ئه‌ڤرۆ نیوز:

ئاژانسا ووزه‌یا نێڤ ده‌وله‌تی راگه‌هاند پترۆلێ مه‌زنترین داكه‌تنا خو توماركر د دیرۆكێ دا، كۆ ئیسال روودایه‌، به‌ره‌ڤ زڤرینا بلند بوونا بهایێ دچیت، به‌لێ ب ئه‌گه‌رێ پاشڤه‌ زڤرین ل كه‌رتێ فرۆكه‌ڤانیا ئاستێ ناڤه‌گه‌ریت به‌ری ڤایرۆسێ كورونایێ.

ئاژانسا ووزه‌یا نێڤ ده‌وله‌تی د راپۆرته‌كێ دا به‌لاڤ كریه‌ و تێدا پێشبینی یا ئه‌وێ چه‌ندێ دكه‌ن ل سالا 2021 ب رێژا 5 ملیۆن و 700 هزار به‌رمیل خواست ل سه‌ر پترۆلێ زێده‌ دبیت، ئه‌ڤه‌ ژی رامانا ئه‌وێ چه‌ندێ یه‌ كۆ خواستێ رۆژانه‌ ل سه‌ر پترۆلێ دگه‌هته‌ 97 ملیۆن و 400 هزار به‌رمیلانه‌، به‌لێ ل چاڤ سالا 2019 ب رێژا 2 ملیۆن و 400 هزار به‌رمیلان كێمتر بیت.

ئاژانسا ووزه‌یا نێڤ ده‌وله‌تی ئه‌و چه‌نده‌ ژی دازانین كۆ پاشڤه ‌زڤرینا خواستی ل سه‌ر سوته‌مه‌نیا فرۆكه‌یێ كارتێكرن ل سه‌ر ته‌ڤایا گشتی خواست ل سه‌ر پترۆلێ دبیت ئه‌ڤه‌ ژی لایه‌نێ كێم تا سالا 2022 دێ به‌رده‌وام بیت، چونكو نوكه‌ كه‌رتێ فرۆكه‌ڤانیێ ریب ری ته‌حه‌دایێ بوون.

ئاژانسا ووزه‌یا نیڤ ده‌وله‌تی كۆ باره‌گه‌هێ وێ ل پاریسا پایته‌ختێ فه‌ره‌نسایه‌، ئه‌و چه‌نده‌ دازانین كۆ گه‌شتكرنا ئاسمانی ب ئه‌گه‌رێ رێ و ئاوایێن ڤایرۆسێ كورونایێ 79% داكه‌تن بخوڤه‌ دیتی یه‌ بڤی شێوه‌یێ به‌رده‌وام بیت.

ئه‌ڤرۆ نیوز:

بهایێ پترۆلێ ل بازارێن جیهانێ ل چاڤ رۆژێن بوری بلند بوویه‌.

بهایێ پترۆلێ ئه‌ڤرۆ 17/6/2020 ب جیگیری مایه‌، ب ئاوایه‌كی بهایێ به‌رمیلا پترۆلا برێنت 40.24 دۆلاران ل بازارێن جیهانێ كرین و فرۆتن پێڤه‌ هاتیه‌كرن، هه‌ڤده‌م بهایێ به‌رمیلا پترۆلا ئه‌مریكا 37.45 دۆلاران كرین و فرۆتن پێڤه‌ هاتیه‌كرن.

بلند بوون و داكه‌تنا بهایێ پترۆلێ ل ده‌مه‌كی دایه‌، ژماره‌كا ژ ئه‌وان وه‌لاتێن به‌رهنگاریا ڤایرۆسێ كورونایێ ته‌ڤایا كه‌رتێن پیشه‌سازی و بازرگانیێ راوه‌ستاند بوون، به‌لێ نوكه‌ ب ئه‌گه‌رێ كێم بوونا مه‌ترسیێن كورونایێ، پشكه‌ك ژ چالاكیێن ئابووری ده‌ستپێكرنه‌ڤه‌ ئه‌ڤه‌ ژی بوویه‌ ئه‌گه‌رێ بلند بوونا بهایێ پترۆلێ