توشبوویێن كورونایێ ل جیهانێ ژ 3 ملیۆنان ده‌رباز بوو
نووترين نووچه
- ب فەرمانا مەسرور بارزانی كێشەیا ڤەگەڕاندنا 13 هزار وەلاتییێن هەرێمێ ژ20 وەلاتان هاتە چارەسەركرن
- سەرۆكێ حوكمەتا هەرێمێ سەرەخوەشیێ ل مالباتا مەتران مار پۆلس سابت حەبیب دکەت
- ناكۆكییێن د ناڤبەرا هەردو دەستهەلاتێن دادوەری دا پرسا هنارتنا مووچەی گیرۆكر
- هەر دەزگەهەكێ راگەهاندنێ دەنگوباسێن بێ بنەما بۆ تێكدانا ئاسایشا كوردستانێ بەلاڤ بكەت دێ روو ب روویێ قانوونێ بیت
- دەست ژ كار كێشانا ئەندامێن دادگەها فیدرال ژ بەر بابەتێ خۆر عەبدوللا بوو
- دادگەها فیدرال ل بن فشارا سیاسی هاتە هەلوەشاندن
- هیڤیدارین دادگەها فیدرال د بەرسڤا نامەیا مە دا بڕیارەكا ئەرێنی و د بەرژەوەندییا خەلكێ كوردستانێ دا دەربكەت
- ژ بەر پشتگوهـ ئێخستنێ مە پرسا ئاوارەیان گەهاندیە UNێ
- ئەڤرۆ دادگەها فیدرال ل سەر پرسا مووچەیێن فەرمانبەرێن كوردستانێ دێ كۆمبیت
- پێدڤییە ئالیێن سیاسی یێن كوردستانی د شەڕێ ئیسرائیلێ و ئیرانێ دا د بێلایەن بن
naci bedel
سه‌رۆك وه‌زیرێ ئیسرائیلێ: ئه‌مریكا نێزیك بوویه ژ بجهكرنا پلانانا ئاشتیێ
ئه‌ڤرۆ نیوز:
بنیامێن نه‌تانیاهو سه‌رۆك وه‌زیرێ ئیسرائیلێ راگه‌هاند: ئه‌مریكا زۆرا نێزیك بووی ژ بجهكرنا پلانا ئاشتیێ كۆ ل هه‌یڤا ئێكا ئیسال كۆ ب رێكه‌تنامه‌یا سه‌ده‌یێ هاتیه نیاسین، پشت راستم ئه‌مریكا ل دو هه‌یڤێن بهێت دێ ئه‌وێ په‌یمانێ بجهـ كه‌ت، ئه‌وا ل رێكه‌تنا سه‌ده‌یێ ب ئیسرائیلێ دای، كۆ ته‌ڤایا عه‌ردێ داگیركری یێ رۆژ ئاڤا دێ كه‌ڤیته سه‌ر توخیبێ وه‌لاتێ وی ڤه.
دونالد تره‌مپ سه‌رۆكێ ئه‌مریكا پلانا ئاشتیێ بۆ چاره‌كرنا ئاریشه‌یێن فه‌له‌ستینێ و ئیسرائیلێ راگه‌هاند بوو، كۆ ل بن ناڤێ رێكه‌تنامه‌یا سه‌ده هاته به‌لاڤكرن، لگۆری پلانا ئاشتیێ، قودس وه‌ك پایته‌ختێ ئیسرائیلێ دهێته زانین، دان ب ده‌سه‌لاتا ئیسرائیلێ دهێته دانان ل ئه‌وان جهێن داگیركرین، ده‌ربارێ توخیبێ ده‌وله‌تا فه‌له‌ستینێ و ئیسرائیلێ، سه‌رۆكێ ئه‌مریكا راگه‌هاند بوو رۆژهه‌لاتا قودسێ دبیته پایته‌ختێ ده‌وله‌تا فه‌له‌ستینێ.
