ئه‌ڤرۆ نیوز:
ده‌مێ چار رۆژانه چ حاله‌تێن توشبوونێ ب كورونایێ ل بارێژێ ئوهان یێ چینێ كۆ ئێكه‌م جهێ سه‌رهلدانا ڤایرۆسێ كورنایی بوو نه‌هاتینه توماركرن.
لگۆری میدیایێن چینی هاتیه دیاركرن، بۆ ده‌مێ چار رۆژانه چ حاله‌ته‌كێ توشبوونێ ب كورونایێ ل باژێرێ ئوهان كۆ جهێ ئێكێ یێ سه‌رهلدانا ڤایرۆسی یه نه‌هاتیه توماركرن.
ئه‌ڤ چه‌نده ژی ب ئه‌گه‌رێ ب پێگیربوون ب رێنمایێن ساخله‌میێ ده‌سه‌لاتدارێن ئه‌وی وه‌لاتی هێدی هێدی یێن دشین سه‌ركه‌فتنێ ب سه‌ر كورونایێ بینن.
ئه‌ڤرۆ نیوز:
هه‌ڤده‌م ل گه‌ل زێده‌بوونا حاله‌تێن توشبوونێ ب ڤایرۆسێ كورونایێ ل جیهانێ ژماره‌یا ئه‌و كه‌سێن كۆ چاك بووینه د بلند بوونێ دایه.
لگۆری نووترێن ئامارێن فه‌رمی یێن تایبه‌ت ب كورونایێ، تا ئه‌ڤرۆ سپێدێ، 339 هزار و 36 كه‌س ل سه‌رانسه‌ری جیهانێ تووشی ڤایرۆسیێ كورنایێ بوون.
ژماره‌یا ئه‌و كه‌سێن كۆ ساخ بوین ژ ڤایرۆسێ كورونایێ 99 هزار و 14 هه‌زار كه‌سن، ئه‌ڤێن ب ئه‌گه‌رێ ڤایرۆسێ كورونایێ ژی مرین گه‌هشتیه 14هزار و 698 كه‌سان.
ئه‌ڤرۆ نیوز:
سه‌رۆكێ حكومه‌تا هه‌رێما كوردستانێ په‌یامه‌ك به‌لاڤكر و تێدا هاتیه كۆ داخازا پێگیربوونێ ب رێنمایان ژلایێ وه‌لاتیێن كوردستانێ ڤه دكه‌ت.
د په‌یامه‌كێ دا سه‌رۆكێ حكومه‌تا هه‌رێما كوردستانێ مه‌سرور بارزانی راگه‌هاندیه جهێ داخێ یه ژماره‌یا توشبوویان ل هه‌رێما كوردسانێ ب تایبه‌تی ل پارێزگه‌ها سلێمانیێ د زێده‌بوونێ دایه، ئه‌گه‌ر ژی ئه‌و رێكارێن هاتینه دانان ژ لایێ وه‌لاتیانڤه پێگیری پێ ناهێته‌كرن.
ئه‌ڤه ژی ده‌قێ په‌یاما سه‌رۆكێ حكومه‌تا هه‌رێما كورستانێ یه:-
. هیڤیدارم وه‌لاتیێن خوشتڤی پێگیری رێنمایان بن.
.جهێ داخێ یه ژماره‌یا توشبوویان ل هه‌رێما كوردستانێ ب تایبه‌تی ل پارێزگه‌ها سلێمانیێ د بلند بوونێ دایه، ئه‌گه‌ر ژی ئه‌وه كۆ وه‌ك پێدڤی هه‌ڤكاریا سازیێن په‌یوه‌ندیدار ناهێته‌ركرن و رێكارێن خۆ پاراستنێ ژلایێ هنده‌ك وه‌لاتیان ڤه ناهێنه بجهكرن.
داخازێ ژ هه‌موو وه‌لاتی و ئاكنجیێن هه‌رێما كوردستانێ دكه‌م پێگیر بن ب رینمایێن هه‌ردو وه‌زاره‌تێن ساخله‌می و ناڤخۆ ژبوی رێك ل به‌لاڤبوونا زێده‌ترا ڤایرۆسێ كورونایێ بهێته‌گرتن.
