سه‌ره‌كى Authors Posts by naci bedel

naci bedel

15011 POSTS 0 COMMENTS

چینێ دو توشبوویێن ئه‌نفلوه‌نزا به‌رازان راگه‌هاند

13/04/2020 13:44

ئه‌ڤرۆ نیوز:

وه‌زاره‌تا چاندنا چینێ را گه‌هاند: دو توشبوویێن ئه‌نفلونزا به‌رازان ل دو هه‌رێمێن وه‌لاتی هاتینه‌ تووماركرن.

وه‌زاره‌تا چاندنا چینێ د راگه‌هاندنه‌كێ دا به‌لاڤكریه‌، رۆژا ئێك شه‌مبێ دو توشبوویێن ئه‌نفلونزا به‌رازان ل هه‌رێمێنGansu و Shaanxi هاتینه‌ توماركرن، كۆ ب شیوه‌یه‌كێ به‌رده‌وام كارێ ڤه‌گۆهاستنێ ل گه‌ل به‌رازان دابوون.

وه‌زاره‌تا چاندنا چینێ ئه‌و چه‌نده‌ ژی دازانین كۆ توشبوویێ ئێكێ ل هه‌رێما Gansuیێ كۆ ده‌ڤ بارهه‌لگره‌كی دا هاتیه‌ تووماركرن كۆ 320 به‌راز بۆ هه‌رێمه‌كا دی یا چینێ ڤه‌دگۆهاستن و سێ ژ وان به‌رازان ژی مری بوون، حاله‌تێ دوێ ل زه‌ڤیه‌كا بچوك دا ل هه‌رێما Shaanxiكۆ سه‌ره‌ده‌ری ل گه‌ل كرین و فرۆتنا به‌رازان دكر.

پەیڤدارێ وەزارەتا ئاڤاکرنێ: پڕۆژە نەھاتینە گرتن

13/04/2020 13:41

144

ئەڤرۆ نیۆز قائید میرۆ
سەرەڕای بەلافبوونا ڤایرۆسا کۆرۆنا و پاشڤەچوونا کەرتێ ئابوری وەزارەتا ئاڤاکرن و ئاکنجیکرنێ پڕۆژەیێن خوە رانەگرتینە و پەیڤدارێ وەزارەتا ئاڤاکرنێ ژی دبێژیت، پشتی راکرنا قەدەغەیا ھاتن وچوونێ دێ کار لسەر پڕۆژەیان بھێتەکرن.
مەریوان مەلا حەسەن، پەیڤدارێ وەزارەتا ئاڤاکرنێ بۆ ئەڤرۆ نیۆز دیارکر” سەرەڕای بەلافبوونا ڤایرۆسا کۆرۆنایێ وەزارەتا ئاڤاکرنێ چو بڕیار لدۆر راگرتنا پڕۆژەیان دەرنەکرینە، بەلێ ژبەر قەدەغەیا ھاتن وچوونێ تیمێن وەزارەتێ و کۆمپانیا نەشێن وەک پێدڤی بگەھنە سەر پڕۆژەیان.
مەریوان مەلا حەسەن ئاشکراکر” دگەل ئاسایی بوونا رەوشا نوکە ھەرێما کوردستانێ تێدا بۆریت دێ دەست ب تەمامکرنا ھەموو وان پڕۆژەیان بھێتەکرن یێن بەری نوکە کار تێدا دھاتەکرن و دێ بھێنە بجە ئینان، لەوڕا چو مەترسی لسەر راگرتنا پڕۆژەیان نینە.