په‌یڤدارێ كرملن: داكه‌تنا بهایێ پترۆلێ كارتێكرن ل سه‌ر كه‌رتێ دارایی و ئابوورێ رووسیا كریه
ئه‌ڤرۆ نیوز:
ب ئه‌گه‌رێ داكه‌تنا بهایێ پترۆلێ و زۆریا ئه‌وان وه‌لاتێن به‌رهه‌مهێنه‌رێن پترۆلێ نه و داهاته‌كێ باش ژێ دهات تووشی ئاریشه‌یێن دارایی بوون و گه‌له‌ك ژ ئه‌وان وه‌لاتان ریی ل قه‌ران یان بكار ئینانا پاره‌یێ یه‌ده‌كێ وه‌لاتی دكه‌ن.
دمیتری پیسكوڤ په‌یڤدارێ كرملن راگه‌هاند داكه‌تنا بهایێ پترۆلێ كارتێكرن ل سه‌ر كه‌رتێ دارایی و ئابوورێ رووسیا كریه، لێ ب ئه‌ڤێ كاریگه‌ریێ ناكه‌ڤین به‌لكۆ رێكێن خو قورتالكرنێ لبه‌رسنگێ مه هه‌نه، ئه‌وژی بكار ئینانا پاره‌یێ یه‌ده‌كێ وه‌لاتی یه، به‌لێ بكار ئینانا ئه‌وی پاره‌ی دڤێت ب هشیاری و رێكێن دروست بهێته بكارئینان ستراتیژیه‌ت و به‌رنامه بۆ بهێنه دارشتن.
په‌یڤدارێ كرملن ئه‌و چه‌نده ژی راگه‌هاند هه‌مه جوریا داهاتێن روسیا، داكه‌تنا بهایێ پترۆلێ چه‌ند بیت، روسیا ناكه‌ڤیت و ل ده‌مێ پێدڤی دێ پاره‌یێ یه‌ده‌ك بكار ئینیت ژێده‌رێن دی بهێزتر كه‌ین بۆ زڤراندنا وی پاره‌یێ یه‌ده‌ك كۆ بهێته بكار ئینان.
بهایێ پترۆلا خام به‌رده‌وام دادكه‌ڤیت
ئه‌ڤرۆ نیوز:
بهایێ پترۆلێ جاره‌كا دی دادكه‌ڤیت، ئه‌ڤه‌ژی ب ئه‌گه‌رێ چه‌ند ئاماژه‌یه‌كان كۆ عومبارێن پترۆلێ یێن یه‌ده‌ك ل جیهانێ تژی بووینه، ژلایه‌كێ دی ڤه ب ئه‌گه‌رێ كێمكرن و به‌رهه‌مئینانا پترۆلێ ژ لایێ وه‌لاتێن به‌رهه‌مهێنه‌ر زۆر دڤێت هه‌تا بها بلند بیت.
لگۆری ئاژانسا رویته‌رز، ئه‌ڤرۆ بهایێ به‌رمیلا پترۆلا برێنت ل بازارێن جیهانێ كۆ ژ 44 دۆلاران داكه‌تی یه ب رێژا 2.1% نوكه بهایێ وێ گه‌هشتیه 21 دۆلاران، بهایێ به‌رمیلا پترۆلا ته‌كساس ب رێژا 8.8% داكه‌تیه و نوكه 15.45 دۆلاران كرین و فرۆتن پێ دهێته‌كرن.
ل 17 ئه‌ڤێ هه‌یڤێ قه‌باره‌یێ پترۆلا عومباركری دناڤا عومبارێن پترۆلا ئه‌مریكا گه‌هشته 518.6 ملیۆن به‌رمیلان، ئه‌ڤه‌ژی زۆر نێزیك بوویه ل بلندترین ئاستێ خو كۆ 535 ملیۆن به‌رمیل بوون ل سالا 2017 گه‌هشت بوو ئه‌وی ئاستی.