زێده‌باری ئاگه‌هداركرن و بكار ئینانا هه‌موو رێكارێن پێدڤی ژلایێ سازیێن حكومه‌تێ، جهێ داخێ یه هه‌تا نوكه هنده‌ك سه‌رپێچیكرن ژلایێ هنده‌ك كه‌سان ڤه به‌رده‌وامه و ئه‌و ره‌فتارێن وان نه بتنێ ژیانا وان به‌لكو ژیانا كه‌س و كارێن خۆ و ته‌ڤایا خه‌لكێ كوردستانێ دئێخنه دمه‌ترسیێ دا.
جهێ داخێ یه ژماره‌یا توشبوویان ل هه‌رێما كوردستانێ ب تایبه‌تی ل پارێزگه‌ها سلێمانیێ ل بلند بوونێدایه، ئه‌گه‌ر ژی ئه‌و كۆ وه‌ك پێدڤی هه‌ڤكاریا سازیێن په‌یوه‌ندیدار نه‌هاته‌كرن و رێنمایی ژلایێ هنده‌ك وه‌لاتیان ڤه ناهێنه بجهكرن، سه‌رپێچیكرن ل خالێن توخیبی هه‌تا نوكه به‌رده‌وامه.
چ به‌رژوه‌ندیێن تایبه‌ت ئه‌وێ چه‌ندێ نائینن ژیانا خۆ خه‌لكی بێخیه دمه‌ترسیێ دا، دڤێرێ دا ب پێدڤی دزانم سازیێن په‌یوه‌ندیدار یێن حكومه‌تێ رێكێن توند هه‌مبه‌ر سه‌رپێچیكاران بكار بینن و ئه‌وێن یاریێ ب ژیانا خه‌لكی دكه‌ن دێ ریب ری پێرابوونێ یاسایی بن.
هیڤی دارم ژ وه‌لاتیێن خوشتڤی مه‌ترسیا ئه‌ڤی ڤایرۆسی بزانن زێده‌تر ب جدی وه‌ربگرن، ئه‌ڤا ل سه‌ر حكومه‌تێ ئه‌نجام دا دێ به‌رده‌وام ژی دبین، به‌لێ پێدڤیه ئه‌م هه‌می هه‌ڤكاریا ئیك بكه‌ین رۆلێ حكومه‌ت و وه‌لاتیان دڤێ ره‌وشێ دا ته‌مامكه‌رێن ئێكن.
شیانێن سیسته‌مێ ساخله‌میا هه‌رێمێ توخیبداره و ل ده‌مێ به‌لاڤبوونا زێده‌ترا ڤایرۆسێ كورنایی ئاریشه دێ زێده‌تربن و ئه‌وی ده‌می گازنده‌كرن ب هه‌وارا چ كه‌سان ڤه ناچیت، هه‌ر ب رژد نه‌وه‌رگرتن، كێمته‌رخه‌میه‌ك دشێت ب بیته ئه‌نجامێ كاره‌ساته‌كێ، ل سه‌ر هه‌موو كه‌س و لایه‌كی پێدڤیه ده‌ستا ژ به‌رژه‌وه‌ندیێن تایبه‌ت به‌رده‌ن و خه‌ما گشتی یا خه‌لكێ كوردستانێ بهێته خوارن، چونكو كه‌س ژ كارتێكرن و شینوارێن ئه‌ڤی ڤایرۆسی دیر نابیت.
هیڤیێ ژ هه‌موو وه‌لاتیێن كوردستانێ دكه‌م ب هه‌سته‌كێ به‌رپرسیارانه رێنمایان لبه‌رچاڤ بكه‌ن و ژیانا خو و كه‌س و كار و هه‌ڤ نیشتمانیێن خۆ بپارێزن، هیڤییێ ژ هه‌وه دكه‌م ل ئه‌ڤی ده‌مێ دیاریكری ل مالێن خودا ب مینن و كێمترین په‌یوه‌ندی و هاتنوچون هه‌بیت.
ل دوماهیی سوپاسی و خۆراگریا پرانیا خه‌لكێ كوردستانێ دكه‌م، سوپاس و پێزانینێن خۆ ئاراسته‌ی تیمێن ساخله‌میێ و ئه‌وان نوژدار و په‌رستارا دكه‌م ل هێلا پێشیا به‌رهنگاربوونا ڤایرۆسی دانه، سوپاس بۆ هێزێن ناڤخۆ و كارمه‌ندێن باژێرڤانیێ و كاره‌بێ و سازیێن خزمه‌تگۆزاری دكه‌م كۆ شه‌ڤ و رۆژ د پاراستنا خه‌لك و بجهكرنا رێنمایان دا به‌رده‌وام بوون.
