕەنگێ خێزان و كەس و كارێن شەهید و پێشمەرگەیێن قەهرەمان و زەرەرمەندان ژی بوویە ئەڤجا ل هەر پارچەكا ئیراقێ بن.
ئەگەر مە بڤێت كوردستان و ئیراق هەرگاڤ د پڕ بن ژ ئارامیێ و ئازادیێ و ئاڤەدانیێ و خۆشگوزەرانیێ دڤێت ئەم هەمی وەك كەرنەڤالەكێ ل ڕۆژا (١١ ⁄ ١١ ⁄ ٢٠٢٥)ێ بەرەف سندۆقێن دەنگدانێ بچین و ب شانازی ڤە دەنگی بدەینە لیستا (٢٧٥) یا سەرۆك و ڕێبەر (مسعود مستەفا بارزانی)، چونكی ئەڤ لیستە بتنێ دشێت خزمەتا هەڤوەلاتیان بكەت بێی جیاوازیا ئایین و نەتەوەیان، هەروەسا لیستا (٢٧٥) تاكە لیستە كو هەولێن جددی و پڕ ژ ئیرادە ددەت بۆ پاراستنا كوردستانێ و ئیراقەكا فیدڕال و ئاڤەدان كو مافێن گشت خەلكێ ئیراقێ تێدا د پاراستی بن، لەوڕا یا گرنگە گشت خەلكێ هەرێما كوردستانێ و ناڤەڕاست و ژێریا ئیراقێ دەنگی ب لیستا (٢٧٥) یا پارتی دیموكراتی كوردستان بدەن و هەبوونا خۆ بسەلمینن.

دلهین حەمدی

پارتی دیموكراتی كوردستان باوەری ب تەبایێ و ئارامیێ و ئاڤەدانیێ و خۆڕاگریێ و ئێكڕێزیێ هەیە و بۆ ڤێ چەندێ ژی قوربانیان ددەت و هەروەسا باوەریەكا تمام ژی ب دیموكراسیەتێ و مافێن مرۆڤی و هەلبژارتنێن ئازاد و پاك و پاقژ هەیە و هەرگاڤ دەسپێشخەریێ بۆ جێبەجێكرنا بنەمایێن دیموكراسیەتێ دكەت و ل ڤێ گەڕا هەلبژارتنێن پەڕلەمامانێ ئیراقێ دا ژی ب لیستا (٢٧٥) و ل ژێر درووشمێ (هەڤپشكی، هەڤسەنگی، لهەڤهاتن)ێ پشكداریێ دكەت ب مەرەما خزمەتكرنا خەلكێ هەرێما كوردستانێ و ئیراقێ ب گشت چین و توێژان ڤە و ژ بەر ڤێ چەندێ ژی بانگەوازییەكێ ئاڕاستەی گشت خەلكێ شەرەفمەندێ هەرێما كوردستانێ دكەین كو پشتەڤانیێ ل لیستا (٢٧٥) یا پارتی دیموكراتی كوردستان بكەن و دەنگێ خۆ مسۆگەر بكەن بۆ وێ پارتیا كۆ ل ساڵێن چلان دا هەتاكو نوكە ب چەك و كۆلنەدان و خەباتا خۆ یا بەردەوام تێكۆشان كری ژ بۆ بدەستڤەئینانا ماف و ئازادیێن گەلێ كورد و ژ دەرەنجامێن تێكۆشانا پارتی دیموكراتی كوردستان ل ساڵا (١٩٩١)ێ پشتی ڕاپەرینا پیرۆزا گەلێ كوردستانێ (حوكمەتا هەرێما كوردستانێ و قەوارەیێ هەرێما كوردستانێ) دهێنە بەرهەم و ئێكەم كابینەیا حوكمەتێ ژی ب هەلبژارتنێت ئازاد و دەنگێ هەڤوەلاتیان دهێتە پێكئینان و هەتا نوكە ژی پارتی دیموكراتی كوردستان دەستبەرداری هەلبژارتنان و پڕۆسەیێن دیموكراسی نەبوویە، ژ لایێ ئەمنییەت و سەقامگیریێ ڤە ژی هەرگاڤ پارتی دیموكراتی كوردستان وەكی مەتالەكێ زیندی خۆ دایە بەر سینگێ خەلكێ هەرێمێ و قەوارەیێ هەرێما كوردستانێ و ژ پیلان و پیلانگێڕیێن دوژمن و نەحەزان پاراستینە و دەنگ و ڕەنگێ خێزان و كەس و كارێن شەهید و پێشمەرگەیێن قەهرەمان و زەرەرمەندان ژی بوویە ئەڤجا ل هەر پارچەكا ئیراقێ بن.
ئەگەر مە بڤێت كوردستان و ئیراق هەرگاڤ د پڕ بن ژ ئارامیێ و ئازادیێ و ئاڤەدانیێ و خۆشگوزەرانیێ دڤێت ئەم هەمی وەك كەرنەڤالەكێ ل ڕۆژا (١١ ⁄ ١١ ⁄ ٢٠٢٥)ێ بەرەف سندۆقێن دەنگدانێ بچین و ب شانازی ڤە دەنگی بدەینە لیستا (٢٧٥) یا سەرۆك و ڕێبەر (مسعود مستەفا بارزانی)، چونكی ئەڤ لیستە بتنێ دشێت خزمەتا هەڤوەلاتیان بكەت بێی جیاوازیا ئایین و نەتەوەیان، هەروەسا لیستا (٢٧٥) تاكە لیستە كو هەولێن جددی و پڕ ژ ئیرادە ددەت بۆ پاراستنا كوردستانێ و ئیراقەكا فیدڕال و ئاڤەدان كو مافێن گشت خەلكێ ئیراقێ تێدا د پاراستی بن، لەوڕا یا گرنگە گشت خەلكێ هەرێما كوردستانێ و ناڤەڕاست و ژێریا ئیراقێ دەنگی ب لیستا (٢٧٥) یا پارتی دیموكراتی كوردستان بدەن و هەبوونا خۆ بسەلمینن.