ئوپێك و هه‌ڤپه‌یمانێن خۆ رێكه‌تینه ل سه‌ر كێمكرنا رێژا به‌رهه‌مئینانا پترۆلێ ب 9.7 ملیۆن به‌رمیلان د رۆژێ دا، كۆ دبیته 10% یا به‌رهه‌م ئینانا نوكه، ئه‌ڤ كێمكرنه ژی ب چه‌ند قوناغه‌كان دهێته ئه‌نجام دان.
ساخله‌میا دهۆكێ 103 جهـ سزاداینه
دهۆك، له‌زگین جوقی:
به‌رپرسێ پشكا چاڤدێری وسلامه‌تیا خۆراكی ل رێڤه‌به‌ریا كارۆبارێن خوه پاراستنا ساخله‌میا پارێزگه‌ها دهۆكێ دیاركركو دماوێ قه‌ده‌غه‌یا هاتنۆچوونێدا و داخستنا بازاری دا ژبه‌ر ڤایرۆسی كورونا ل سنۆری پارێزگه‌ها دهۆكێ 103 جهێن كاركرنێ هاتینه سزادان و داخستن و 35 ته‌نیێن كه‌ره‌ستێن هه‌مه جۆر ژی هاتینه ژناڤبرن.
عسمه‌ت سه‌لمان، به‌رپرسێ پشكا چاڤدێری و سلامه‌تیا خۆراكێ ل رێڤه‌به‌ریا كارۆبارێن خوه پاراستنا ساخله‌میا پارێزگه‌ها دهۆكێ دیاركركو دماوێ قه‌ده‌غه‌یا هاتنۆچوونێ دا ل دهۆكێ پتر ژ سه‌د جهێن كاركرنێ هاتینه سزادان و داخستن ژوانا ژی 56 جهێن كاركرنێ هاتینه سزادان و 47 جهـ ژی هاتێنه داخستن بۆ ده‌مێ چه‌ند رۆژان كو ب شه‌ڤ ورۆژی تیمێن ساخله‌میێ دوڤچوونێ لسه‌ر وان ماركیت وفرۆشگه‌ه وسه‌مونخانه و نانپێژیا دكه‌ن یێن ماوێ قه‌ده‌غه‌یا هاتن وچوونێ دا مۆله‌ت پێ هاتیه دان كاربكه‌ن وپێدڤیه دووڤ رێنمایێن ته‌ندروستی كار بكه‌ن یێ سه‌رپیچێ بكه‌ت دهێته سزادان.
ئاشكه‌را كركو به‌ر نه‌بجهـ ئێنانا رێنمایان فرۆشگه‌ه و ماركیت و سه‌مونخانه و كوگه‌ه وجهێن هه‌مه جۆره یێن هاتینه سزادان ودائیخستن و پتر ژ 35 ته‌نێن جۆره و جۆر یێن كه‌ره‌ستان ژی هاتینه ژناڤبرن ئه‌ڤ ژی هه‌موو هاتینه سزادان و گرتن.
ئه‌ڤرۆ دێ شاندێ دانوستانكار و فراكسیونێن كورد ل جڤاتا نوونه‌رێن عیراقی كۆم بن
ئه‌ڤرۆ نیوز:
بریاره ئه‌ڤرۆ شاندێ دانوستانكارێ حكومه‌تا هه‌رێما كوردستانێ ل گه‌ل به‌غدا و سه‌رۆك فراكسیونێن كوردستانی ل جڤاتا نوونه‌رێن عیراقێ كۆم بن.
