ئه‌ڤرۆ نیوز:
وهزارهتا ساخله‌میا هه‌رێمێ داخازێ ژ ده‌یك و بابان دكه‌ت زارۆكێن خۆ ڤاكسین بده‌ن ب مه‌به‌ستا خۆپارێزیێ ژ ڤایرۆسان.
د.خالس قادر رێڤه‌به‌رێ گشتی یێ دیوانا وهزارهتا ساخله‌میا حكومه‌تا هه‌رێما كوردستانێ د گرته‌یه‌كا ڤیدیویی دا داخازێ ژ ده‌یك و بابان دكه‌ت زارۆیێن خۆ ڤاكسین بده‌ن ب مه‌به‌ستا خۆپارێزیێ ژ ڤایرۆسان.
ناڤیر ئه‌و چه‌نده ژی دیاركر دابینكرنا ڤاكسینێ ئه‌ركێ حكومه‌تێ یه هه‌ڤده‌م ئه‌ركێ ده‌یك و بابانه ژی زارۆیێن خۆ ڤاكسین بده‌ن، هه‌تا پاراستی بن ژ هه‌ر نه‌خوشی و ڤایرۆسه‌كی.
ئه‌ڤرۆ نیوز، له‌زگین جوقی:
به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركر كو ژمارا كه‌سێن ناڤ كه‌ره‌نتینه‌كرنێ دا گه‌هشتنه هزار و هه‌شت كه‌سان وبه‌رده‌وام خه‌لكه‌ك دهێته كه‌ره‌نتینه‌كرن.
حه‌مزه ره‌زیكی، به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ دیاركر كو ل دهۆكێ پتر ژ شه‌ش هزار و 900 پشكنینان بۆ گومانلیكریان هاتینه كرن ب شێوه‌یه‌كی به‌رده‌وام تیمێن ساخله‌میا دوڤچوونا كه‌سێن گومانلیكری دكه‌ن وپشكنینان ئه‌نجام ده‌ن، هه‌تا نوكه هزار و هه‌شت كه‌س ماینه دناڤ جهێن كه‌رنتینه‌كرنێ دا كو دناڤ 18 جهان دا كه‌سێن گومانلیكری هاتینه كه‌ره‌نتینه‌كرن هه‌تا نوكه ل پارێزگه‌ها دهۆكێ سێ هزار و 29 كه‌س یێن هاتینه كه‌ره‌نتینه‌كرن ژوانا ژی دوو هزار و 21 كه‌س ژكه‌ره‌نتینه‌كرنێ چووینه مالێن خوه بتنێ دوهی ل دهۆكێ 367 پشكنین بۆ كه‌سێن گومانلیكری هاتینه كرن هه‌روه‌سا ژی 108 كه‌س ژ كه‌ره‌نتینان چوونه مالێن خوه و 60 كه‌س هاتینه كه‌ره‌نتینه‌كرن.
زێده‌تر گۆت: 18 حاله‌تێن كۆرۆنا ل دهۆكێ هاتبوونه ده‌ستنێشانكرن ژوانا ژی 15 حاله‌ت ب ته‌مامی هاتینه چاره‌سه‌ركرن چووینه مالێن خوه سێ حاله‌ت ژی ماینه دناڤ نه‌خۆشخانێ دا ژوانا ژی دوو حاله‌ت هاتینه ده‌ستنێشانكرن ئه‌م هێڤدارن وه‌لاتی خوه بپارێزن و رێنمایێن ساخله‌میێ بجه بینن.
دهۆك، له‌زگین جوقی
نوونه‌رێ ئه‌رمه‌نیان ل خۆلا بوری یا په‌رله‌مانێ كوردستانێ دیاركركو وه‌كو دوهێ 24/4 /1915 ملله‌تی ئه‌رمه‌نیان تووشی جینوسایدكرنێ بوون ل سه‌ر ده‌مێ حكومه‌تا ئوسمانیا د ئه‌نجامدا ملیۆنه‌ك و 500 هزار ئه‌رمه‌نیی بوونه قوربانیی هه‌تا ئه‌ڤرۆ ده‌وله‌تێن جیهانێ دانپێدان پێ نه‌كریه وه‌كو جینوساید.