دلهین حەمدی

یا خۆیایە وەلاتێ كوردان واتە (كوردستانا مەزن) ل سەدەیەكێ زێدەترە ژ ئەگەرێ رێكەفتننامەیا (سایكس – بیكۆ كو د ناڤبەرا هەردو وەلاتێن شاهنشینا ئێكگرتی (بریتانیا)یێ و فڕەنسایێ دا هاتبوو ئیمزاكرن ب سەرپەرشتی و ڕازیبوونا ئیمپڕاتوریەتا رۆسیایێ و د ئێك ژ ئەنجامێن ڤێ ڕێكەفتنێ دا كوردستانا مەزن ب سەر وەلاتێن دەوروبەر ڤە دهێتە دابەشكرن و ئێدی تاكێ كورد دبیتە هەڤوەلاتیێ پلە دو و سێ د وان وەلاتان دا سەرەڕای ستەملێكرنێ و هەولدانا نەهێلانا موركا نەتەوایەتیێ لدەف كوردان، ل ڤێرێ من دڤێت ئاماژێ ب گۆتنەكا (ئیبن خەلدون)ی بكەم دەما كو دبێژیت (هەمی خەلك د ئارامیێ دا وەكهەڤن لێ د تەنگاڤیان دا ژ ئێكجودا دبن) كەواتە د ڤان كاودانان دا ئەو كەسانێن كو هەستا وان یا نەتەوایەتی یا ب هێز و چالاك بیت هەولا شۆڕشێ و هەستا وەلات ڕزگاركرنێ ل دەف پەیدا دبیت پێچەوانەی وان كەسان یێن كو چ وەفایەك بۆ گەل و وەلاتێ خۆ نەبیت، ئەو كەس و لایەنێن ب ڤان جۆرە شۆڕشان ژی ڕادبن ب شێوازەكێ ڕێكخستی و دویر ژ بەرژەوندیێن كەسۆكی پێكولا دكەن و دەسپێكا شۆڕشا خۆ سەخبێر دكەن ب هەر ڕێكەكا هەبیت پێخەمەت سەركەفتنان و خۆڕزگاركرن ژ داگیركارییان و نموونەیا هەرە بەرچاڤ و ب هێز ل سەر ڤێ چەندێ ژی شۆڕشا گەلێ كورد ل باشۆرێ كوردستانێ بوو ب ڕێبەراتیا نەمر (مەلا مستەفایێ بارزانی) و ژ ئەنجامێ دەهان سالێن پڕ نشیڤی و ئەڤرازی ئێدی هەرێما كوردستانێ و حوكمەتا هەرێما كوردستانێ دبنە دەسكەفتێن ڤێ شۆڕشێ، ل پارچەیێن دیتر یێن كوردستانێ ژی شۆڕش هەبووینە، لێ ب مخابنی ڤە ب شێوازەكێ نەڕێكخستی دهاتنە ئەنجامدان و دەستێن ناڤخۆیی یێن دژە شۆڕشێ ژی كارتێكرن ل شۆڕشێن وان دكرن و جهێ ئاماژە پێ كرنێ یە ئێك ژ ئەگەرێن سەرەكی یێن شكەستا هەر هەول و شۆڕشەكا كوردی ژ بۆ ئازادیێ و بن دەست دەركەفتنێ خیانەتا ناڤخۆیی بوویە كو هندەك كەس و لایەن دبوونە دارودەستەك ژ بۆ دوژمن و داگیركەران، پێخەمەت بەرژەوەندیێن خۆ یێن كەسۆكی و نەڕەوا.
بارزانیێ نەمر د ئێك ژ گۆتنێن خۆ دا دبێژیت (وان دەستكەفتان نەفرۆشن یێن كو ب خوینێ بدەستڤە هاتین) كەواتە پاراستنا دەسكەفتان زۆر یا گرنگە و دڤێت بكەینە ڕێسا و یاسا و زارۆیێن خۆ ژی ل سەر وێ چەندێ پەروەردە بكەین كو هەستا نەتەوایەتی ل دەف وان پەیدا ببیت و دەستكەفتێن شۆڕشا باب و باپیرێن خۆ ژی گرنگیێ پێ بدەن و بپارێزن و ببنە كەسانێن گەل و نەتەوە پەروەر و داهێنەر داكو تووشی چ نسكۆ و شكەستنان نەبن، هەروەكی نەوەیێن بەری خۆ و هەول بدەن شۆڕشا گەلانێن سەركەفتی و پێشكەفتیێن جیهانێ داننە پێش چاڤێن خۆ و مفای ژێ وەربگرن، چونكی بۆ ئاڤاكرنا هەر وەلاتەكێ پێدڤی ب بناغەیەكێ موكم هەیە و كەرەستەیێن وی بناغەی ژی دڤێت كوالیتیەكا بلند هەبیت ئەو ژی ئینتیما و حەژێكرنە بۆ وەلاتی.
ل دوماهیێ من دڤێت بدەمە دیار كرن كو د هەر كار و پڕۆژە و پلان و شۆڕشەكێ دا ئەگەر دەسپێك ب دروستی هاتنە سەخبێركرن، د ئەنجام دا دەستكەفتێن مەحال دهێنە بەرهەم لێ دڤێت هشیار و لێ زان و كاڕا بین د وارێ پاراستنا وان دەستكەفتان دا.