هه‌ڵه‌بجه‌: له‌ دوو هه‌فته‌ی داهاتوو كۆتایی به‌ كورونا دێت

13/04/2020 12:17

ئه‌ڤرۆ نیۆز، عه‌زیز ڕه‌سووڵ:

ئه‌مڕۆ به‌ڕێوه‌به‌ری گشتی ته‌ندروستی هه‌ڵه‌بجه‌ وتی، 7 توشبوی كورونا چاك بوونه‌ته‌وه‌ نێردراونه‌ته‌وه‌ بۆ ماڵه‌وه‌، ڕه‌وشی توشبوانی تری كوونا باشه‌، ئه‌مڕۆ هه‌ڵه‌بجه‌ ده‌بێته‌ خاوه‌نی تاقیگه‌ی تایبه‌ت به‌خۆی بۆ پشكنینی كۆرۆنا.

ئازاد مسته‌فا به‌ڕێوه‌به‌ری گشتی ته‌ندروستی هه‌ڵه‌بجه‌، به‌ ماڵپه‌ڕی ئه‌ڤرۆ نیۆزی ڕاگه‌یاند: ئه‌مڕۆ هه‌ڵه‌بجه‌ له‌ كورونا پێ ناییه‌ ڕه‌وشێكی دڵخۆشكه‌ر 7 توشبوی كورونا چاك بونه‌وه‌ ڕه‌وانه‌ی ماڵه‌وه‌ كراون، 12 توشبوی تری كورونا له‌ قاوشه‌كان ماون، به‌شێكیان دووپشكنینیان بۆ كراوه‌ پشكنینه‌كانیان پاك بوه‌ ، لای ئێمه‌ هه‌ر توشبوێك سێ پشكنینمان بۆكرد پاك ده‌رچوو ئه‌وه‌ پێ ده‌وترێت ڤایرۆرسی كۆرۆنای په‌ڕاندووه‌.

ئازاد مسته‌فا وتیشی:” هه‌ڵه‌بجه‌ وه‌ك شاره‌كانی تری كوردستان بوه‌ خاوه‌نی تاقیگه‌ی پشكنینی كورونا، له‌سه‌ر ئه‌و بودجه‌ییه‌ كردراوه‌ كه‌ حكوومه‌تی هه‌رێمی كوردستان بۆ ڕوبه‌ڕوبونه‌وه‌ی كورونا بۆ پارێزگای هه‌ڵه‌بجه‌ی ته‌رخان كردووه‌.

هه‌روه‌ها ئاماژه‌ی به‌وه‌كرد:” ئه‌و توشبوانه‌ی كورونا چاك ده‌بنه‌وه‌ ده‌نێردرێنه‌ ماڵه‌وه‌ فۆرمێكیان پێ پڕده‌كه‌ینه‌وه‌، به‌رده‌وام پزیشك چاودێری ڕه‌وشی ته‌ندروستییان ده‌كات.

ناوبراو زیاتر وتی:” دوو هه‌فته‌ی داهاتوو دامان ناوه‌ به‌ سه‌ر سه‌ركه‌وتن به‌سه‌ر كورونا له‌ پارێزگای هه‌ڵه‌بجه‌ به‌ یه‌كجاری.

پشتی رێكه‌تنا ئوپێك پله‌س بهایێ پترۆلێ بلند بوو

13/04/2020 12:01

1360

ئه‌ڤرۆ نیوز:

پشتی رێكه‌تنا وه‌لاتێن ئوپێك پله‌س بۆ كێمكرنا به‌رهه‌مئینانا پترۆلێ، ئه‌ڤرۆ بهایێ به‌رمیلا پترۆلا برێنت گه‌هشته‌ 32.23 دۆلاران.

وه‌لاتێن مه‌زنێن به‌رهه‌مهێنه‌رێن پترۆلێ ل جیهانێ گه‌هشتنه‌ رێكه‌تنه‌كا گرنگ بۆ كێمكرنا به‌رهه‌مئینان و هنارتنا پترۆلێ ب رێژا 10% یا ئێخستنه‌ كارێ نوكه‌، كۆ دبیته‌ نێزیكی 10 ملیۆن به‌رمیلێن رۆژانه‌.