یروانت نیسان، نوونه‌رێ ئه‌رمه‌نیان ل خۆلا بوری یا په‌رله‌مانێ كوردستانێ ئاشكه‌را كركو هه‌ر سال ل پارێزگه‌ها دهۆكێ چالاكیی ب ڤێ هه‌لكه‌ڤتا دهاتنه گێران لێ ئه‌ڤ سالا ژبه‌ر ڤایرۆسی كۆرۆنا چالاكیێن كۆمكوژیا ئه‌رمه‌نیان ل دهۆكێ نه‌هاته كرن دڤێ كومكوژیێ دا ملیونه‌ك و 500 هزار كه‌سێن ئه‌رمه‌نیی بوونه قوربانیی هه‌تا نوكه ژی دانپێدان وه‌كو جینوسایدا ب كۆمكوژیا ئه‌رمه‌نیان نه‌هاتیه كرن ژلایێ ده‌وله‌تیێن جیهانێ ڤه ئه‌م دخوازێن هه‌موو ده‌وله‌تیێن جیهانێ یێن مافێن مرۆڤی دئاخڤن دانپێدانێ ب جینوسایدا ئه‌رمه‌نیان بكه‌ن داكو چوو جارێن دی ملله‌تێن جیهانێ نه‌هێنه كۆمكوژكرن تووشی جینوسایداكرنێ نه‌بن.
ئه‌وژی دیاركركو ده‌مێ ئه‌رمه‌نیی تووشی جینوسایدێ بووین ل وێ ده‌مێ هزرێن به‌رته‌نگ هه‌بوون نها جیهان هاتیه گوهۆرێن پێدڤیه دانپێدان ب جینوسایدا ئه‌رمه‌نیان بهێته كرن كو وه‌كو ئه‌ڤرۆ 24/4/1915 ملله‌تی ئه‌رمه‌نیی تووشی كۆمكوژی بوون ئه‌ڤی جینوسایدكرنێ بۆ ده‌مێ چه‌ند سالان ڤه‌كیشان.
ئه‌ڤرۆ نیوز:
فه‌رمانده‌یه‌كێ سوپایێ پاسدارێن ئیرانێ راگه‌هاند: هه‌كه ئه‌مریكا به‌رسڤا هێرشا مه‌دا با، 400 جهێن دی مه ده‌ست نیشانكربوون بۆ هێرشكرنێ.
ئه‌میر عه‌لی حاجی زاده فه‌رمانده‌یێ سوپایێ پاسدارێن ئیرانێ راگه‌هاند: هاڤێتنا هه‌یڤا ده‌ستكرد بۆ ئاسمانی ب پشته‌ڤانیا خودێ ب سه‌ركه‌فتیانه هاته ئه‌نجامدان، ئه‌و زلهێزێن ئه‌ڤرۆ هه‌ین، گه‌له‌ك شكه‌ستن ئینان هه‌تا گه‌هشتنێ، به‌لێ سوپاس بۆ خودی مه د ئێكه‌م تاقیكرن دا سه‌ركه‌فتن ئینا.
فه‌رمانده‌یێ سوپایێ پاسدارێن ئیرانێ ئه‌و چه‌نده ژی راگه‌هاند: ئه‌و رۆژا مه بنگه‌هێ عه‌ین ئه‌سه‌د بوردومانكری، د وێ هزرێ دابووین پشتی 20 خوله‌كان ئه‌مریكا دێ به‌رسڤێ ده‌ت و مه ژی 400 جهێن دی ده‌ست نیشانكربوون هه‌كه به‌رسڤ دان ئه‌وان 400 جهان كۆ به‌رژه‌وه‌ندێن ئه‌مریكا د پارێزن بوردومان بكه‌ین.
ئه‌ڤرۆنیۆز، سالار دۆسكی:
سه‌رۆكێ تیپا رۆباد یا هونه‌رێ مۆزیكێ ئاشكراكر كو شیاینه سێ به‌رهه‌مێن هونه‌ری ل سه‌ر كاودانێن نوكه ژیان تێدا دبوریت دروست بكه‌ن و هه‌موو بێ به‌رامبه‌ر ل (تون) ستودیو هاتینه دروستكرن.
هونه‌رمه‌ند محه‌مه‌د زه‌كی، سه‌رۆكێ تیپا روباد یا مۆزیكێ، بۆ مالپه‌رێ ئه‌ڤرۆ نیۆز ئاشكراكر كو پشتی هاتنا ڤایرۆسێ كورونایێ وه‌ك خو پاراستن ژڤی ڤایرۆسێ كورونایێ شیاینه سێ به‌رهه‌مێن جودایێن هونه‌ری دروست بكه‌ت، به‌رهه‌مه‌ك بناڤێ (كه‌رنیته) هه‌ر مۆزیكژه‌نه‌ك ل مالا خوه مۆزیكێ دژه‌نیت و ڤیدیو ل مالا خوه، مونتاژێ وێ (دژوار روشدی) بوویه.