دلهین حەمدی

ئەڤە ئەو بەروارە یاكو شۆڕشا ئیلۆنا مەزن تێدا هاتیە بەرپاكرن بەری (٦٤) سالان كو شۆڕشەكا (سیاسی، جڤاكی، چەكداری، هزری…هتد) بوو هەروەسا ڤێ شۆڕشێ مێژوویەكا نوی دروستكر و ئومێد ئێخستە د ناڤ دلێ نەتەوەیەكێ دا و كەلهەك بوو ژ بۆ ئازادیخواز و دیموكراتیخوازان ل دەڤەرێ و جهێ سەرنج و هەلسەنگاندنێ بوو ل سەر ئاستێ نیڤدەولەتی و هەرێمی ب گشتی.
ل (١١)ی ئیلۆنا (١٩٦١)ێ ب ڕێبەراتیا نەمر (مەلا مستەفایێ بارزانی) ئەڤ شۆڕشە هاتە بەرپاكرن و ئیرادە و ڕەتكرنا بندەستیێ د ناخێ تاك ب تاكێن كوردستانێ دا ئاڤاكر، بەرپاكرنا ڤێ شۆڕشێ بۆ وێ چەندێ ڤەدگەڕیت كو ڕژێما (عبدالكریم قاسم)ی ژ وان هەمی سۆزان پاشگەز دبیت یێن كو ب سەركردایەتیا سیاسی یا كوردستانێ دابوون و ل دەسپێكێ ڤێ ڕژێمێ پێنگاڤێن باش هاڤێن و هەلوەستێ وێ یێ ئەرێنی بوو لێ پاشی كەفتە د بن كاریگەریا هزرا ناسیۆنالیزما عەرەبی دا و پەشیمان دبیت ژ وان سۆزێن ب سەركردایەتیا سیاسی یا كوردستانێ دابوون و پەلامارا كوردستانێ دا و بارزانیێ نەمر ژی ل ژێر ناڤێ (شۆڕشا ئیلۆنێ) و ب هیممەتا خەلك و پێشمەرگەیێن دلێرێن كوردستانێ بەر سینگێ ڕژێما قاسمی گرتن و ڤێ شۆڕشێ نێزیكی (١٤) ساڵان ڤەكێشا و د ئەنجام دا ڕێكەفتنا (١١ی ئادارا ١٩٧٠) لێ هاتە بەرهەم كو ب ڕویدانەكا مەزن دهاتە هەژماركرن د دیرۆكا ڕزگاریخوازا گەلێ كورد دا چونكی بۆ ئێكەم جار بوو د مێژوویێ دا دەڤەرەكا ئۆتونۆمی یا دان پێ دانایی ل باشۆرێ كوردستانێ درست دبیت و زمانێ كوردی مل ب ملێ زمانێ عەرەبی ب فەرمی هاتە نیاسین پاشی وەك پیشەیەكێ هەردەمی ڕژێما بەعسی ل پەیمان و سۆزێن خۆ پاشگەز دبیت و شەڕێ دژی كورد كوردستانیان دەستپێكر و هەوا ئەنفال و قڕكرنێ ل دژی گەلێ كورد ب ئەنجام گەهاندن و ل سالا (١٩٧٥)ێ كۆچا خەلكێ باشورێ كوردستانێ بۆ وەلاتێن دەوروبەر بتایبەتی توركیا و ئیرانێ دەستپێكر، ژ هەژی گوتنێ یە تایبەتمەندیێن شۆڕشا ئیلۆنا مەزن هند زۆرن و ئەوا مە بەحس كری بتنێ هندەك دلۆپن ژ وێ دەریایا شانازی و سەروەریا ڤێ شۆڕشێ و دڤێت توێژا گەنجان و نفشێ خۆ یێ نوكە ژی لسەر وێ چەندێ پەروەردە بكەین كو هەرگاڤ ڕێزێ ل دیرۆكا گەلێ خۆ بگرن و نەهامەتی و دەردەسەریێن باب و باپیرێن خۆ ژبیرنەكەن و بەر ب خزمەتكرنا خاك و وەلاتێ خۆ پێنگاڤان بەرەف پێش بهاڤێژن و شیانێن خۆ بۆ پتر خزمەتكرنا گەل و وەلات و شارستانیەتا خۆ بمەزێخن.
ب ڤێ چەندێ خۆیا دبیت كو شۆڕشا ئیلۆنا مەزن دبیتە ئێكەم مەزنترین شۆڕش د دیرۆكا بزاڤا ڕزگاریخوازا گەلێ كورد دا و ئێكەم دەسكەفتێ وێ یێ مەزن بدەستڤەئینانا حوكمێ ئوتونومی بوو ب حنێرا پێشمەرگەی و پشتەڤانیا جەماوەری، ل ڤێرێ پێشنیاز دكەین كو ئەڤ رۆژە واتە (١١ی ئیلۆنێ) كو خۆدان تایبەتمەندییەكا پیرۆزە ب رۆژا نیشتیمانی یا پێشمەرگەی بهێتە نیاسین و پێگیری پێ بهێتە كرن داكو نەوەیێ داهاتیێ گەلێ مە ئاشنا ببن ب ڤان پیرۆزیان و ژبیر نەكەن.
ل دویماهیكێ سەرێ ڕێز و نەوازشێ بۆ گیانێ پاكێ شەهیدێن ڕێیا ڕزگاریخوازا گەلێ كورد و سەركاروانێ وان بارزانیێ باب و كاك ئیدریسێ هەردەم زیندی دچەمینین.