لگۆری رێكه‌تنێ كۆ دێ ل ئێكێ ئایارێ رۆژانه‌ به‌رهه‌م ئینانا پترۆلێ 9 ملیۆن و 700 هزار به‌رمیل هێنه‌ كێمكرن، هه‌موو وه‌لاتێن ئوپێك پله‌س ب رێكه‌تنێ رازی بووینه‌.

د ڤی چارچوڤه‌یی دا ئه‌ڤرۆ بهایێ به‌رمیلا پترۆلێ یا بڕینت بلند بوو بۆ 32.23 دۆلاران و یا ته‌كساس ژی گه‌هشته‌ 23.42 دۆلاران.

بیڤه‌له‌رزان چه‌ند باژێركێن هه‌رێمێ هژاندن

13/04/2020 11:26

620

ئه‌ڤرۆ نیوز:

رێڤه‌به‌راتیا گشتی یا سه‌قاناسیێ و بیڤه‌له‌رزان یا هه‌رێما كوردستانێ راگه‌هاند بیڤه‌له‌رز ل چه‌ند ده‌ڤه‌ره‌كێن هه‌رێما كوردستانێ رووداینه‌.

رێڤه‌به‌راتیا گشتی یا سه‌قاناسی و بیڤه‌له‌رزان یا هه‌رێما كوردستانێ د راگه‌هاندنه‌كێ دا به‌لاڤكریه‌ و تێدا هاتیه‌ ئه‌ڤرۆ 13/4/2020 ده‌مژمێر 7:26 سپێدێ ل ده‌مێ هه‌ولێرێ بیڤه‌له‌رزه‌ك ب هیزا 2.8 پله‌ بوو دیڤ پیڤه‌رێ ریخته‌ری باژێرێ خانه‌قینێ هژاند كیراتیا وێ 10 كیلۆمه‌تر بوون و دوراتیا وێ ژی 20 كیلۆمه‌تر.

رێڤه‌به‌راتیا سه‌قاناسیێ ئه‌و چه‌نده‌ ژی راگه‌هاند: ده‌مژمێڕ 2:19 شه‌ڤێ ب ده‌مێ هه‌ولێری بیڤه‌له‌رزه‌ك ب هیزا 3.5 پله‌ ب پیڤه‌رێ ریخته‌ر و ب كیراتیا 10 میلۆمه‌تر و دوراتیا 29 كیلۆمه‌تران قه‌زا كویێ و دوراتیا 41 كیلۆمه‌رتان ژی قه‌زا چه‌مچه‌مال هه‌ژاندینه‌.

مه‌زلوم عه‌بدی سوپاسیا نێچیرڤان بارزانی دكه‌ت

12/04/2020 13:25

107

ئه‌ڤرۆ نیوز:

مه‌زلوم عه‌بدی فه‌رمانده‌یێ گشتی یێن هێزێن سوریا دیموكرات هه‌سه‌ده‌ سوپاسیا نێچیرڤان بارزانی سه‌رۆكێ هه‌رێما كوردستانێ دكه‌ت كۆ هه‌ڤكاریێن نوژداری بۆ رۆژئاڤا هنارتینه‌.

مه‌زلوم عه‌بدی فه‌رمانده‌یێ گشتی یێن هێزێن سوریا دیموكرات هه‌سه‌ده‌ د هژمارا خویا تویته‌ری راگه‌هاند زۆر سوپاسیا نێچیرڤان بارزانی سه‌رۆكێ حكومه‌تا هه‌رێما كوردستانێ دكه‌م، زۆر بله‌ز ب هه‌وارا داخازیێن مه‌ هات و تاقیگه‌هێن نوژداری بۆ رۆژئاڤا ره‌وانه‌كرن.

سوپاسیا فه‌رمانده‌یێ گشتی یێن هێزێن سوریا دیموكرا بۆ سه‌رۆكێ حكومه‌تا هه‌رێما كوردستانێ د ده‌مه‌كی دایه‌،پشتی هاریكاریێن نوژداری پێشكێشی رۆژئاڤا كرین.