ڤیان سه‌بری سه‌رۆكا فراكسیونا پارتی ل جڤاتا نوونه‌رێن عیراقێ راگه‌هاند: ل جڤاتا وه‌زیرێن حكومه‌تا هه‌رێما كوردستانێ سه‌رۆك فراكسیونێن كوردستانی و شاندێ دانوستانكارێ حكومه‌تا هه‌رێمێ ل گه‌ل به‌غدا دێ كۆم بن، ئه‌ڤ كۆمبوونه ژی بۆ دانوستاندنه ل سه‌ر دوماهی كۆمبوونا شاندێ حكومه‌تێ ل گه‌ل عیراقێ بۆ چاره‌كرنا ئاریشه‌یێن ناڤبه‌را هه‌ولێرێ و به‌غدا، دێ دوماهی ده‌رئه‌نجام و لێك تێگه‌هشتنان ئیخنه هه‌مبه‌ری فراكسیونان و هه‌ڤده‌م پێشنیار و تێبینێن وان ل سه‌ر لیك تێگه‌هشتنێ هێنه وه‌رگرتنێ.
دهی شاندێ دانوستانكاری حكومه‌تا هه‌رێما كوردستانێ سه‌رۆك فراكسیونێن په‌رله‌مانێ كوردستاێ كۆمبوون ده‌ستخوشی ل حكومه‌تا هه‌رێما كوردستانێ بۆ بزاڤ و چالاكیێن د پێخه‌مه‌تا چاره‌كرنا گرفت و ئاسته‌نگان كرن.
جێگرێ سه‌رۆكێ حوكه‌تێ: كارێ حكومه‌تێ پاراستنا ژیانا وه‌لاتیان و دابینكرنا موچه‌یێ فه‌رمانبه‌رانه
ئه‌ڤرۆ نیوز:
جێگرێ سه‌رۆكێ حكومه‌تا هه‌رێما كوردستانێ ل گه‌ل شاندێ دانوستانكار ل گه‌ل به‌غدا كۆمبوو و راگه‌هاند دابینكرنا شایسته‌یێن موچه‌ی پێدڤیه و دێ هه‌موو بزاڤان كه‌ین، به‌رده‌وامیی پێ بده‌ین.
ئه‌ڤرۆ، قوباد تاله‌بانی جێگرێ سه‌رۆكێ حكومه‌تا هه‌رێما كوردستانێ ل گه‌ل شاندنێ دانوستانكارێ هه‌رێمێ ل گه‌ل حكومه‌تا عیراقێ كۆمبوو، شاندی ده‌رئه‌نجامێن سه‌ره‌دانا به‌غدا و ره‌وشا دارایی یا عیراق تێدا ده‌رباز دبیت ئێخستنه ری، داهاتێ پترۆلا عیراقێ ب رێژه‌یه‌كێ داكه‌تیه و كورت ئینانه‌كا زۆر مه‌زن دناڤبه‌را داهات و مه‌زاختیان بۆ حكومه‌تێ دروست بوویه،ب ئه‌گه‌رێ ئه‌ڤێ كورت ئینانێ ل به‌غدا فشارێن سیاسی ژی هه‌نه بۆ شكه‌ستن و لیك تێگه‌هشتنا به‌رێ یا دناڤبه‌را هه‌رێمێ و به‌غدایێ دا هه‌یی.
قوباد تاله‌بانی جێگرێ سه‌رۆكێ حكومه‌تا هه‌رێما كوردستانێ ئه‌و چه‌نده راگه‌هاند: كارێن پێشین یێن حكومه‌تێ پاراستنا ژیانا وه‌لاتیانه و دابینكرنا موچه‌یێ فه‌رمانبه‌رانه، دێ هه‌موو بزاڤ و پێكۆلان كه‌ین بۆ ئه‌وێ چه‌ندێ ژین و ژیارا وه‌لاتیان دابین بكه‌ین و ساخله‌میا وان ب پارێزین، دێ شكه‌ستنێ ب وان بزاڤا ژی ئینین ئه‌وێن دڤێن زیانێ ب ماف و شایسته‌یێن دارایی یێن وه‌لاتیێن هه‌رێمێ بگه‌هینیت.