دلهین حەمدی

ئەڤە ئەو بەروارە یاكو شۆڕشا ئیلۆنا مەزن تێدا هاتیە بەرپاكرن بەری (٦٤) سالان كو شۆڕشەكا (سیاسی، جڤاكی، چەكداری، هزری…هتد) بوو هەروەسا ڤێ شۆڕشێ مێژوویەكا نوی دروستكر و ئومێد ئێخستە د ناڤ دلێ نەتەوەیەكێ دا و كەلهەك بوو ژ بۆ ئازادیخواز و دیموكراتیخوازان ل دەڤەرێ و جهێ سەرنج و هەلسەنگاندنێ بوو ل سەر ئاستێ نیڤدەولەتی و هەرێمی ب گشتی.
ل (١١)ی ئیلۆنا (١٩٦١)ێ ب ڕێبەراتیا نەمر (مەلا مستەفایێ بارزانی) ئەڤ شۆڕشە هاتە بەرپاكرن و ئیرادە و ڕەتكرنا بندەستیێ د ناخێ تاك ب تاكێن كوردستانێ دا ئاڤاكر، بەرپاكرنا ڤێ شۆڕشێ بۆ وێ چەندێ ڤەدگەڕیت كو ڕژێما (عبدالكریم قاسم)ی ژ وان هەمی سۆزان پاشگەز دبیت یێن كو ب سەركردایەتیا سیاسی یا كوردستانێ دابوون و ل دەسپێكێ ڤێ ڕژێمێ پێنگاڤێن باش هاڤێن و هەلوەستێ وێ یێ ئەرێنی بوو لێ پاشی كەفتە د بن كاریگەریا هزرا ناسیۆنالیزما عەرەبی دا و پەشیمان دبیت ژ وان سۆزێن ب سەركردایەتیا سیاسی یا كوردستانێ دابوون و پەلامارا كوردستانێ دا و بارزانیێ نەمر ژی ل ژێر ناڤێ (شۆڕشا ئیلۆنێ) و ب هیممەتا خەلك و پێشمەرگەیێن دلێرێن كوردستانێ بەر سینگێ ڕژێما قاسمی گرتن و ڤێ شۆڕشێ نێزیكی (١٤) ساڵان ڤەكێشا و د ئەنجام دا ڕێكەفتنا (١١ی ئادارا ١٩٧٠) لێ هاتە بەرهەم كو ب ڕویدانەكا مەزن دهاتە هەژماركرن د دیرۆكا ڕزگاریخوازا گەلێ كورد دا چونكی بۆ ئێكەم جار بوو د مێژوویێ دا دەڤەرەكا ئۆتونۆمی یا دان پێ دانایی ل باشۆرێ كوردستانێ درست دبیت و زمانێ كوردی مل ب ملێ زمانێ عەرەبی ب فەرمی هاتە نیاسین پاشی وەك پیشەیەكێ هەردەمی ڕژێما بەعسی ل پەیمان و سۆزێن خۆ پاشگەز دبیت و شەڕێ دژی كورد كوردستانیان دەستپێكر و هەوا ئەنفال و قڕكرنێ ل دژی گەلێ كورد ب ئەنجام گەهاندن و ل سالا (١٩٧٥)ێ كۆچا خەلكێ باشورێ كوردستانێ بۆ وەلاتێن دەوروبەر بتایبەتی توركیا و ئیرانێ دەستپێكر، ژ هەژی گوتنێ یە تایبەتمەندیێن شۆڕشا ئیلۆنا مەزن هند زۆرن و ئەوا مە بەحس كری بتنێ هندەك دلۆپن ژ وێ دەریایا شانازی و سەروەریا ڤێ شۆڕشێ و دڤێت توێژا گەنجان و نفشێ خۆ یێ نوكە ژی لسەر وێ چەندێ پەروەردە بكەین كو هەرگاڤ ڕێزێ ل دیرۆكا گەلێ خۆ بگرن و نەهامەتی و دەردەسەریێن باب و باپیرێن خۆ ژبیرنەكەن و بەر ب خزمەتكرنا خاك و وەلاتێ خۆ پێنگاڤان بەرەف پێش بهاڤێژن و شیانێن خۆ بۆ پتر خزمەتكرنا گەل و وەلات و شارستانیەتا خۆ بمەزێخن.
ب ڤێ چەندێ خۆیا دبیت كو شۆڕشا ئیلۆنا مەزن دبیتە ئێكەم مەزنترین شۆڕش د دیرۆكا بزاڤا ڕزگاریخوازا گەلێ كورد دا و ئێكەم دەسكەفتێ وێ یێ مەزن بدەستڤەئینانا حوكمێ ئوتونومی بوو ب حنێرا پێشمەرگەی و پشتەڤانیا جەماوەری، ل ڤێرێ پێشنیاز دكەین كو ئەڤ رۆژە واتە (١١ی ئیلۆنێ) كو خۆدان تایبەتمەندییەكا پیرۆزە ب رۆژا نیشتیمانی یا پێشمەرگەی بهێتە نیاسین و پێگیری پێ بهێتە كرن داكو نەوەیێ داهاتیێ گەلێ مە ئاشنا ببن ب ڤان پیرۆزیان و ژبیر نەكەن.
ل دویماهیكێ سەرێ ڕێز و نەوازشێ بۆ گیانێ پاكێ شەهیدێن ڕێیا ڕزگاریخوازا گەلێ كورد و سەركاروانێ وان بارزانیێ باب و كاك ئیدریسێ هەردەم زیندی دچەمینین.

دلهین حەمدی

هەرێما كوردستانێ ئەزموونەكە جهێ شانازیێ یە ژ ڕویێ پێكڤەژیانا ئایینی و نەتەوەیی و چاڤدێرێن جیهانی ژی هەرگاڤ ب گرنگی ڤە تیشكێ دئێخنە سەر ڤێ ڕەوشا پێكڤەژیانێ ل هەرێما كوردستانێ كو دكەڤیتە د ناڤا دەڤەرەكا پڕ ژ كێشەیێن ئایینی و مەزهەبی و تائیفی دا كو ئەو ژی ئیراقە، ل هەرێما كوردستانێ هەرگاڤ كەسێ خۆ ب كێم نەدیتیە ئەڤجا هەر ئایینەك یان نەتەوەیەك بن و مافێ هەر هەمیان ژی یێ پاراستیە و ماموستایێن ئایینی ژی ڤێ چەندێ ڤەدگەڕیننەڤە بۆ فەلسەفەیا ڕێبازا بارزانیێ باب و هەروەسا سەركردایەتیا حەكیمانەیا سەرۆك (مسعود مستەفا بارزانی).
بۆ سالیادا (١٦)ی ئابێ و (٧٩)ەمین سالڤەگەڕا دامەزراندنا پارتی دیموكراتی كوردستان و ژدایكبوونا سەرۆك (مسعود مستەفا بارزانی) مەلا (ڕەعد نوری ئومەربەبلی) وەك ماموستایێ ئایینی دبێژیت (ئەو هەمی زولم و ستەما ل گەلێ كورد هاتیە كرن ب ئەنفال و كیمیاباران و نوكە ژی پاریێ ژیانێ ل خەلكێ مە دبڕن ئەڤجا پارتی دیموكراتی كوردستان نە بتنێ ڕوی ب ڕوی ڤان جورە كریاران ڕاوەستیایە بەلكی نەهێلایە ئەڤ چەندە كاریگەریێ ل سەر ئاساییشا جڤاكی ژی درست بكەت، پارتی ژبلی هندێ كو ئارمانجا وێ بدەستڤەئینانا مافێ گەلێ كوردە هەمی هەولێن خۆ ژی بۆ پاراستنا ئایینان و نەتەوەیان و پێكڤەژیانی تەرخان كرینە كو ئەڤە ژی بنەمایێ كارێ پارتی دیموكراتی كوردستانە، هەمی ئەو نەتەوە و ئایینێن جیاوازێن كو ل هەرێما كوردستانێ دژین ستاییشا ڕۆلێ سەرۆك بارزانی دكەن كو ژیانەكا ئاسودە و بێی گیر و گرفت بۆ وان دەستەبەر كرییە)، هەر تایبەت ب سالڤەگەڕا دامەزراندنا پارتی شێخ (ئیبراهیم بەرزنجی) كەسایەتیێ ئایینی و نیشتیمانی دبێژیت (ل وەختێ كو ئەم بەرێ خۆ ددەینە بەرنامێ كارێ پارتی دیموكراتی كوردستان و لایەنێن دیتر گەلەك ژ هەڤدۆ د جیاوازن، پارتی سەقامگیریێ و پاراستنا قەوارەیێ سیاسی یێ هەرێما كوردستانێ و پێكڤەژیانێ و هەڤدۆ قەبیل كرنێ و ڕەتكرنا توندوتیژیێ كریە بەرنامێ خۆ یێ كاری و جێبەجێ دكەت،پارتی ڕوی ب ڕوی وان هەمی پیلانان ژی دبیت یێن كو زیانێ دگەهیننە پێگەهێ هەرێما كوردستانێ و ئەڤ چەندە بۆ مە ددەنە دیاركرن كو هەبوونا پارتی زۆر یا گرنگە بۆ نها و قۆناغێن داهاتی ژی).
ل ڤێرێ بۆ مە دیار دبیت كو هەبوونا پارتی دیموركراتی كوردستان ب سەرۆكاتیا (مسعود مستەفا بارزانی) چەندا گرنگە و چەندا گرنگ بوویە و دێ چەندا گرنگ و چارەنڤیسساز بیت د قوناغێن داهاتی دا ژی چونكی دامەزراندنا ڤێ پارتێ ژ هزر و بیروباوەرێن نەمر (مەلا مستەفایێ بارزانی) سەرچاوەی دگریت و هەر ژ دامەزراندنا وێ هەتاكو نوكە داكوكیكارەكا ڕژد بوویە لسەر مافێ گەلێ كورد ب گشت چین و توێژان ڤە و هیچ وەختەكێ ژی سازش ل سەر مافێ گەلێ كورد نەكریە و دێ یا بەردەوام بیت ژی ل ژێر ڕاسپاردە و بڕیارێن سەرۆك و لێڤەگەر (مسعود مستەفا بارزانی) ژ بۆ خزمەتكرنەكا بێی جیاوازی و هەروەسا پتر دانەنیاسینا گەلێ ستەم لێ كریێ كورد ب جیهانێ.