جێگری به‌ڕێوه‌به‌ری ته‌ندروستی: سلێمانی مه‌ترسی كۆرۆنای تێ نه‌په‌ڕاندوه‌

12/04/2020 13:14

ئه‌ڤرۆ نیۆز، عه‌زیز هه‌ورامی:

له‌ پاش ئه‌وه‌ی پارێزگای سلێمانی ڕای گه‌یاند، دۆخی سلێمانی ئاسایی ده‌كه‌نه‌وه‌ ، جێگری به‌ڕێوه‌به‌ری گشتی ته‌ندروستی سلێمانی ده‌ڵێ، هیچ شوێنێك مه‌ترسی كۆرۆنای تێنه‌په‌ڕاندووه‌، به‌پێ ڕێنمایی و قۆناخ به‌قۆناخ كار له‌سه‌ر ئاسایی كردنه‌وه‌ی سلێمانی ده‌كه‌ین.

هێرش سه‌ید سه‌لیم، جێگری به‌ڕێوه‌به‌ری گشتی ته‌ندروستی سلێمانی بۆ ئه‌ڤرۆ نیۆز ده‌ڵێ:” پارێزگای سلێمانی مه‌ترسییه‌كانی كۆرۆنای تێنه‌په‌ڕاندووه‌، ئه‌وه‌ی هه‌ییه‌ ڕه‌وشه‌كه‌ له‌ سه‌ره‌تا ئێستا باشتره‌، ئێمه‌ ده‌ڵێن، به‌سێ قۆناخ دۆخی سلێمانی ده‌تواندرێت ئاسایی بكرێته‌وه‌ هه‌نگاوی یه‌كه‌م، ئه‌و شوێنانه‌ی زۆر پێویست بۆ هاوڵاتی ده‌كرێنه‌وه‌ له‌ سلێمانی.

ئاماژه‌ی به‌وه‌كرد بازاڕ و مزگه‌وت و قوتابخانه‌كان كردنه‌وه‌یان ده‌كه‌وێته‌ پاش 15ی 5ی مانگی داهاتوو ئه‌گه‌ر هاتوو ڕه‌وشه‌كه‌ به‌ره‌و باشتر ڕۆشت، ئێمه‌ پێشنیارمانكردووه‌ بۆ پارێزگای سلێمانی به‌ سێ قۆناخ ڕه‌وشی ئاسایی بكرێته‌وه‌.

ناوبراو ده‌ڵێ، ده‌بێت هاوڵاتیان له‌ قۆناخی سه‌ره‌تای ئاسایی كردنه‌وه‌ی سلێمانی پابه‌ندی ڕێنماییه‌كانبن نابێت هیچ هاوڵاتێك به‌ بێ ماسك و ده‌ستكێش بێته‌ ده‌ره‌وه‌.

عه‌بدولا مرۆڤه‌كێ به‌رنیاسێ و دلوڤانه‌

12/04/2020 12:55

586

ئه‌ڤرۆ نیۆز، سالاردۆسكی:

عه‌بدوللا تاهر بێسفكی، ئه‌وكه‌سێ ‌به‌رنیاس ل ده‌ف خه‌لكێ‌ دهۆكێ‌ كو كه‌سه‌كه‌ مێشكێ‌ خوه‌ ژ ده‌ست دایه‌، برایێ‌عه‌بدوبلایی چیرۆكابرایێ‌ خوه‌ بڤیره‌نگی بووم ‌ڤه‌دگێریت.

