ئه‌ڤرۆ جڤاتا وه‌زیرێن هه‌رێمێ كۆم دبیت
نووترين نووچه
- سەرۆك بارزانی وقونسلێ ئوردنێ دۆستاتییا د ناڤبەرا كوردستانێ و ئوردنێ دا گەنگەشەكر
- تێكگەهشتنا هەڤپشك یا هەموو ئالیان تاكە رێكە بۆ ئارامیا رۆژهەلاتا ناڤین
- سەرۆكێ هەرێما كوردستانێ سەرەخوەشیێ ل عەبدوللا حەسەن زادە دكەت
- دەستهەلاتدارێن بەغدا یاریان ب قووت و هەستێ خەلكێ كوردستانێ دكەن
- سەرۆكێ نوونەراتییا حوكمەتا هەرێمێ ل بەغدا سەرەدانا بالیۆزخانەیا رووسیا كر
- سیاسەتا هەرێمێ ل شەڕێ دەڤەرێ یا رێزلێگرتی بوو
- پێشوازی ل قونسلێن ئوردنێ و هندستانێ ل هەولێرێ كر
- دیپلۆماسییا كوردستانێ ئەم ژ چریسكێن شەڕێ ئیرانێ و ئیسرائیلێ پاراستین
- بڕیارا راگرتنا مووچەیێن هەرێما كوردستانێ هەلوەشینە
- ئیراق هێزەكا مەزن ل دەوروبەرێن بنگەهێ (عەینولئەسد) یێ لەشكرێ ئەمریكی بەلاڤ دكەت
naci bedel
پتر ژ 10 جهێن بازرگانى ل قه‌زا ئامێدیێ هاتنه سزادان
ئه‌ڤرۆ نیوز، مه‌حمود نهێلى:
لژنا ئابورى یا قه‌زا ئامێدیێ د به‌رده‌وامیا لێگه‌ریان و دووڤچوونا بازارى پتر ژ 10 جهێن بازرگانى سزاداینه ژ به‌ر نه‌پێگرى كرن ب رێنمایێن ساخله‌میێ هه‌روه‌سا ده‌ست ب سه‌ر رێژه‌كا كه‌ره‌ستێن ئێكسپایر دا هاته گرتن.
كاروان حاجى سه‌عید به‌رپرسێ بنگه‌هێ چاڤدێریێ ل ئامێدیێ و سه‌رۆكێ لژنا ئابورى یا قه‌زایێ بۆ ئه‌ڤرۆ نیوز دیاركر، كو ئه‌و به‌رده‌وامن ل سه‌ر لێگه‌ریانا بازارى ل سنورێ قه‌زا ئامێدیێ بتایبه‌تى ژى بابه‌تێ خوه پارێزیێ ژ كورونایێ و گۆت: دڤان لێگه‌ریانا دا ئه‌وان دڤان سێ رۆژێن داویێ دا پتر ژ 10 جهێن بازرگانى سزا داینه و بارا پترێ ژى ئه‌و بووینه یێن پێگرى ب رێنمایێن ساخله‌میێ نه‌كرى هه‌روه‌سا ده‌ست ب سه‌ر 500 كێلویێن كه‌ره‌ستێن ئێكسپایردا گرتیه.
ناڤهاتى دیار ژى كر، زێده‌بارى ڤان جهێن هاتینه سزادان هوشدارى ب چه‌ندین جهێن دیتر ژى هاتینه دان كو هه‌كه پێگیر نه‌بن ر ێنمایان بتایبه‌تى ژى ب كار نه‌ئینانا ده‌مامكا و ده‌ستكێشان دێ پێرابوون دگه‌ل دا هێنه كرن و دێ هێنه سزادان.
ساخله‌میا كه‌ركووكێ: توشبوویێن ڤایرۆسێ كورونایێ به‌ره‌ڤ زێده‌بوونێ ڤه دچیت
ئه‌ڤرۆ ینوز:
په‌یڤدارێ فه‌رمانگه‌ها ساخله‌میا كه‌ركووكێ راگه‌هاند ژماره‌یا توشبوویێن كورونایێ ل كه‌ركوكێ گه‌هشتیه 406 كه‌سان.