دلهین حەمدی

ماددەیێن هۆشبەر ئێكە ژ وان ئاستەنگێن جددی یێن كو گەفا ل جڤاكێ مە دكەن نە ب تنێ ل سەر ئاستێ ساخلەمیێ و جڤاكێ بەلكی ل دوماھیێ دبیتە ئەگەرێ تێكدانا ئاساییشا ئابووری و سیاسی، هەروەسا ماددەیێن هۆشبەر كاریگەری ل سەر مێشك و ھزر و بیرێن مرۆڤی هەیە و دشێن ببنە ئەگەرێ گوهۆڕینێ ل ھزر و بیر و هەست و هۆشێن مرۆڤی و هەروەسا ماددەیێن ئالۆدەبوونێ نە و كاریگەری لسەر كۆئەندامێ دەماران هەیە و دبنە ئەگەرێ ژدەستدانا ھشیاریا بەشەكێ یان ب تمامی یا لەشێ مرۆڤی. هەروەسا دبنە ئەگەرێ تێكچوونەكا درێژخایەن د مێشك و ڕەفتارێن كەسێ ئالۆدەبوویی دا و زێدەباری هندێ كو ماددەیێن هۆشبەر دشێن ببنە ئەگەرێ كێشەیێن یاسایی و سزادانا تاوانباری و هەروەسا ب ئێك ژ گرفتێن جددی ل بەر سینگێ جڤاكا مە دھێنە زانین ژبەر وان زیانێن كو ب تاكی و خێزانێ و جڤاكا مە ب گشتی دگەهینن و پێدڤی ب هەولێن هەمەلایەنە هەیە بۆ خۆپاراستن و چارەسەركرنێ، چونكی ژبلی لایەنێ ساخلەمیێ بەلكی ژ لایێ ئابووری ڤە ژی دبنە ئەگەرێ هەڕفاندن و پەرتەوازەیا خێزانێ، لەوڕا ئەگەر حوكمەت و لایەنێن ئەمنی ب درستی ڕوی ب ڕوی فرۆشیار و بكارئینەرێن ماددەیێن هۆشبەر نەبیت دێ ل دوماھیێ باجەكا زۆر گران دەین هەم وەكو حوكمەت هەم وەكو خەلك.
دیاردەیا ماددەیێن هۆشبەر كاریگەرییەكا كویر و ئەرێنی ل سەر ئاساییشا ئابووری و جڤاكی یا وەلاتان هەیە و ئەڤ كاریگەریە د چەند لایەنان ڤە دەردكەڤن ژ وان:.
1- كێمبوونا بەرهەمئینان و هێزا كاری: بكارئینانا ماددەیێن هۆشبەر دبنە ئەگەرێ دابەزینا بەرچاڤ یا بەرهەمئینانا تاكەكەسی ژ ئەگەرێ لاوازیا هێزا دەروونی و جەستەیی و ژ دەستدانا ھێزا كاركرنێ.
2- زێدەبوونا ڕێژەیا بێكاریێ: ماددەیێن هۆشبەر حالەتەكێ بێكاریێ دروست دكەن ژبەركو ئالۆدەیێن وێ ھێزا كاركرنێ ژ دەست ددەن یان كێمتر كارا دبن و ئەڤە ژی هندەكا هانددەت كو لدویڤ چاڤكانیێن نەیاسایی یێن داهاتی دا بگەڕن و ئەڤ چەندە زیانێن ئابووری دگەهینیتە وەلاتی و هەژاری زێدە دبیت.
3- مەزاختنێن زێدە د بیاڤێ ساخلەمیێ دا: مەزاختن بۆ چارەسەركرنا ئالۆدەبوویان و خۆپاراستن ژ نەخۆشیێن پەیوەندیدار ب ماددەیێن هۆشبەر ڤە بارگرانییەكا دارایی یا بەرچاڤ دئێخیتە سەر سیستەمێ ساخلەمیا حوكمەتێ و ئەڤ بارگرانیا دارایی كارتێكرنێ ل سیستەمێن دیتر یێن حوكمەتێ ژی دكەت.
4- زێدەبوونا مەزاختنێن حوكمەتێ بۆ ئاساییش و دادپەروەریێ: چونكی بەرهنگاربوونا بازرگانی كرن ب ماددەیێن هۆشبەر و تاوانێن پەیوەندیدار پێدڤی ب دەستەبەركرنا چاڤكانیێن ماددی و مڕۆڤی یێن بەرفرەهـ هەیە.
5- كاریگەری ل سەر بازاڕێ ڕەش و سپیكرنا پارەی: هەبوونا ئابوورییەكێ نەفەرمی یێ ماددەیێن هۆشبەر بازاڕەكێ ڕەشێ زەبەلاح درست دكەت كو كاریگەریێ ل سەر ئابووریا فەرمی دروست دكەت. چونكی پارێ نەیاسایی د ناڤ بازاڕی دا هاتوچوویێ دكەت.
6- تێكچوونا سەقامگیریا ئابووری: چونكی ئەو پارێ د بازرگانیكرنا ماددەیێن هۆشبەر دەست دكەڤیت دگەل سیاسەتا ئابووری یا وەلاتان دا ناگونجیت و ئەڤە ژی دبیتە ئەگەرێ داكەفتنا سەقامگیریا ئابووری.
7- ژناڤچوونا پەیكەرێ جڤاكی: بكارئینانا ماددەیێن هۆشبەر دبیتە ئەگەرێ هەلوەشینا خێزانێ و پەیوەندیێن جڤاكی و زێدەبوونا هەژاریێ و دابەزینا ئابووری ل سەر ئاستێ ناڤخۆیی و نیشتیمانی.