د.جه‌لال تاهر بێسفكی، برایێ‌ عه‌بدوللای بۆ مالپه‌رێ ‌ئه‌ڤرۆ نیۆز گۆت: دشیانێن مه‌دانه‌بووعه‌بدوللایێ برایێ‌ من هه‌ڤژینێ‌ پێك بینیت له‌وما ما زگورد، ل ده‌سپێكا سالێن نوتان بوو كوتووشی نه‌خوشیه‌كا ده‌روونیبوو، جاره‌كێ‌ ب مه‌ره‌ما چاره‌سه‌ریێ‌ ل گه‌ل بابێ‌ من چوو لژنا پزیشكی لێ ‌نێزیكی فه‌رمانگه‌ها(استخبارات) دهێته‌ خوار ودووفدا (ئه‌منا) به‌عس ده‌سته ‌سه‌ردكه‌ت و پشتی ماوێ‌ چه‌ند هه‌یڤان و گه‌له‌ك هاتیه ‌ئه‌شكه‌نجه‌دان ل ده‌سپێكا سالا 1991 برایێ‌ من هاته‌ ئازادكرن، مه‌هه‌ستپێكر كومێشكێ‌ خوه‌ ژ ده‌ستدا و مه ‌قه‌ستا گه‌له‌ك نوشداران كر لێ‌ هه‌موو دبێ‌ مفابوون هوسا ما لێ‌ خوش به‌ختانه‌ زیان ژێ ‌دروستنابن، خوارن و نڤستن و ڤه‌خوارنێن وی د سرۆشتینه‌، بتنێ ‌نه‌شێـت وه‌ك مرۆڤه‌كێ ‌دروست هزرا بكه‌ت، نوكه ‌روژانه ‌دچیته ‌بازاری و ئێڤاری دزڤریته‌ڤه‌

عه‌بدوللا تاهر ده‌رچوویێ ‌ئاماده‌یا پیشه‌سازییه‌ ل دهۆكێ‌، ژ گه‌نجاتیا خوه‌ هه‌سته‌كا ره‌وشه‌نبیری ل ده‌ف هه‌بوو و به‌رده‌وام كونتاك ل گه‌ل ئێزگێ ‌كوردی ل به‌غدا و ته‌له‌ڤزیونا كه‌ركووكێ‌ و ئێزگێ‌ رومانیا پشكا زمانێ‌ عه‌ره‌بی هه‌بوو به‌رده‌وام نامه‌ بۆ دهنارتن.

ل دور ئه‌گه‌رێن ده‌سته‌سه‌ركرنا وی ژی ژلایێ‌ (ئه‌منابه‌عس)ڤه‌، برایێ‌ وی گۆت: هاته‌ تاوانباركرن كو هێَرش كریه‌ سه‌ر (صدام)ی ئه‌ڤه ‌هه‌مووژی هوسا نه‌بوو، ئه‌گه‌ر ئه‌و بوویه ‌پشكداریه‌كا كارا هه‌بوو ل دروستكرنا هوزان و گوتاران دا ل گوڤار و رۆژنامێن كوردی دا وه‌ك گوڤارا(به‌یان، هه‌وكاری) هه‌تا نوكه ‌ئه‌رشیفێ ‌وی یێ ‌به‌رهه‌ڤه‌ و دیسا كامیره‌ك هه‌بوو گه‌له‌ك وێنێن دهۆكێ ‌گرتینه‌ و هه‌تا نوكه‌ ئه‌و وێنه‌ ماینه‌ و كامیرا وی ژیمایه‌.

عبدوللا ژ دایكبوویێ‌ سالا 1957 یه‌ كه‌سه‌كێ‌ به‌رنیاس و خوشتڤییه‌ ل ده‌ف پتریا خه‌لكێ ‌دهۆكێ‌ و رۆژانه‌ ل جاده‌یێن دهۆكێ ‌دا دگه‌ریت، به‌ری سالێن نوتان فه‌رمانبه‌ربوویه‌ ل (معمل تعلیب) پشتی نه‌خوشكه‌فتی هاتیه‌ خانه‌نشینكرن.