سامان یابه په‌یڤدارێ فه‌رمانگه‌ها ساخله‌میا كه‌ركوكێ راگه‌هاند ته‌ڤایا توشبوویێن ڤایرۆسێ كورونایی كوڤید 19 گه‌هشتیه 406 كه‌سان ژ وان 231 كه‌س ل بن چاڤدێری دانه، 161 كه‌س ژی ساخ بووینه و 14 كه‌سان ژی گیانێ خو ژ ده‌ست دایه.
په‌یڤداری فه‌رمانگه‌ها ساخله‌میا كه‌ركووكێ ئه‌و چه‌نده ژی راگه‌هاند دهی 28 كه‌س ل كه‌ركووكێ توشی كورونای بوون هه‌روه‌سا پێنج كه‌س ژی ژ ڤایرۆسی ساخ بووینه.
وه‌زیرێ ساخله‌مێ: دابینكرنا موچه‌یێ نوژداران و كارمه‌ندێن كه‌رتێ ساخله‌مێ پێدڤی و گرنگه
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند ل ده‌مێ به‌رده‌ست بوونا موچه‌ی ئێكه‌مین وه‌زاره‌ت كۆ موچه‌ی وه‌ربگریت وه‌زاره‌تا ساخله‌میێ یه و لده‌مێ خودا دێ هێته راگه‌هاندن.
سامان به‌رزنجی وه‌زیرێ ساخله‌میا حكومه‌تا هه‌ریما كوردستانێ ئه‌و چه‌نده ژی راگه‌هاند: موچه‌یی نوژداران و كارمه‌ندێن كه‌رتێ ساخله‌مێ پێدڤی و گرنگه داخاز كریه ژی موچه بهێته پارڤه‌كرن.
وه‌زیرێ ساخله‌میا حكومه‌تا هه‌رێما كوردستانێ دا زانین ل ده‌مێ به‌رهه‌ڤ بوونا پاره‌یی ئێكه‌مین وه‌زاره‌ت كۆ موچه ل سه‌ر بهێته پارڤه‌كرن وه‌زاره‌تا ساخله‌میی یه و ل ده‌مێ خودا هێته راگه‌هاندن و وه‌زاره‌تا دارایی د بزاڤا ئه‌وێ چه‌ندێ دایه بۆ دابینكرنا پاره‌یێ پێدڤی بۆ دانا موچه‌یی.
ئومێد خوشناو: هه‌لوه‌شاندنا بریارا راكرنا پارێزبه‌ندیێ ل ده‌سه‌لاتا كه‌سێ دانینه
ئه‌ڤرۆ نیوز:
سه‌رۆكێ فراكسیونا پارتی دیموكراتی كوردستان ل په‌رله‌مانێ كوردستانێ راگه‌هاند هه‌لوه‌شاندنا بریارا ژماره 4 یا 7 هه‌یڤا ئایارێ، ل ده‌سه‌لاتا كه‌سێ دانینه و بتنێ ل ده‌سه‌لاتا كۆمبوونا په‌رله‌مانی دایه ئه‌وێ بریارێ هه‌لبوه‌شینیت، چ هێز و كه‌سه‌ك ل سه‌ر یاسایێ دا نینه و نابیت، چ كه‌س نه‌شێن ب نه یاسایی بریارێ هه‌لبوه‌شینیت.
پشتی رێزوا فایه‌ق سه‌رۆكا په‌رله‌مانێ كوردستانێ بریارا هه‌لگرتنا پارێزبه‌ندیێ ل سه‌ر سوران عومه‌ری ره‌تكری، ئومێد خوشنا سه‌رۆكێ فراكسیونا پارتی په‌یامه‌ك به‌لاڤكر تێدا هاتیه كۆ هه‌لوه‌شاندنا بریارا ژماره 4 یا 7 هه‌یڤا ئایارێ، ل ده‌سه‌لاتا چ كه‌سان دا نینه بتنێ ده‌سه‌لاتا كۆمبوونا په‌رله‌مانی دایه بریارێ بده‌ت ئه‌ڤه ژی ئه‌سته‌مه، هیڤیدارم عیبره‌ت ژ رابوردووی وه‌ربگرن، بلا ئاریشه ل په‌رلمانی چاره‌سه‌ر بن، نه‌ك په‌رله‌مان خو ب بیته داهێنه‌رێ ئاریشه‌یێ.