جێگرێ سه‌رۆكێ حكومه‌تا هه‌رێما كوردستانێ ئه‌و چه‌نده ژی دیاركر ب شه‌فافیه‌ت دێ به‌رده‌وام بین د پویه‌ندیكرنێ ل گه‌ل فراكسیونێن په‌رله‌مانێ كوردستانی و یێن به‌غدا ژبوی دوماهی ئینان ب ئه‌ڤان بزاڤان، ب ئاشكرا و شێوازه‌كێ روون و زه‌لال دوماهی پێشهاتان بۆ خه‌لكێ كوردستانێ روون كه‌ین.
له‌م پارێزگایه‌ی كوردستان كۆتایی كۆرۆنا ڕاگه‌یه‌ندرا
ئه‌ڤرۆ نیۆز، عه‌زیز هه‌ورامی:
به‌ڕێوه‌به‌رایه‌تی گشتی ته‌ندروستی پارێزگای هه‌ڵه‌بجه، ڕای گه‌یاند ئێستا له نه‌خۆشخانه‌كانمان هیچ توشبوویه‌كی تری كۆرۆنا نه‌ماوه ،ئه‌مڕۆ دوواترین توشبووی كۆرۆنا گه‌ڕێندرانه‌وه ماڵه‌وه.
ئازاد مسته‌فا به‌ڕێوه‌به‌ری گشتی ته‌ندروستی پارێزگای هه‌ڵه‌بجه، له كۆنگره‌یه‌كی ڕۆژنامه‌نوسی، ڕایگه‌یاند:” ئه‌مڕۆ دوو كه‌سی تر له توشبووانی كۆرۆنا پشكنینه‌كانیان ده‌ریخست چاك بوونه‌ته‌وه ،ئه‌مڕۆ نه‌خۆشخانه‌یان به‌جێ هێشت و گه‌ڕانه‌وه بۆ ماڵه‌وه.
ئازاد مسته‌فا وتییشی: ئێستا ئێستە هیچ تووشبوویەكی ڤایرۆسی كۆرۆنا لە هەڵەبجە نەماوە و داوا لە هاووڵاتییان دەكەین زیاتر خۆیان بپارێزن تا رووبەڕووی شەپۆلێكی تری كۆرۆنا نەبینەوە.
باسی لەوەش كرد، نەخۆشخانەی تایبەت بە كۆرۆنا بەردەوام دەبێت و پێویستە هاووڵاتییان ئەگەر نیشانەیەكی گوماناوییان هەبێت، سەردانی فریاكەوتن نەكەن، بەڵكو سەردانی ئەو نەخۆشخانەیە بكەن. له پارێزگای هه‌ڵه‌بجه 22 توشبووی كۆرۆنا تۆماركرا و ئه‌مڕۆ ته‌واوی توشبووانی كۆرۆنا چاك بوونه‌وه گه‌ڕانه‌وه ماڵه‌وه.
گرۆپا G20 بۆ به‌رهنگاربوونا كورونایێ داخازا هه‌شت ملیار دۆلاران دكه‌ت
ئه‌ڤرۆ نیوز:
گرۆپا وه‌لاتێن G20 ئه‌ڤرۆ ده‌ست پێشخه‌ریه‌كا نێڤ ده‌وله‌تی راگه‌هاند، ب مه‌به‌ستا ساناهی گه‌هاندنا پێدڤیێن نوژداری و ده‌رمان بۆ ئه‌وان ده‌ڤه‌رێن كۆ ب ئه‌گه‌رێ ڤایرۆسێ كورنایێ زیان به‌ركه‌تین.
