رەمەزان زەكەریا:
ل گوندێ سپی مال سنوورێ دەڤەرداریا ئاكرێ مەزنترین رێژا خانیێن پلاستیكی لێ هەیە و سالانە ل وەرزێ هاڤینێ بەرهەمێ وان دگەهیتە هەموو پارێزگەهێن كوردستانێ و ناڤەراستا ئیراقێ.
تالب ئەحمەد، جوتیارەكێ گوندێ سپیمالە بۆ ئەڤرۆ گۆت: گوندێ سپی مال ناڤ و بانگیا خوە هەیە بۆ چاندنا ناڤ خانیێن پلاستیكی، ژ بەر كو زۆرترین رێژا خانیا ل گوندی هەیە كو دگەهیتە هزار خانیان و ل ڤی وەرزی بەهرا پتر خیار هاتینە چاندن و رۆژانە رێژەكا زۆرا خیارا دهێنە بەرهەمئینان، ژبلی پارێزگەهێن هەولێر و دهۆك و بەرهەمێ خیارێن گوندێ سپی مال دهێنە رەوانەكرن بۆ پارێزگەهێن ناڤەراستا عیراقێ ژی.
فەرمانگەها میدیا و زانیاری یا حكومەتا هەرێما كوردستانێ ڕاگەهاندیە، نێزیكی هزار خانیێن پلاستیكی ل گوندێ سپیمال یێ سەر ب دەڤەرداریا ئاكرێ ڤە هەنە و بەرهەمێ ڕۆژانە ژی زێدەتری 100 تەنێن خیارانە.
ئەحمەد عەبدوللا، جوتیارەكێ گوندێ سپیمالە گۆت: ژبلی دابینكرنا بەرهەمی بۆ ناڤخۆ، بەرهەمێن خۆ رەوانەی ناڤەڕاست و ژێرییا عیراقێ ژی دكەین .
فازل مستەفا، ڕێڤەبەرێ چاندنا ئاكرێ بۆ ئەڤرۆ گۆت: نێزیكی دوو هزار خانیێن پلاستیكی ل سنوورێ ئاكرێ هەنە و بەردەوام دووڤچوون بۆ ڕەوشا بەرهەمێ ناڤخۆ دهێتەكرن و پتریا وان خانییان ژی ل گۆندێ سپیمالن.
گۆتژی: دووڤچوونێن مە بۆ دناڤ خانیێن پلاستیكی د بەردەوامن ژ بۆ زانینا ڕەوشا جووتیاران، ڕەوشا خانییێن پلاستیكی وەك بەرهەم و ئێش و ئازار، هەروەسا دەرمانێن دهێنە بكارئینانان و بەردەوام ژی شیرەت ل جووتیاران دهێنەكرن.
نيشاندان