كۆمپانیه‌كا پترۆلێ پێشبینیا بهایێ پترۆلێ ب 55 دۆلاران دكه‌ت
ئه‌ڤرۆ نیوز:
كۆمپانیا بی پی یا بریتانی تایبه‌ت ب پترۆلێ د نووترین راپۆرت دا پێشبینیێن خو بۆ بهایێ پترۆلێ راگه‌هاند كۆ ئه‌و دوێ هزرێ دانه ل سالا 2021 تاكو 2050 بهایێ پترۆلێ ل دورێن 55 دۆلاران دا بمینیت، بهایێ غازا سرۆشتی بۆ هه‌ر پیڤانه‌كا غازێ 2.90 سه‌نتان دا دمینیت.
لگۆری راپۆرتا كۆمپانیا بی پی كۆ ئه‌و بهایێ پێشبینی كری بۆ پترۆلێ دناڤبه‌را سالێن 2021 بۆ2050 ب رێژه‌یا 27% كێمتره ژ پێشبینێن به‌ری نوكه یێن كۆمپانیێ.
كۆمپانیا ناڤبری ئه‌و چه‌نده ژی دیاركر ب ئه‌گه‌رێ به‌لاڤبوونا ڤایرۆسێ كورونایێ نێزیكی 10 هزار كارمه‌ند هاتینه كێمكرن ژ كاری نوكه زێده‌تری 70 هزار كارمه‌ندان دبیت بێ كارن.
كه‌مپه‌كا ئاواران ل به‌غدا هاته كه‌ره‌نتینه‌كرن
ئه‌ڤرۆ نیوز:
كۆمسیونا مافێن مرۆڤی یا عیراقی راگه‌هاند: ب ئه‌گه‌رێ توماركرنا چه‌ند توشبوویێن ڤایرۆسێ كورونایێ ل كه‌مپا مریه‌م ل به‌غدا كۆ تایبه‌ته ب ئاوارن ڤه بریار هاتیه دان كه‌مپ بهێته كه‌ره‌نتینه‌كرن بن چاڤدێریا نوژداری ڤه بن.
فازل غه‌راوی ئه‌ندامێ كۆمسیونا بلندا مافێ مرۆڤی راگه‌هاند گرۆپه‌كا كۆمسیونێ سه‌ره‌دانا كه‌مپا مه‌ریه‌م كر، كۆ 114 خێزان دناڤ ئه‌وێ كه‌مپێ دانه، زێده‌تری 345 كه‌سانه، ته‌ڤایا ئاواران وه‌لاتیێن پارێزگه‌ها نه‌ینه‌وانن، ده‌ركه‌ت ئێك ژ ئاواران هه‌لگرێ ڤایرۆسێ كورونایێ یه، له‌‌ورا پشكنین دێ بۆ ته‌ڤایا ئاكنجیێن كه‌مپێ هێنه‌كرن، ژبه‌ركو گۆمان دهێته‌كرن ئه‌و كه‌سێ هه‌لگرێ ڤایرۆسێ كورونایێ به‌ركه‌فتی ل گه‌ل وی هه‌بن.
فازل غه‌راوی ئه‌و چه‌نده ژی راگه‌هاند رێكارێن خۆپارێزیێ یێن پێدڤی ژ لایی وه‌زاره‌تا ساخله‌میێ ڤه هاته بكارئینان ونمونه‌یێن پشكنینێن وان هاتیه هنارتن بۆ تاقیگه‌هێ، نوكه هه‌می كه‌مپ هاتیه كه‌ره‌نتینه‌كرن رێك ناهێته‌دان چ كه‌سه‌ك ب چیته ده‌رڤه هه‌تا ئه‌نجامێن پشكنینێ ده‌ردكه‌ڤن.
بهایێ پترۆلێ جێگیربوونه‌ك بخوڤه‌گرتیه
ئه‌ڤرۆ نیوز:
بهایێ پترۆلێ ل بازارێن جیهانێ ل چاڤ رۆژێن بوری بلند بوویه.
