‎پڕبێژیا زاڕۆكی ژ ژیێ 3 سالیێ‌ هەتا 9 سالیێ‌ دەستپێدكەت، ئەڤە تشتەكێ سروشتیە، چونكی ل ئەڤی ژی زارۆك دهێتە نیاسین ب قوناغا ئاشكرا كرنێ، زاڕۆك بزاڤێ‌ دكەت هەموو وان تشتێن د ژینگەها تێدا دژیت بنیاسیت، ئەڤجا چ دبینیت پرسیار دكەت ل ڤێرێ خێزانا وی عاجز و ماندی دبیت ژ پرسیارێن دووبارە و زێدە ل سەر تشتێن بەر چاڤێن وان دكەڤن، هندەك ئەگەر هەنە كو زاڕۆك گەلەك باخڤیت و یێ پڕبێژ بیت ئەڤە هندەك ژ وان ئەگەرانە:-
‎ئەم دشێین پڕبێژیێ لدەڤ زاڕۆكی ب هژمێرین كو ئەو شیانێن دەربڕینا وی یێن زمانی و ئاخفتنێ نە یێن زێدە د گوتنا پەیڤا و ئاخفتنێ دا، هەڕوەسا شیانێن زێدە یێن خەزن كرنا ژمارەكا زۆر یا پەیڤان ئەوێن ژ دەوروبەرێن خو وەردگریت ئەم دبێژنە ئەڤێ چەندێ زیرەكیا زمانی و ئاخفتنێ، ئەڤە دبیتە ئەگەرەك كو زاڕۆك یێ پڕبێژ بیت، هەروەسا دبیت پربێژیا زارۆكی ژبەر ژینگەها تێدا دژیت و دەوروبەرێن وی وەكی دایك و باب و خویشك و برا د پڕبێژ بن دێ‌ ڤی ڕەوشتی ژێ وەرگریت، هەروەسا دبیت ژی ئەو تاكە كەس بیت د خێزانێ دا یێ پڕبێژ بیت، ئەگەرەكی دی ژی مە یێ هەی ئەو ژی دبیت زاڕۆكەك بیت كو حەز بكەت هەموو تشتان بنیاسیت و ئاشكرا بكەت و شیانێن زارۆكی یێن مەزن یێن ئاخفتنێ وی د گەهیننە دناڤ جڤاكی دا، بەلێ دڤێت ئەم تورە نەبین و ژبیر نەكەین ئەڤە نیشانێن زیرەكی و تێگەهشتنا زارۆكی نە.

دیدار، سالار محەمەد دۆسكی:

1-5

ئێك ژ رێكخستیێن نهێنیێن پارتی دیموكراتی كوردستان بەحسێ‌ ژیانا وی سەردەمی و ئەو بزاڤ و چالاكیێن قوتابیان ئەنجام دان ئاشكەرادكەت، دیاركر كو وی دەمی دواناوەندی یا برایەتی مینبەرا كوردایەتیێ‌ بوو.
پێشمەرگەیێ‌ شۆرەشا ئیلونێ‌ (مەلا قاسم ئێمینكی) ل سالا 1948 ژ گوندێ‌ ئێمینكێ‌ بەرەف باژێرێ‌ دهۆك هاتیە، و ل سالا پێنجیان بەرەف باژێرێ‌ زاخۆ چوویە و ئاكنجی بوویە، ل سالا 1953 بوویە ئەندامێ‌ پارتی دیموكراتی كوردستان ل زاخۆ و ل سەر دەستێ‌ (مەلا سالح بالقوسی) هاتبە رێكخسستن، و رۆلەكێ‌ باش هەبوو د ناڤ رێكخستنێن پارتی دا، و دەستەكێ‌ بالا د ڤەكرنا بارەگایێن پارتی دا هەبوو، ل ناڤەراستا سالێت پێنجیان ل هەمان باژێر و ل دەسپێكا شۆرەشا ئیلۆنێ‌ پەیوەندیێ‌ ب شۆرەشا ئیلۆنێ‌ دكەت.