دلهین حەمدی

پشتی كو هەر ئێك ژ وەلاتێن (فڕەنسا، بریتانیا، ئیسپانیا، ئیڕلەندا، كەنەدا، پورتۆگال، ئەلمانیا، مالتا، سلۆڤینیا، نەرویج) ل سەر زارێ سەرۆك یان ژی سەرۆك وەزیرێن خۆ داینە دیاركرن كو ل مەها ئەیلۆلا داهاتی ل گۆپیتكا نەتەوەیێن ئێكگرتی دێ دانپێدانانێ ب وەلاتێ سەربەخۆیێ فەلستینێ كەین ئەڤ چەندە دبیتە ئەگەرێ كارڤەدانان د ناڤخۆیا ئیسڕائیلێ دا و ژ لایێ خۆ ڤە (یایر ناتەنیاهۆ) یێ كۆڕێ (بنیامین نەتەنیاهۆ) سەرۆك وەزیرێن ئیسڕائیلێ ئێكسەر تیشكێ دئێخیتە سەر كوردان و كوردستانا مەزن و د پۆستەكێ دا ددەتە دیاركرن كورد مەزنترین نەتەوەیێ بێ وەلاتن د جیهانێ دا و ڕێژەیا وان (٤٥ ملیۆن) كەسە و علمانینە و هەڤپەیمانێن ڕاست و دروست یێن ڕۆژئاڤا و ئەمریكایێنە و ئاخا وان هاتیە دابەشكرن د ناڤبەرا ولاتێن (ئیران، ئیراق، سووریا، توركیا) یێ دا و ئەرێ بۆچی وەلاتێن ڕۆژئاڤایی و ئەورۆپی دانپێدانانێ ب دەولەتا كوردستانێ ناكەن؟ ژ لایەكێ دیتر ڤە پشتی كو بریتانیایێ دایە دیاركرن كو دێ ل ئیلۆلا داهاتی دانپێدانانێ ب وەلاتێ فلستینێ كەین، ئێدی وەزیرێ دەرڤە یێ ئیسڕائیلێ دهێتە سەر خەت و بەرسڤا بریتانیایێ ددەت و دبێژیت (سەربەخۆیێ نادەینە فلستینێ، هەروەسا ڕێكێ نادەین كو وەلاتەكێ تیرۆستی یێ جیهادی د ناڤا دلێ ئاخا مە یا دێرین دا درست ببیت هەروەسا ڕێكێ نادەین حەماسا تیرۆرست ب چەند كیلۆمیترەكا ل نێزیكی ناڤەندا كۆمەلگەها مە دابمەزریت و دروست ببیت)، لێ بەروڤاژی ڤێ چەندێ جڤاكا ئیسڕائیلێ و دەسهەلاتدارێن وان پشتەڤانیا دەولەتا كوردی دكەن، چونكی ئەڤ دەولەتە دبیتە ئەگەرێ بڕینا دەستێ تیرۆرێ ل دەڤەرێ ب گشتی، هەر بۆ زانین ل دەمێ كو وەلاتێ توركیایێ چەند جارەكا هێرشێن سەربازی كرینە سەر ڕۆژئاڤایێ كوردستانێ ل وی وەختی تەڤگەڕا حەماسێ پشتەڤانیا خۆ بۆ سۆپایێ توركیایێ دابوو دیاركرن و كورد ب تیرۆرست وەسف كربوون، ل ڤێ دوماهیێ پشتی (شەڕێ غەززە ب دەسپێشخەریا حەماسا تیرۆرست) ئێدی غەززە وێران دبیت و خەلكێ وێ ژ برسا و نەبوونا خزمەتگوزاریان ل سەر لێڤا قەبرینە و ل دەمێ كو وەلاتێن رۆژئاڤایی و ئەمریكا هاریكارییان ب ڕێكێن ئەسمانی دگەهیننە خەلكێ غەززە، هەر ئێكسەر ئەو هاریكاری ژ لایێ حەماسێ ڤە دەست ب سەر دا دهێنەگرتن و ددزن و ب پارە دفرۆشنە خەلكێ غەززە و ئەڤە ل سەر زارێ دۆنالد تڕەمپێ سەرۆكێ ئەمریكایێ ڤە هاتیە پشتڕاستكرن.
لێ د ناڤخۆیا كوردستانێ دا پەیاما خەلكی یا جودایە كو بەهرا پتر یا پەیاما خەلكێ كوردستانێ ل دژی وەلاتێ ئیسڕائیلێ یە و پشتەڤانیا حەماسێ و فلستینێ دكەن و هەتا هندەك لایەنێن كوردستانی هاریكاریێن ماددی خڕڤەدكەن بۆ خەلكێ غەززە و حەماسێ فڕێدكەن و تشتێ سەیر ل ڤێرێ ئەڤەیە، ئەرێ بۆچی ڤان لایەنان هاریكاریا برایێن خۆ یێن كورد نەدكرن ل ڕۆژئاڤایێ كوردستانێ ل وەختێ كو سۆپایێ توركیایێ چەندین جاران هێرشی سەر مال و حال و ئاخا وان كری؟ ژ لایێ خۆ ڤە ژی (محەمەدێ حاجی مەحموود) سەرۆكێ پارتیا سۆشیال دیموكراتا كوردستانێ ڕادگەهینیت و دبێژیت (تێناگەهم ئەوێن كو سەرێ ئاخفتنا وان و بنێ ئاخفتنا وان بوویە فلستین ئەرێ بۆچی جارەكێ هزرا ئاخ و وەلات و نەتەوا خۆ ناكەن؟) ل ڤێرێ بەڕێزی پەیامەكا گەلەك جوان بەلاڤ كریە، چونكی هەر فلستینی و حەماس بوون كورد ب تیرۆرست و تێكدەر وەسفكرین و ئەم كورد ب خۆ ژی جۆرە تایبەتمەندییەك ل دەف مە هەیە هەر د كەڤن دا، هەتاكو نوكە ئەو ژی ئەوە كو پتر وەفایا مە بۆ دوژمنێن مە دچیت و دۆستێن خۆ ب دوژمن ددەینە نیاسین، ب ڤێ دێرە شعرا پیرەمێردێ شاعێر دوماهیێ ب بابەتێ خۆ دئینم دەما كو دبێژیت:
ئێمە هەر بەوە مالمان وێرانە
كلكی تەورەكە لقی خۆمانە