ئاژانسێن جهانێ به‌لاڤكرینه، بهایی پترۆلێ ئه‌ڤرۆ ب جێگیری مایه ب ئاوایه‌كی بهایێ به‌رمیلا پترۆلا برێنت 39.59 دۆلاران ل بازارێن جیهانێ كرین و فرۆتن پێ هاتیه‌كرن، هه‌ڤده‌م بهایێ به‌رمیلا پترۆلا ئه‌مریكا 36.96 دۆلاران كرین و فرۆتن پێ هاتیه‌كرن.
بلند بوون و داكه‌تنا بهایێ پترۆلێ دده‌مه‌كی دایه، ژماره‌یه‌كا ئه‌و وه‌لاتێن د به‌رهه‌نگاریا ڤایرۆسێ كورونایێ دا بوون كه‌رتێ پیشه‌سازیێ و بازرگانیێ راوه‌ستاند بوون، به‌لێ نوكه ب ئه‌گه‌رێ كێمبوونا مه‌ترسیێن كورونایێ، پشكه‌كا چالاكیێن ئابووری ده‌ستپێكرینه‌ڤه، ئه‌ڤه ژی بوویه ئه‌گه‌رێ بلند بوونا بهایی پترۆلێ.
توشبوویێن ڤایرۆسێ كورونایێ ل جیهانێ ژ هه‌شت ملیۆنان ده‌ربازبوو
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ كوڤید 19 ل ته‌ڤایا جیهانێ گه‌هشته هه‌شت ملیۆن و 67 هزار و 459 كه‌سان.
لگۆری ئامارا ئه‌ڤرۆ ل سه‌ر توشبوویێن ڤایرۆسێ كورونایێ كوڤید 19 ل ته‌ڤایا جیهانێ، ئه‌و وه‌لاتێن زۆر ترین توشبوو و گیان ژ ده‌ست دان تێدا هاتینه توماركرن ب ڤایرۆسێ كورونایێ كوڤید 19 ئه‌و ژی ئه‌مریكا و به‌رازیل و روسیا و هندستان و بریتانیا و ئیسپانیا و ئیتالیا و پیرۆ و ئیران و ئه‌لمانیا و توركیا و چیلی و فه‌ره‌نسا و مه‌كسیك و پاكستان و سعودی و كه‌نه‌دا و به‌نگلادش و چین بوو.
ئامارێن توشبویێن ڤایرۆسێ كورونایێ ل هه‌موو جیهانێ چار ملیۆن 147 هه‌زر و 322 ساخ بووینه، تانوكه 439 هزار و 93 كه‌س ل ته‌ڤایا جیهانێ ب ئه‌گه‌رێ ڤایرۆسێ كورونایێ گیانێ خو ژ ده‌ست دانه.
وه‌زاره‌تا ناڤخو قه‌ده‌غه‌یا هاتنوچونا ناڤبه‌را پارێزگه‌هان درێژكر
ئه‌ڤرۆ نیوز:
وه‌زاره‌تا ناڤخو یا حكومه‌تا هه‌رێما كوردستانێ د راگه‌هاندنه‌كێ دا كۆ ژماره‌یا 41 هاتیه به‌لاڤكرن كۆ قه‌ده‌غه‌یا هاتنوچونا دناڤبه‌را پارێزگه‌هان دا هاته درێژكرن.
لگۆری راگه‌هاندنا وه‌زاره‌تا ناڤخو قه‌ده‌غه‌یا هاتنوچونا دناڤبه‌را پارێزگه‌هان دا ژ 15/6/2020 هه‌تا 1/7/2020 هاته درێژكرن وهه‌روه‌سا د ئه‌وی ده‌می دا سیسته‌مێ رێك پێدانا ئه‌لكترونی ژبلی چه‌ند حاله‌ته‌كێن دیاریكری و گرنگ رێ پێ دهێته دان.
ئه‌ڤه ژی ده‌قی بریارێ نه.
نيشاندان
WP Facebook Auto Publish Powered By : XYZScripts.com