هونه‌رمه‌ند محه‌مه‌د زه‌كی ئه‌و ژی دیاركركر كو پارچه مۆزیكا (هیڤیه‌ك بۆ ژیانێ) كو ژ ژه‌نینا هونه‌رمه‌ند (محه‌مه‌د زه‌كی)ه و ده‌ربرین ژ ڤالابوونا باژێری دكر و ژیان ل باژێری نه‌مایه و زارۆك یاریا ناكه‌ن، ل دووماهیێ هیڤیه‌ك هاته دیاركرن كو جاره‌كا دی دێ ژیان ل ڤی باژێری ڤه گه‌ریته ڤه، ئه‌ف به‌رهه‌م ژ ده‌رهێنانا(ستار)
سه‌رۆكێ تیپا روباد ئه‌و ژی گۆت: به‌رهه‌مێ سیێ بناڤێ(سوپاس) كو كێمترین دیاری بوو پێشكێشی هێزێن نافخو و ستافێ ساخله‌میێ بكه‌ین كو وه‌ك پێشمه‌رگه‌ی به‌ر ڤی ڤایرۆسێ كوژه‌ك راوستیان و ئه‌م پاراستین، كو په‌یڤ و ئاواز هونه‌رمه‌ند(شه‌عبان سلێمان) به‌رهه‌مێ رێڤه‌به‌ریا مۆزیكێ و رێڤه‌به‌ریا گشتی یا ره‌وشه‌نبیری و هونه‌ری یه
زه‌كی ئاماژه‌كره وێ چه‌ندێ ژی كو ئه‌ف هه‌موو به‌رهه‌مه ل ستودیویا (تون ستودیو) بێ به‌رامبه‌ر هاتینه دروستكرن.
ئەڤرۆ نیوز،عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر رێژەیا شیلی بوونا ئاڤا خابیری ل زاخۆ ب شێوەیەکێ بەرچاڤ بلند بوویە و پێدڤی یە خەلک وەکو رۆژانێن بوری ئاڤێ نەمەزێخیت هەتا کو ئاڤا خابیری بەرەڤ ئاسایی بونا خوە ڤە دچیت. زێدەتر هاشم ئیبراهیم گوت : دوهی روژا پێنچ شەمبێ هەتا نوکە شێلی بونا ئاڤێ گەهشتی یە ٢٣٠٠ پلەیان و ئەڤە ژی رێژەیەکا بلندە لەورا نوکە
ژی دا مە هێزا پروژێ ئاڤا زاخۆ کێم کری یە وئەڤ چەندە ژی دێ بیتە ئەگەر ئاڤ کێمتر ب وەلاتیان بهێتە دان هەتا کو ئاڤ ڤەگەریتە سەر رەوشا خوە یا جاران،پێدڤی یە ل سەر وەلاتیێن زاخۆ د ڤان روژان دا ئاڤێ کێمتر مەزێخن ژبەر کو وەکو روژانێن بوری ئاڤب وان ناهێتەدان،هەردەما رێژەیا شیلی بونا ئاڤا خابیری بگەهیتە سەر هزار پلەیان دا ئەم هێزا پروژەیی کێمتر دکەین بەلێ نوکە دا ئەو رێژەیە دو جارکی لێهاتیە لەورا نەچارین نوکە دا ئاڤا پروژەیێ زاخۆ کێمتر ژ روژقنێن دیتر ب وەلاتیان بدەین.
ئه‌ڤرۆ نیوز:
ژورا ئوپەراسیونا بەرھنگاربوونا ڤایرۆسێ کۆرۆنایێ ل پارێزگەھا دھۆک قوناغا 7 راگەھاند.
ژوورا ئوپراسیونا به‌رهنگاربوونا ڤایرۆسێ كورونایێ ل پارێزگه‌ها دهۆكێ رێ پێدان یا قوناغا هه‌فتێ بۆ ئاسایكرنا ره‌وشا باژێرێ دهۆكێ ده‌رخستن و دئه‌ڤێ رێ پێدانێ دا چه‌ندین جورێن دوكانێن بازاری دشێن ڤه‌كه‌ن.
د قوناغا هه‌فتیێ یا رێ پیدانێ ژلایێ پارێزگه‌ها دهۆكێ ڤه ده‌ركه‌تی 12 جورێن كاری هاتینه ده‌ست نیشانكرن بۆ ده‌ست ب كاربوونێ و هێدی هیدی قوناغ دیڤ قوناغێ ره‌وشا باژێری به‌ره‌ڤ ئاسای بوونێ ڤه دچیت.