دلهین حەمدی

بۆڕییا نەفتا كەركووك بۆ بەندەرێ حەیفا ل سالا (١٩٣٢) یێ ژ لایێ كۆمپانیا نەفتا نیشتیمانی یا ئیراقێ ڤە، دەست ب درستكرنا وێ هاتبوو كرن و ل سالا (١٩٣٤) كاركرن تێدا ب دوماهیك دهێت و ئەڤ بۆڕییە ل وەختەكێ هاتبوو درستكرن كو بریتانیایێ حوكمێ ئیراق و ئوردن و فلستینێ دكر و هەتا سالا (١٩٤٨)ێ نەفتا كەركووكێ ب ڕێیا ڤێ بۆڕیێ دهاتە ڤەگوهاستن بۆ بەندەرێ حەیفا و ل وێرێ ب وەلاتێن جیهانێ دهاتە فروتن،پشتی لاوازبوونا دەسهەلاتا ئینگلیزی ل دەڤەرێ و درستبوونا دەولەتا ئیسڕائیلێ ل سالا (١٩٤٨)ێ هنارتنا نەفتێ ب ڕێیا ڤێ بۆڕیێ ب ئێكجاری هاتیە ڕاوەستاندن و ژ وی وەختی هەتا نوكە ئیراق نەچار دبیت نەفتا كەركووكێ ب ڕێیا وەلاتێ توركیایێ هەناردەی جیهانێ بكەت،ل ڤێرێ تورك شیاینە مفایەكێ مەزن ژ نەفتا ئیراقێ ببینن و ئەو مفایێ كو توركان ژ نەفتا ئیراقێ وەرگرتی ب هیچ ڕەنگەكێ ئیراقیا ئەو مفا ژێ نەوەرگرتیە بەلكی ئەڤ نەفتە ب تنێ بوویە ئەگەرێ كوشتن و نەهامەتیان و مالوێرانیێ بۆ خەلكێ ئیراقێ،توركان گەلەك ب زیرەكانە نەفت ب ئەرزانی ل ئیراقێ وەرگرتییە و ب دوو قات ب ئیسڕائیلێ فرۆتیە چونكی توركیا ئێكەم وەلاتێ ئیسلامی بوو كو دان ب دەولەتا ئیسڕائیلێ دانای .
نوكە ژی و پشتی هەڕفینا ڕژێما سەدامێ دیكتاتۆر ئیراقییان ژ بەر هەبوونا دەهان كێشەیێن ناڤخۆیی و نەبوونا مێشكێ بڕێڤەبرنا دەولەتێ نەشیاینە هەتا جارەكێ ژی ب كورد و شیعە و سوننە ڤە ل سەر مەلەفێ نەفتا ئیراقێ كۆمببن و ل بن دەستێ توركان بیننە دەرێ و ئیراقێ ڕزگار بكەن، ل ڤێرێ رزگاركرنا ئیراقێ ژ دەستێ توركان گەلەك یا ب ساناهی یە و ل پێشیێ دڤێت دەولەتا ئیراقێ دان ب دەولەتا ئیسڕائیلێ دانیت چونكی ب هیچ ڕەنگەكێ ئیراقێ ئەو شیان نینن و نابن ژی كو بشێن دەولەتا ئیسڕائیلێ بهەڕفینن و پاشان پێدڤیە ئیراق پەیوەندیێن ئاشتیێ و دیبلۆماسیێ و بازرگانیێ دگەل ئیسڕائیلێ ئیمزا بكەت و دەست ب ڤەژاندنا بۆڕیا نەفتا كەركووكێ بۆ بەندەرێ حەیفا ل ئیسڕائیلێ بكەت و ئێدی ب ڕێیا ڤێ بۆڕیێ نەفتا زەڤیێن دیتر یێن هەرێما كوردستانێ و ناڤەڕاستا ئیراقێ ژی فڕێ كەتە بەندەرێ حەیفا داكو ل وێرێ بهێتە فرۆتن، چونكی پێش چەند ڕۆژەكان ژی سەرۆكاتیا كۆماری یا توركیایێ ئاماژە ب وێ چەندێ كربوو كو ئێدی گرێبەستا مە و ئیراقێ سەبارەت بۆڕیا نەفتا ئیراقێ ب دوماهی هاتیە و مەرەما وان ل ڤێرێ ئەوە داكو ئیراق كۆژمەكێ پارێ مەزنتر بۆ توركیایێ دابین بكەت بەرامبەری شاندنا نەفتا ئیراقێ، لەوڕا پڕۆژەیێ بۆڕیا نەفتا كەركووك ـ حەیفایێ دێ بیتە مەزنترین سەرچاوێ داهاتی و مفای ژ بۆ ئیراقێ، هەروەسا دێ بیتە مەزنترین زەرەر ژ بۆ وەلاتێ توركیایێ و بۆ هەتا هەتایێ ژی مەلەفێ نەفتا ئیراقێ دێ ژ بن دەستێ توركێن ڕەگەزپەرست و شۆفینی ڤە هێتە دەرئێخستن و ل ڤێرێ تاكە وەلاتێ دكەڤیتە د ناڤبەرا ئیراقێ و بەندەرێ حەیفا یێ ئیسڕائیلی دا وەلاتێ ئوردنێ یە، لێ باوەر ناكەم ئوردن ل بن ڕێبەراتیا مەلك عەبدولایێ دویێ ببیتە ڕێگر و بارگرانی ژ بۆ ڤێ پلانێ، چونكی گەلەك حەژ گەلێ كورد و گەلێ ئیراقێ دكەن و پەیوەندیێن توند و توڵ ژی د ناڤبەرا وان دا هەنە و ئەگەر داخوازا كۆژمەكێ پارەی ژی بكەن بێگومان دێ كۆژمەكێ كێم و گونجای بیت نە وەكی وەلاتێ توركیایێ.