(ئەحمەد مەلا قاسم ئێمینكی) ل سالا 1961 ل باژێرێ‌ زاخۆ ژدایك بوویە و ئێك ژ رێكخستیێن نهێنی دناڤا قوتابیێن دواناوەندی یا برایەتی دا و پێشمەرگەیێ‌ شۆرەشا گولانا پێشكەفتنخواز بۆ رۆژناما ئەڤرۆ گۆت: چەند تایبەتندی ل دەف بابێ‌ من وی سەردەمی هەبووینە، مرۆڤەكێ‌ خواندەڤان بوو و مزگەڤتا گوندێ‌ ئێمینكێ‌ فێری خواندن و نڤێسینێ‌ بوویە و مرۆڤەكێ‌ رەهوان بوو وی دەمی (سالح یوسفی) بەرپرسێ‌ رێكخستنێ‌ بوو ل دەڤەرێ‌ و بابێ‌ من ل گەل هەڤالێن خوە دەست ب رێكخستنێ‌ دكەن ل دەڤەرێ‌ و گەلەك هەڤال هەبووینە وەك (عەلی هالو، عەبدولرحمان دینو، مەلا سالح، مەلا سالحێ‌ بێتاسی، حەجی قادر، سلو شەعبان، عەبدولكریم و حامد) دەمێ‌ دەست ب رێكخستنێ‌ كرین خەلكەكێ‌ بەرفرەه ژ (سندی، گولی، سلێڤانەی، هەوێری)، هەمی خەلكێ‌ دەڤەرێ‌ هاتنە ناڤ رێزێن پارتی دیمەكراتی كوردستان ، و (مەلا قاسم) كادرەكێ‌ چالاكێ‌ رێكخستنێ‌ بوو و شیان خەلكی كوم كەن و گەلەك جاران هەڤركییا دەستهەلاتێ‌ دكر و ژێ‌ نەترسیا، ل سالا 1957 (مەلا قاسم) و هەڤالێن خوە شیان بارەگایەكێ‌ پارتی ل زاخۆ ڤەكەن، وی دەمی دگۆتنێ‌ (خەبات) هەتا سالا 1959 بارەگایێ‌ لژنا ناڤخوە یا پارتی دیموكراتی كوردستان هاتە دامەزراندن و چالاكیێن خوە بەردەوام بوون، هەتا د ناڤبەرا (6-9/9/1961) هێزەكا مەزن یا پێشمەرگەی ل خوە كومكرین، و دو مەفرەزێن پێشمەرگەی پێكئینان ئێك (مەلا قاسم) ل گەل و (150) پێشمەرگا ل گەل دا بووینە، و هاتنە راسپاردن ژلایێ‌ حزبێ‌ ڤە كو بەرەف (براهیم خەلیل، پێشابوورێ‌، هەوێری) و (عەلی هالو) كەسەكێ‌ خودان مرۆڤ و كورد پەروەر بوویە و ئەو ژی ل گەل (150) پێشمەرگا هاتیە دەرڤەرا (بنستانی و سندی و ئاسهێ‌) یا و مەرەما هەر دوكان ئەو بوویە بەرەف دەشتێ‌ بهێن و زێدەتر وەك حزب بچیتە دناڤا خەلكی دا، و گەهشتنە دەوروبەرێن زاخۆ هەتا گەهشتیە (10/9/1961) هەر دو مەفرەزێن مە ئاماژەپێكرین ل بنێ‌ گەلیێ‌ زاخۆ گەهشتینە ئێك و كومبوونەك ئەنجام دایە، و ل سەر وێ‌ چەندێ‌ رێككەفتن كو شەڤا 10-11/9/ بچنە ناڤ باژێرێ‌ زاخۆ و ل سەر پێنچ (محوەران) زاخۆ هاتیە دابەشكرن، و هەر (محوەرەك)ی بۆ بەرپرسەك هاتیەدانان و هەمی چاڤەرێ‌ بن كو قەستا ئەوا بنگەها بگەن ئەوێن بۆ هاتینە دەستنیشانكرن، و پشتی دهێنە ناڤ زاخۆ و هەمی دەست ب هێرشێ‌ دكەن و شیان دەمەكێ‌ گەلەك كێم دا باژێرێ‌ زاخۆ ئازاد بكەن، وی دەمی كارەب هەمی باژێری هاتبوو برین، لدووف گۆتنا (مەلا قاسمێ‌ ئێمینكی) كو بوو كورێ‌ خوە (ئەحمەدی) ڤەدگێریت و بێژیت: وی دەمی بتنێ‌ (قشلا زاخۆ) ما و (عەلی هالو) و هەڤالێن ل گەل دا لبن بەنگەنەكێ‌ بوون ل بەرامبەر (قشلێ‌) راسوتیاینە و هێشتا دنیا تاری بوو و من گۆتێ‌ دڤێت هەر ئەڤ شەڤە ئەڤ جهە بهێتە ئازادكرن و نەبیتە سپێدە و مە پێنچ كەسا(مەلا قاسم، عەلی هالو، عەبدولرحمان دینو، جەمیل رەشید، عەبدولكریم) دێ‌ هێرشی كەلهێ‌ كەین وەك فیدائی و ئەگەر ئەم شەهید بووین بلا كەسەك نەهێت و ئەگەر ئەم ب سەركەفتین دووف مە دا وەرن و دەمێ‌ گەهشتینە بن دەرجا ئێكسەر كارەب هات و مە ژ نیشكەكێ‌ ڤە دیت (مەئمور مەركەز) ل گەل حەفت پولیسان و تڤەنگ د دەستی دانە و هنداڤ سەرێ‌ مەنە و (ملا قاسم) ب شێوازێ‌ سمینار بەحسێ‌ ئارمانجا ڤێ‌ هێرشێ‌ گۆت و دیسا هاتنا (ملا مستەفا بارزانی) بۆ دەڤەرێ‌ و ب دەست ڤەئینانا مافێن مللەتێ‌ كورد و هەر ئێكسەر (مەئمورێ‌ پولیسان) (عەبدولرحمانێ‌ سەید عەلی) گازی كر (ملا قاسم) توزانی ئەژی هەر پارتی مە و كەرەم بكە و ب سەركەڤە و هەمی ل گەل پێشمەرگەی ب سەر دەرجا كەفتن و ئەو دەڤەر ژی هاتە ئازادكرن و چەك تەقەمەنی هەمی هاتە رادەستكرن بۆ هێزێن پێشمەرگەی و هەمان دەم قەستا باێ‌ قشلێ‌ دەكەن و هندەک پولیس ب چەك ڤە ل بانی بوون و هەر ئێكسەر گۆتێ‌ چەكێ‌ خوە بدانن و هەمان دەم گولەك ژ حەوشا قشلێ‌ تەقی و (سەید سالح) هاڤێت بابێ‌ شەهید(كوردستان سالح) و گۆت مە گولا سەركەفتنێ‌ هاڤێت و پشتی ڤێ‌ گولێ‌ ب 15 خولەكا هەمی باژێرێ‌ زاخۆ بۆ ئاگر و تەقە هاتنە هاڤێتن و رۆژا دووڤ دا لژنەكا كارگێری هاتەدنان بۆ برێڤەبرنا مامەلێن خەلكی دناڤا باژێری دا و (ملا قاسم) ل جهێ‌ دەڤەردارێ‌ زاخۆ روونشتەخوار و (عەلی هالو) وەك سەرپەرشتێ‌ لەشكری و رێكخستنێ‌ و ئێمناهی یا باژێری دكەڤیتە د دەستێ‌ وی دا و فەرمانگەهێن میری بەرپرس بۆ دهێنەدانان و ئەف شێوازە بەردەوام دبیت هەتا (9) رۆژ دەربازدبن و دووڤ دا لەشكرێ‌ زاخۆ دهێت گەلیێ‌ زاخۆ دگریت و دهێتە دناڤا باژێری دا و پێشمەرگەی زاخۆ بەردەت و هەر دو فەرماندێن پێشمەرگەی هەر ئێك ل جهەكی دمینت و هەتا (ملا مستەفا بارزانی) دهێتە دەڤەرێ‌ و گەهشتینە (مەلا مستەفا بارزانی) و (مەلا قاسم )بێژیت .