خودایێ مه‌زن هه‌می لایه‌كی ب پارێزیت و كوردستانێ ژ هه‌موو نه‌خوشییان دیر بێخیت.
مه‌سرور بارزانی
سه‌رۆكێ حكومه‌تا هه‌رێما كوردستانێ.
22/3/2020
ئه‌ڤرۆ نیوز:
رێكخراوا ساخله‌میا جیهانی هوشداریێ دده‌ته گه‌نجان كۆ مه‌ترسیا ڤایرۆسێ كورنایێ ب رژدی وه‌ربگرن و پێگیری رێنمایێن نوژداری بن.
رێكخراوا ساخله‌میا جیهانی راگه‌هاند كۆ ڤایرۆسێ كورونایێ مه‌ترسی بتنێ نینه بۆ سه‌ر كه‌سێن دانعه‌مر، به‌لكو مه‌ترسیه‌كا مه‌زنه بۆ سه‌ر گه‌نجان و تانوكه گه‌نجان مه‌ترسیێن ڤایرۆسێ كورنایێ ب رژدی وه‌رنه‌گرتینه.
ریكخراوا ناڤبری ئه‌و چه‌نده ژی دیاركر ل هنده‌ك وه‌لاتێن توشبویی ب ڤایرۆسێ كورونایێ گه‌نج توشبووینه و ئه‌ڤه ژی ئه‌گه‌ره‌كه بۆ گوهدارینه‌كرنا گه‌نجان ب رێنمایێن نوژداری.
ڤه‌كۆلینێن نوژداری ده‌ر دئێخن كۆ ڤایرۆسێ كورونایێ مه‌ترسی بۆ سه‌ر هه‌موو ته‌خ و چینێن جڤاكێ و كه‌س ژ مه‌ترسیێن كورنایی ڤه‌ده‌ر نینه.
ئەڤرۆ نیوز ، ئێقبال عومەر:
قایمقامێ ئامێدیێ بۆ ئەڤرۆ نیوز دا دیارکر، وەلاتیێن سنورێ قەزا ئامێدیێ ئەڤرۆ ژ هەمی رۆژێن دی پتر پێگیربوون ب رێنمایێن حکومەتا هەرێما کوردستانێ دەرکری بۆ قەدەغەیا هاتن و چوونێ کو رۆژا ئێکێ یا نەوروز و سەرسالا کوردیە چ خێزان نەدەرکەفتیە بو گەشت و سەیرانان، و گوت: دەست خوشیێ ل هەمی خەلکێ خوەیێ خوەشتڤی دکەم و جەژن و سەرسالا وان پیروز دکەم، دووپاتدکەم کو ئەڤ رێنمایێن سەروکاتیا ئەنجومەنێ وەزیران و سەرۆکێ حکومەتێ ب هەڤکاریا وەزارەتێن نافخوە و ساخلەمی و وەزارەتێن پەیوەندیدار ژبو پاراستنا گیانێ هەمو خەلکێ کوردستانێ یە ژبەرکو پاراستنا گیانێ وەلاتیان ژ هەر کارەکێ دی گرنگترە، لەوما ژی هیڤیدارین ژ وەلاتییان پتر خوەراگربن و سەبر و تەحەمولا ڤان رۆژێن داهاتو ژی بکەن دا گیانێ هەوە یێ پاراستی بیت ژ ڤایروسێ کورونایێ نەدەرکەفتنا هەوە جهێ دل خوەشیا مەیە وەکو کارگێریا قەزا ئامێدیێ و کارگێریا پارێزگەها دهۆك ب گشتی ژی کو چەندین لێدوان ل جهێن فەرمی ژی دەرکرینە کو ل سنورێ پارێزگەها دهۆك چ خێزانەك نەدەرکەفتیە سەیرانێن نەوروزێ .
ئیسماعیل مستەفا قایمقامێ قەزا ئامێدیێ گۆت: ل دوو ناحییێن ل سنورێ قەزا ئامێدیێ چار سەرپێچی هاتنەکرن کو چەند گەنجەکا دڤیا دەرکەڤن بۆ سەیرانا نەوروزێ بەلێ رێگری ل وان هاتەکرن و ژلایێ پشکا هاتن و چوونا ئامێدیێ ڤە ل دیف رێنمایان هاتنە سزادان، هیڤیدارم ژ وەلاتیێن سنورێن قەزا ئامێدیێ ل رۆژێن داهاتوژی پێگیربن ب رێنمایێن حکومەتێ هەر وەکو ئەڤرۆ هەوەیێن بەرێز پێگیری پێکری، و خوە بپارێزن ژبەرکو خوەپاراستنا هەرتاکەکی پاراستنا گیانێ هەمو وەلاتیێن کوردستانێ یە.