دلهین حـەمـدی

بژاردەیا بەردەست و ئەگەرێ كو ڕێ تێ بچیت ڕێكەفتنا هەولێر و بەغدایێ یە ل سەر مووچەی بۆ دەربازبوون ژ ڤێ قۆناغێ و بژاردەیا دویێ ژی ڕاكێشانا كارتا خۆڤەكێشانێ یە ژ بەغدا كو هەرێمێ نییەتەكا جددی لێ ئینایە، خۆڤەكێشان ژ پڕوسێسێ بۆ هەر دوو لایان قەیران و ڕیسكە، دەربارەی هەرێمێ دڤێت هەرێم چاڤەڕێی گەڕا دوویێ یا برسیبوونێ بیت و ئەڤە ژی بۆ خەلكێ هەرێمێ زۆر یا گرانە و بۆ ئیراقێ ژی د بوارێن هەلبژارتنان و هەڤسەنگیێ و پێگەهێ هەرێمایەتی و نیڤدەولەتی دا كێشەیەكا مەزنە و ئەڤە ژی دبیتە ئەگەرێ هندێ كو ب كێماتی بایكوتا حكۆمەتێ و پەڕلەمانێ ئیراقێ ژ لایێ هەرێمێ ڤە ئەگەرەكێ زۆرێ گران بیت بۆ ئیراقێ، سەرەڕای وێ چەندێ كو هەرگاڤ مەترسیێن هێرشێن گڕۆپێن چەكدار ژ ئیراقێ بۆ سەر هەرێمی هەنە چ ئەڤرۆ ڕوی بدەن یان سوبەهی بەس پا د نهادا ئاگربەستا ئیسڕائیل و ئیرانێ وەك مینەكا ڤەدایی یە ل پێشیا گڕۆپێن چەكدارێن ئیراقێ و ئەمریكایێ ژی چاڤ ل ئیراقێ یە و سەربازگەهێن حەشدا شەعبی ژی هەمی هاتینە چۆل كرن ژ ئەگەرێ هێرشا ئەمریكایێ یان ژی یا ئیسڕائیلێ بۆ سەر وان و ئەڤ چەندە ژی هەروەكی خۆ ڤەكێشا هەرێمێ ژ حكۆمەتا بەغدا گەلەك یا گرانە بۆ ئیراقێ و د نها دا بەرپرسێن ئیراقی د ترس و گومانان دا ڕۆژانێن خۆ دەرباز دكەن .
ڕەوشا ئیراقێ ژ ڕەوشا هەرێمێ باشتر نینە ئەگەر خرابتر نەبیت و ئەڤە ژی چیرۆكەكا درێژە لێ ستەمە د ڤی بارودۆخی دا بارێ ژین و ژیانا خەلكی نەمسۆگەرتر و گرانتر ببیت ئەگەر ڕێكەفتنان هندك سازش ژی تێدا بیت هەر قازانجە بۆ هەردو لایان، لێ حوكمەتا بەغدا هەروەكی گەلەك جاران مە ئاماژە پێ كری پشتی ژناڤچوونا ڕژێما سەدامی بڕیاربدەستی و سەروەریا خۆ ژ دەست دایە و گڕۆپێن ملیشیاتی و چەكدارێن سەر ب ئیرانێ ڤە بالادەستیا خۆ ل ئیراقێ سەلماندینە و بۆ هەر كار و بڕیارەكێ دڤێت گلۆپا كەسك ژ لایێ گڕۆپێن ملیشیاتی یێن سەر ب ئیرانێ ڤە بۆ حوكمەتا بەغدا بهێتە هەلكرن و ئەڤە ژی ئەگەرەكێ هەرە سەرەكی و بنەرەتیێ لاوازیا حوكمەتا ئیراقێ یە كو پتریا جاران هێزێن هەرێمی و نیڤدەولەتی ب تایبەتی ئەمریكا و هەڤپەیمانێن وێ ژبەر ڤێ چەندێ ڕەخنە ل ئیراقێ گرتینە و هەتا گەلەك جاران هەولا سەپاندنا سزایان ژی داینە ل دژی ئیراقێ، ل بەرامبەردا حوكمەتا هەرێما كوردستانێ پێگەهێ خۆ یێ ناڤخۆیی و هەرێمی و نیڤدەولەتی پاراستییە و نەبوویە ئەگەرێ هەڕەشەیان بۆ هیچ لایەنەكێ بەلكی دەستێ برایەتیێ و پێكڤە كاركرنێ هەم بۆ ناڤخۆیا وەلاتی و هەم بۆ وەلاتێن جیران و جیهانێ ژی درێژكریە و ئەڤ چەندە ژی بوویە ئەگەرێ باوەرییەكا موكم لدەف كۆمپانیێن وەلاتان كو بهێن ل هەرێما كوردستانێ وەبەرهینانێ بكەن و وەلاتێن وان ژی نوونەراتیێن خۆ ل هەرێمێ دابمەزرینن و كاروانێ ئاڤەدانیێ و بەرەف پێشچوونێ ژی بەردەوامتر بیت ب تمامی بەروڤاژی ئیراقێ ژبەر نەسەقامگیریا بارێ ئەمنی و هەڕەشەیێن گڕۆپێن چەكدار بۆ سەر وان پڕانیا كۆمپانی و ڕێكخراوێن جیهانی بەغدا بجه هێلاینە و ئەڤە ژی بوویە ئەگەرەكێ هەرە ب هێز یێ پاشكەفتن و داكەفتنا ئیراقێ ژ لایێ خزمەتگوزاری و ئاڤەدانیێ ڤە و هەر ڤێ چەندێ وە كریە كو بەغدا ب چاڤێ تەماعێ بەرێ خۆ بدەتە هەرێما كوردستانێ و بۆدجە و مووچەیێ خەلكێ وێ ببڕیت و هەرێما كوردستانێ ڤەگەڕیننە (٣٠) سالان بەریا نها لێ هەروەكی نێچیرڤان بارزانی سەرۆكێ هەرێما كوردستانێ د لێدوانەكێ دا ئاماژە پێ كری (ئەو خەونا حێشترێ یە).