ل دووماهیێ ‌د.جه‌لال برایێ‌ عه‌بدوللا گۆت: مامه‌لێن برایێ‌ من عه‌بدوللا وه‌ك زیندانیه‌كێ ‌سیاسی ب دووماهی هاتینه‌ و هه‌تانوكه‌ چ مووچه ‌وه‌ك زیندانیێن سیاسی نه‌وه‌رگرتینه‌، به‌رامبه‌ر ره‌نگه ‌كه‌سان هه‌بن ئێك رۆژ ژی زیندان نه‌دیت بیت و خودان مووچه‌ بن، به‌رامبه‌ر برایێ‌ من مێشكێ‌ خوه‌ ژ ده‌ست دایه‌ و هه‌تانوكه‌ چ بوونه‌هاتینه‌كرن.

سعودیێ قه‌ده‌غه‌یا هاتنوچونێ درێژكر

12/04/2020 12:10

145

ئه‌ڤرۆ نیوز:

شاهێ سعودیێ هاتنوچون ل وه‌لاتی بۆ ده‌مه‌كێ نه‌دیاركر قه‌ده‌غه‌كره‌ڤه‌.

به‌ری نوكه‌ ب فه‌رمی شاهـ سه‌لمان بن عه‌بدلعه‌زیز شاهێ سعودیی بۆ رێگرتن ژ به‌لاڤبوونا ڤایرۆسێ كورونایێ، ل رۆژا 23/3/2020 هه‌تا 12/4/2020 هاتنوچون ل هه‌موو باژێرێن سعودیێ قه‌ده‌غه‌كر بوو.

لگۆری میدایێن سعودیێ، شاهـ سه‌لمان بن عه‌بدلعه‌زیز بریاره‌كا شاهانه‌ دایه‌ڤه‌ و تێدا هاتیه‌ هه‌ر بۆ رێگرتن ژ به‌لاڤ بوونا كورونایێ، قه‌ده‌غه‌یا هاتنوچونێ بۆ ده‌مه‌كێ نه‌ دیار راگه‌هاند.

هه‌تا نوكه‌ چار هزار و 33 كه‌س ل سعودیێ تووشی ڤایرۆسێ كورونایی بوون ژ وان ژی 52 كه‌س مرینه‌.

سیناتوره‌كێ ئه‌مریكی: نابیت لێخوش بوون ژ سعودیێ بهێته‌كرن

12/04/2020 11:29

146

ئه‌ڤرۆ نیوز:

سیناتوره‌كێ ئه‌مریكی راگه‌هاند نابیت لێخوش بین ژ وێ قه‌یرانا كۆ سعودیێ ل ده‌مێ مژیلبوونا جیهانێ ب پرسا كورونایێ بۆ بازارێ پترۆلێ درستكری بهێته‌كرن.

كیڤن كریمه‌ر سیناتوری كۆماریان راگه‌هاند د ده‌مه‌كی دا هێزێن مه‌ سعودیێ د پارێزن، ئه‌وی وه‌لاتی شه‌ر ل دژی هه‌ڤكارێن مه‌ یێن به‌رهه‌مهێنه‌رێن پترۆلێ راگه‌هاند.

ناڤبری ئه‌و چه‌نده‌ ژی راگه‌هاندی یه‌ ئه‌و كارێ سعودیێ كری ناهێته‌ ژبیركرن و نه‌ لێخۆش بوون بۆ نینه‌‌، پێنگاڤێن بهێت یێن حكومه‌تا ریازێ دیار دكه‌ن، دێ شێت پارێزگاریێ ژ هه‌ڤبه‌شیا ستراتیژیێ ل گه‌ل ئه‌مریكا كه‌ت یان نه‌.

به‌ریا نها سیناتور كریمه‌ر داخاز ژ دونالد تره‌مپ سه‌رۆكێ ئه‌مریكا كر بوو وه‌ك به‌رسڤه‌ك بۆ ئه‌وی شه‌رێ سعودیێ و روسیا ل سه‌ر بهایێ پترۆلێ دروستكری، هنارتنا پترۆلا هه‌ردو وه‌لاتان قه‌ده‌غه‌ بكه‌ت.

نيشاندان 1...1,000 1,3891,3901,391...1,502 زێده‌تر

لاپه‌ر 1,390 ژ 1,502