محه‌مه‌د ئه‌لجه‌دعان وه‌زیرێ دارایێ سعودیێ كۆ سه‌رۆكاتیا گرۆپا G20 دكه‌ت د راگه‌هاندنه‌كێ دا به‌لاڤكر G20 تا نوكه دكاری دایه بۆ تژیكرنا ئه‌وێ بوشاهیا وه‌به‌رهێنانا هه‌شت ملیار دۆلاران دایه ب مه‌به‌ستا ریب ری بوونا ڤایرۆسێ كورونایێ، جڤاكا نێڤ ده‌وله‌تی ژی چه‌ندین گۆمان هه‌نه ل سه‌ر ئاستێ مه‌ترسیا قه‌یرانا كورونایێ درێژبوون و به‌رده‌وامیا ئه‌ڤێ قه‌یرانێ.
د به‌یانامه‌یا گرۆپا G20 دا هاتیه كۆ پێدڤیه گرۆپا G20 هه‌ڤكاریێ ل گه‌ل چینێ و جڤاكا نێڤ ده‌وله‌تی موكمتر لێ بكه‌ت، ژ ئه‌ڤێ چه‌ندێ گرنگتر ئه‌وه پێدڤیا بوشاهیا وه‌به‌رهێنانا ساخله‌میێ تژی بكه‌ت.
گرۆپا G20 داخاز ژ حكومه‌تێن وه‌لاتان و كومه‌له‌یێن خێرخواز و كه‌رتێ تایبه‌ت كر هه‌ڤكاریێن دارایی پێشكێش بكه‌ن ژبوی تژیكرنا كێمیا سه‌رمایێ به‌رهنگاربوونا ڤایرۆسێ كورونایێ كۆ پێدڤی ب هه‌شت ملیار دۆلارێن دی هه‌یه.
سه‌رۆكێ لژنا دارایی ل په‌رله‌مانی: پاره‌یێ پێدڤی بۆ پارڤه‌كرنا موچه‌یێ ل به‌رده‌سته
ئه‌ڤۆ نیوز:
سه‌رۆكێ لژنا دارایی ل په‌رله‌مانێ كوردستانێ راگه‌هاند پاره‌یێ پێدڤی بۆ پارڤه‌كرنا موچه‌یێ فه‌رمانبه‌رێن هه‌رێما كوردستانێ به‌رهه‌ڤه، به‌لێ بۆ پارڤه‌كرنێ چاڤه‌ریێ گه‌هشتنا ئه‌و پاره‌یێ ژ به‌غدا بگه‌هیت.
زیاد جه‌بار سه‌رۆكێ لژنا دارایی ل په‌رله‌مانێ كوردستانێ راگه‌هاند: لگۆری دووڤچوونێن مه پاره ل وه‌زاره‌تا دارایی بۆ پارڤه‌كرنا موچه‌یێ به‌رمانبه‌ران به‌رهه‌ڤه، بۆ پارڤه‌كرنا ئه‌وی پاره‌ی، چاڤه‌ریێ گه‌هشتنا پاره‌یێ به‌غدا دهاته‌كرن كۆ پشكا بودجێ 453 ملیار دیناران ره‌وانه بكه‌ت، به‌لێ بۆ هه‌یڤا بهێت ئالوزی دێ دروست بن، رۆژ ب رۆژ داخوازیێن به‌غدا ل سه‌ر هه‌رێمێ زێده دبن.
سه‌رۆكێ لژنا دارایی ل په‌رله‌مانێ كوردستانێ ئه‌وچه‌نده ژی راگه‌هاند سه‌ره‌دانا شاندێ هه‌رێمێ كۆ ل ده‌ستپێكا هه‌یڤا پێنج دێ چیته به‌غدا، ل سه‌ر پرسا پترۆل و بودجێ بیت، باشترین بژارده بۆ كوردان ئه‌وه كۆ هه‌تا ئه‌وی ده‌می كازمی ده‌ستبكار بیت و پێدڤیه راسته‌وخو ل سه‌ر پترۆل و بودجێ رێكه‌تنه‌ك بهێته‌كرن ل گه‌ل چونكو نابین فه‌رمانبه‌رێن هه‌رێمێ د دودلیێ دا بن.
نيشاندان
WP Facebook Auto Publish Powered By : XYZScripts.com