ئه‌ڤرۆنیۆز، هه‌رهین محه‌مه‌د:
ئه‌ندامه‌كێ په‌رله‌مانێ كوردستانێ دیاركر كو یاسا چاكسازیان گیرو نه‌بوویه، به‌لێ خه‌لكی موچێن خوه دڤێن یا گرنگ ئه‌م دناڤ خوه دا یاسا چاكسازیێ جێبه‌جێ بكه‌ین، ئه‌و خه‌لكێ نوكه ل كوردستانێ ژموچه‌كی پتر وه‌ردگرن هه‌موو دێ هێنه برین ژبه‌ركو كریارا ژیان كرنێ ل كوردستانێ راوه‌ستیایه و فرۆتنا پترۆلێ گه‌له‌ك لاواز بوویه و ئاریشامه ل گه‌ل به‌عدا چاره‌سه‌رنه‌بوویه.
مه‌حسن دوسكی ئه‌ندامێ په‌رله‌مانێ كوردستانێ بۆ ئه‌ڤرۆ نیۆز دیاركر جێبه‌جێكرنا یاسا چاكسازیان گیرو نه‌بوویه و نوت روژان پشتی سه‌رۆكێ هه‌رێمێ ئیمزا دكه‌ت و به‌لاڤ دبیت پشتی وێ نوت رۆژان پێدڤیه بهێته جێبه‌جێكرن رێكارێن دروست، چونكو بۆ جێبه‌جێكرنا وێ ئه‌نجومه‌نێ وه‌زیران هنده‌ك مه‌رج و رێنمایان و كارنامه‌یان ده‌ركه‌ت داكو بشێن جێبه‌جیێ بكه‌ن، به‌لێ دڤی كاودانی دا پێدڤیه بله‌ز چونكو خه‌لكێ مه موچێن خوه دڤێن و دبینم ئه‌و كه‌سێن دو موچان، یان سێ مۆچان وه‌ردگرن بتنێ موچه‌كی بۆ بهێلن و یێن دی ژلایێ حكومه‌تا هه‌رێما كوردستانێ ڤه بهێنه برین و ئه‌و موچێن دی یێن مه‌زن كێم كه‌ن و حكومه‌ت ب دانه ل سه‌ر میزانیا خوه داكو موچێن دی پێ بده‌ن، چونكو ئه‌ڤرۆ ئه‌ڤ كاودانه یێن هندێ نینن خه‌لكێ مه به‌حسێ ئیمتیازان و خزمه‌تێ و باوه‌رنامێ بكه‌ن و یا پێدڤیه حكومه‌ت رێه‌كا به‌روه‌خت ب بینیت داكو موچه‌یی َخه‌لكی دابه‌ش بكه‌ن.
زێده‌تر گۆت: ڤایرۆسێ كورونایێ ئابوورێ هه‌موو جیهانێ ئێخستیه دمه‌ترسیێ دا كریارا بازرگانی و ژیانێ ل هه‌موو جیهانێ لاوازكریه و ئه‌ڤرۆ كه ژی ل هه‌رێما كوردستانێ مۆچێن خه‌لكی و داهاتێ كوردستانێ سێ ژێده‌ر هه‌نه ژێده‌رێ ئێكێ ئه‌و پارێ ژبه‌غدا دهێت بۆ موچه‌ی ژێده‌رێ دوێ داهاتێ ناڤخویی ده‌می َكوم ڤه دبیت ل وهزارهتا دارایی و دابه‌ش دبیت ژێده‌رێ سیێ فرۆتنا نه‌فتێ یه و هه‌رسێ ژێده‌رژی دمه‌ترسیێ دا یه و داهاتێ نافخو ژی نه‌مایه، چونكو باج و خه‌لك و كریارا ژیان كرنێ ل كوردستانێ راوه‌ستیایه و فرۆتنا نه‌فتێ د چ ره‌وش دایه گه‌له‌ك ئه‌رزان بوویه و بازارێ نه‌فتێ گه‌له‌ك یێ لاواز بووی و ئاریشامه ل گه‌ل به‌عدا چاره‌سه‌رنه‌بوویه و شاندێ مه ئه‌ڤه دوروژه ل وێری و ده‌ست ڤالا زڤرینه ڤه و بریاره جاره‌كا دی بچنه ڤه و ده‌ست ب دانوستاندان بكه‌نه ڤه هێشتا ژی گۆت: یا گرنگ ئه‌م دناڤ خوه دا یاسا چاكسازیێ جێبه‌جێ بكه‌ین، ئه‌و خه‌لكێ نوكه ل كوردستانێ ژموچه‌كی پتر وه‌ردگرن هه‌موو بهێنه برین و گه‌له‌ك ده‌رمالێن بێ یاسا ژی هه‌نه ئه‌و ژی دێ هێنه برین و دیسان ئه‌و رێكخستنێن پێشمه‌رگه‌ی بهێنه نوژه‌ن كرن ڤه، چونكو نه رونیه‌كا ب ناڤ و ژماریت فه‌رمانبه‌رو پێشمه‌رگه‌هان و گه‌له‌كێن دی ل كوردستانێ یا هه‌ی و پێدڤیه ب جدی ل سه‌ر بابه‌تی راوه‌ستن و باوه‌ردكه‌م دێ هاریكاریا مه‌كه‌ن.