ئه‌ڤرۆ نیوز:
د نووترین ئامارێن به‌لاڤكری ل سه‌ر به‌لاڤبوونا ڤایرۆسێ كورونایێ ل سه‌ر ئاستێ جیهانێ توشبوویێن وێ گه‌هشتیه 276 هه‌زار و 462 كه‌سان و ئه‌و كه‌سێن بڤی ڤایرۆسی مرین ژی 11 هه‌زار و 417 كه‌س بوون.
مالپه‌رێ ولد ئومیته‌ر یێ جیهانی د به‌لاڤكرنا نووترین ئاماردا راگه‌هاند: ل جیهانێ و ل 185 وه‌لاتان 276 هزار و 462 كه‌س تووشی ڤایرۆسێ كورونایێ بوون و 11 هزار و 417 كه‌س ژی بڤی ڤایرۆسی مرینه.
ئه‌و چه‌نده ژی هاتیه‌دیاركرن كۆ 173 هزار و 91 كه‌س ل بن چاڤدێریێ دانه و 7 هزار و 911 كه‌س ژی ره‌وشا ساخله‌میا وان نه‌جیگیره و ل بن چاڤدێریا چردانه و 91 هزار و 959 كه‌س ژی ژ ئه‌ڤێ ڤایرۆسی ساخ بووینه و نه‌خوشخانه بجهـ هێلاینه.
مالپه‌رێ ناڤبری ئه‌و چه‌نده ژی راگه‌هاند ل ده‌مێ 24 ده‌مژمێرێن بوری دا ل چینێ كۆ جهێ به‌لاڤبوونا ڤایرۆسی بوو 41 كه‌س تووشبووون و 7 كه‌س پێ مرینه و ل ئیرانێ 19 هزار و 644 تووشبوو هه‌نه و هزار و 433 كه‌س مرینه و ل ئیتالیا ژی نوكه ل پله‌یا دوێ دهێت بۆ توشبوونێ ب ڤایرۆسی كۆ 47 هزار و 21 توشبوویی هه‌نه، 4 هزار و 32 كه‌س پێ مرینه، هه‌ده‌ڤ ل عیراقێ ژی 208 كه‌س توشی ڤایرۆسی بووینه و 17 كه‌س مرینه.
ئه‌ڤرۆ نیوز:
رێڤه‌به‌رێ گشتی یێ ساخله‌میا دهۆكێ د كۆنگره‌یه‌كێ رۆژنامه‌ڤانی دا دیاركر ل دهۆک ٦٠٨ وه‌لاتی هاتینه کەرەنتینەكرن و هەتا نوكه بتنێ ئێك حاڵەتی توشبوون ب ڤایرۆسی کۆرۆنایێ هاتیه تۆمارکرن.
د. نزار رێڤه‌به‌رێ گشتی یێ ساخله‌میا دهۆكێ د كۆنگره‌یێ رۆژنامه‌ڤانی دا راگه‌هاند 608 وه‌لاتی ل دهۆكێ هاتینه كه‌ره‌نتینه‌كرن و به‌رده‌وام ژی چاڤدێریا ساخله‌میا ئه‌وان و پشكنین بۆ دهێنه‌كرن.
رێڤه‌به‌رێ گشتی یێ ساخله‌میا دهۆكێ ئه‌و چه‌نده ژی دیاركرهه‌تا نوكه بتنێ ئیك حاله‌تێ توشبوون ب ڤایرۆسێ كورونایێ هاتیه توماركرن و بۆ ده‌مێ 5 رۆژان قه‌ده‌غه‌یا هاتنوچونێ ل پاریزگه‌هێ هاتیه راگه‌هاندن.
ئه‌ڤرۆ نیوز:
رێڤه‌به‌راتیا گشتی یا گۆمركان ل وه‌زاره‌تا دارایی و ئابووری یا حكومه‌تا هه‌رێما كوردستانێ بازرگانیا ترانزێت راوه‌ستاند.