ئه‌گرۆ نیۆز، عه‌زیز هه‌ورامی:
ئه‌مڕۆ 23/4/2020 كۆبوونه‌وه‌ی ئه‌نجوومه‌نی پارێزگای سلێمانی له‌سه‌ر دووته‌وه‌ركۆبویه‌وه ئه‌وانیش داوا له‌حكوومه‌ت بكرێت له 30 ڕۆژ جارێك مووچه دابه‌ش بكات و ده‌روازه بازرگانییه‌كان له‌گه‌ڵ ئێران بكرێته‌وه، فڕاكسیۆنی پارتی ده‌ڵێ، موزایده ده‌كرێت چونكه هه‌موولایه‌ك ده‌زانن له‌قه‌یرانی قوڵی دارایی و ته‌ندروستین.
زیاد كاكه ڕه‌زا سه‌رۆكی فڕاكسیۆنی پارتی دیموكراتی كوردستان له ئه‌نجوومه‌نی پارێزگای سلێمانی،ئه ئه‌ڤرۆنیۆز ده‌ڵێ، له چه‌ند ڕۆژی ڕابردوو له كۆبونه‌وه‌ی سه‌رۆكی فڕاكسیۆنه‌كان وتم ئه‌گه‌ر كۆبونه‌وه‌ی ئه‌نجوونی پارێزگا بۆ موزایده‌ی سیاسی ده‌كه‌ن ئه‌وه ئێمه وه‌ك فڕاكسیۆنی پارتی كۆبونه‌وه‌كه بایه‌كۆت ده‌كه‌ین.
كاكه ڕه‌زا وتیشی، كۆبونه‌وه‌ی ئه‌نجوومه‌نی پارێزگا دوو ته‌وه‌ری له خۆگرتبوو ئه‌وانیش داوا له حكوومه‌تی هه‌رێم بكرێت 30 ڕۆژ جارێك مووچه بدرێته مووچه خۆران، وه چه‌ند ده‌روازه‌یه‌كی بازرگانی وه‌ك سه‌یران به‌ن و شۆشمێ ته‌وێڵه له‌گه‌ڵ ئێران بكرێنه‌وه.
سه‌رۆكی فڕاكسیۆنی پارتی له ئه‌نجوومه‌نی پارێزگای سلێمانی وتیشی، حكوومه‌تی هه‌رێمی كوردستان بۆ دابه‌شكردنی مووچه پشت به‌داهاتنی ناوخۆ و فرۆشتنی نه‌وت و ئه‌وپاره‌ی له‌به‌غداوه‌دێت ده‌به‌ستێت، هه‌موومان ده‌زانین داهاتی ناوخۆ به‌هۆكاری ڕێكاره‌كان دژ به كۆرۆنا بۆ سفر دابه‌زیوه، نرخی نه‌وت دابه‌زییوه ،هاتنی پاره‌ش له به‌غداوه دوواده‌كه‌وێت، ئیدی قه‌یرانی دارایی و دابه‌شنه‌كردنی مووچه له‌ده‌ره‌وه‌ی ویستی ده‌سه‌ڵاتی هه‌موانه.
هه‌روه‌ها ئاماژه‌ی به‌وه‌كرد، كردنه‌وه‌ی ده‌روازه بازرگانییه‌كان له‌گه‌ڵ حكوومه‌تی ئێران ئه‌وه پێوه‌سته به ڕێو شوێنه ئیدارییه‌كانی حكوومه‌تی عێراق، وه ئه‌گه‌ر بۆ پاراستنی خه‌ڵكی خۆمان نه‌بێت له ڤایرۆسی كۆرۆنا حكوومه‌تی هه‌رێمی كوردستان بۆ ده‌روازه‌كانی بازرگانی داده‌خات و زیانی گه‌وره‌ی ئابووری له‌خۆی ده‌دات.
فڕاكسیۆنی پارتی دیموكراتی كوردستان له ئه‌نجوومه‌نی پارێزگای سلێمانی له سێ ئه‌ندام پێكهاتوون.
نيشاندان