لگۆری نڤیساره‌كا رێڤه‌به‌راتیا گشتی یا گۆمركان كۆ هاتیه ئاراسته‌كرن بۆ ته‌ڤایا رێڤه‌به‌راتیێن گۆمركان، راوه‌ستاندنا بازرگانیا ترانزێت كۆ ئه‌ڤرۆ 21/3/2020 ب شێوه‌یه‌كێ ده‌مكی دێ هێته راوه‌ستاندن.
راوه‌ستاندنا بازرگانیا ترانزێت ل هه‌رێما كوردستانێ ئێكه ژ رێكارێن حكومه‌تا هه‌رێما كوردستانێ بۆ رێگرتن ژ به‌لاڤبوونا ڤایرۆسێ كورونایێ.
بازرگانیا ترانزێت ب وێ بازرگانیێ دهێته گۆتن كۆ وه‌لاته‌كێ هه‌ڤسیێ كوردستانێ هنده‌ك كه‌ل و په‌لان ب سه‌ر ئاخا هه‌رێمێ بۆ وه‌لاته‌كێ دی یێ كوردستانێ بهنێریت.
ئه‌ڤرۆ نیوز:
سوپایێ ئیرانێ مانوره‌كا سه‌ربازی بناڤێ (لبیک یان ئیمام خامنەى) ده‌ستپیكر و مه‌به‌ستا ئه‌ڤێ مانورێ ژی ده‌رئێخستنا شیانێن هێزێن چه‌كدارێن ئیرانێ یه.
میدیایێن ئیرانی به‌لاڤكرن، مانور دێ پرانیا پارێزگه‌هێن ئیرانێ بخوڤه‌گریت دناڤا وان ژی دا پارێزگه‌ها قومێ یه، هه‌ر چه‌نده ب ئه‌گه‌ری ڤایرۆسێ كورنایێ هاتوچون یا توخیبداركریه.
لگۆری میدایێن ئیرانی رێ و ئاوایێن پێدڤی هاتینه بكار ئینان و ته‌ڤایا ئه‌و ترۆمبێل و پێدڤی یێن سه‌ربازی كۆ دێ هێنه‌بكار ئینان هاتینه پاقژكرن و تافیلكرن و مه‌ترسیا ڤه‌گۆهاستنا كورونایێ ژێ ناهێته‌كرن.
ده‌ست پێكرنا ئه‌ڤێ مانورا سه‌ربازی دده‌مه‌كی دایه كۆ ئیران ب ئه‌گه‌ری به‌لاڤبوونا كورونایێ ل ره‌وشه‌كا مه‌ترسیدار دایه نوكه زیده‌تری 20 هزار وه‌لاتیێن وێ تووشی ئه‌ڤی ڤایرۆسی بووینه.
ئەڤرۆ نیۆز، قائید میرۆ:
سەرەڕای داکەتنا بھایێ پتڕۆلێ و بەلاڤبوونا ڤایرۆسا کورونا بەرھەم ئینانا پتڕۆلێ ل ھەرێما کوردستانێ نەھاتیە راگرتن ئەندامەکێ لیژنا سامانێن سرۆشتی دبێژیت، پێشبینی دھێتەکرن بھایێ پتڕۆلێ بلند ببیت.
جیھاد حەسەن، ئەندامێ لیژنا سامانێن سرۆشتی ل پەرلەمانێ کوردستانێ بۆ ئەڤرۆ نیۆز دیارکر” کۆمپانیێن کەرتێ پتڕۆلێ بەردەوام ل کارکرنێ و مەزنە کۆمپانیێن بیانی بەرھەم ئینانا پتڕۆلێ ل چالێن ھەرێما کوردستانێ رانەگرتیە، چونکە ھەموو ئاسانکاری بۆ کۆمپانیێن کەرتێ پتڕۆلێ ھاتینەکرن و بڕیارا قەدەغەیا ھاتن وچوونێ ژی کەرتێ پتڕۆلێ ناگریت.
جیھاد حەسەن گۆتژی” ددەمێ نوکە بازاڕێ پتڕۆلێ یێ سەقامگیر نینە و بھایێ پتڕۆلێ بشێوەیەکێ بەرچاف داکەتیە، بەلێ پێشبینی دھێتەکرن جارەکادی بھایێ پتڕۆلێ بلند ببیت و رەوشا نوکە جیھان تێدا ئەگەرن بۆ داکەتنا بھایێ پتڕۆلێ و ئەم پشتڕاستین زۆر ناکێشیت، لەوڕا ژی چاڤەڕێ دھێتەکرن چو قەیران پەیدانەبن.
نيشاندان