دیدار، سالار محەمەد دۆسكی:

3-5

فەهیم عەبدوللا حەمو ئەو ژی گۆت: رێكخستیێن وی سەردەمی گەلەك كاریگەر بوون ل باژێرێ‌ دهۆكێ‌ و مە پێزانین ل سەر قوتابیێن ئافرەت نەبوو درێكخستنێ‌ نهێنی دا لێ‌ ئەوا رۆلەكێ‌ كاریگەر و سەرەكی هەبوو دگەرمە گەرما هەڤركیا دا ل گەل حزبا بەعس وەك (بێریڤان رەشید) ل گەلەك هەلكەفتان هندەك هوزانێن نشتیمانی و گەرم دخواندن و گەلەك بهێز بوون و هاندانەكا مەزن هەبوو دناڤا قوتابیان دا هەبوو.
زێدەتر گۆت: مخابن گەلەك تشت بوومە نەهات چونكە دەمێ‌ بووینە رێكخستنێن نهێنی شنی سەركردایەتیا بەروەخت یا مژوولی دانانا بارەگایێن خوە بوو و هێشتا ئێزگە نەكەفت بوو كاری و هێشتا خەبات نە دەركەت بوو، 17/11/1976 هاتمە رێكخستن ل سەر دەستێ‌ (دیندار صالح گەرماڤی) و ئەو هاتبوو رێكخستن ژلایێ‌ (ئلیاس حاجی پیرۆمەری) ڤە و (ئلیاس) ب شەهید (محمود غلبشی) ڤە هاتبوو گرێدان و دەمێ‌ شەهید (محمود غلبیشی) هاتیەدەستەسەركرن ژلایێ‌ رژێما بەعس ڤە، بەرپرسێ‌ شانا مە یا نهێنی (ئلیاس پیرۆمەری) پەیوەندی ب شۆرەشێ‌ كر و وی دەمی كاودانێن مەیێن دەروونی گەلەك تێكچوون و ئەم كەفتینە بن كاریگەری و چاڤدێریەكا مەزن ڤە و مە هزر دكر هەر نوكە دێ‌ هێینە دەستەسەركرن و مەنەزانی ئەم چ بكەین و كیشا دروست بكەین و ئەم ماینە بێ‌ سەر و ئەگەر كێمترین پێزانین ل سەر مە بگەهنە ئەمنێ‌ چارەنڤێسێ‌ مە ژ یێ‌ شەهید(محمود غلبشی) كێمتر نابیت، بەلێ‌ تشتێ‌ باش دڤێ‌ رێكخستنا خوە دا یا مە كو مەكا گەنجێن وەرزشڤان، هاتمە راسپاردرن شانەكێ‌ ل ئامادەیا برایەتی دروست بكەم و هەتا مە كارێ‌ خوە ئەنجام دایی ل گەل هەڤالێن عەزیز(ئیبراهیم مستەفا و ئەحمەد مەلا قاسم) ل گەل من ئەم بووینە سێ‌ و ل ئامادەیا برایەتی دا مە چالاكیێن هەرە باش دناڤا قوتابیان دا وەك رێكخستن ئەنجامدان، دەمێ‌ مە شانا خوە ل برایەتی دروست كری مە هزر دكر دێ‌ بوومە ئاراستەك هێت.
رێكخستنێن پارتی دیموكراتی كوردستان ل برایەتی هەتا رادەكێ‌ باش د دیاربوون و زێدەتر مە ئێك و نیاسی، گازندە گەلەك ل سەر (سەربەست بابیری) هەبوو و ب جلكێن كوردی دهاتە دەوامێ‌، بیرا من دهێت پشتی كونگرێ‌ نەهێ‌ یێ‌ پارتی دیموكراتی كوردستان، (سەربەست بابیری) ئەم داخاز كرینە كوبوونەكێ‌ و بریار و راسپاردە و ناڤێن لژنا مەركەزی دەركەتبوون و بەلگەنامێن كونگرێ‌ نەهێ‌ بوون و ئەم هەمی ل مالا (سەربەست بابیری) كومبوون و ئەڤە ئێك ژ شاشیێن هەرە مەزن بوو ل وی دەمی و مە قوتابیان گەلەكا ل مالا وی ئێك و دو نیاسی و مە تێكەلی ل گەل ئێك و دو نەبوو و مەرەم ژ ئەڤێ‌ كومبوونێ‌ ئەو بوویە ئەو بەلاڤووك و بەلگێن كونگرێ‌ نەهێ‌ رۆژا دووڤ دا ل جهێن گرنگێن باژێری دا ب هەلاویسین و هەمی دەست نڤێسین بوو و مە هەمی یا پشكداری كر و پشكداریەكا كارا و بتنێ‌ شاشی ئەو بوو هەمی پێكڤە هاتینە كومبوونێ‌ و گەلەك ژ مە جارا ئێكێ‌ بوو هەڤالەكێ‌ خوە ل قوناغەكا دی بینت و مە هەر دو كا پێشتر نەزانی ئەم رێكخستنێن نهێنی نە و هەتا و هندەك هەڤال مە دیتن هەر رۆژ ئەم ل گەل ئێك بووین ل تاخی و وەرزشێ‌ و مە ئێك دو نەزانین ئەم رێكخستی نە وەك (وەیسی نەبی) دیسا (جەلال كەمال) (خەلیل زێوەی) ئەڤە هەمی ل گەل ئێك بووین رۆژانە و دەركەتن ئەڤە هێلەكا دی یا رێكخستنێ‌ ، زێدەتر بزاڤ و چالاكی كەفتنە برایەتی دا، دچارچووڤێ‌ ئەڤا بزاڤ و چالاكیان ئەم رابووین ب دەرخستنا بەلاڤووكەكا هەیڤانە بناڤێ‌ (كوردستانێ‌) كەسێن ئەڤ بەلاڤووك دەرتێخست(فەهیم عەبدوللان د.عزەت فندی، د. بایز، عەبدوسەلام مەجید خازیاڤای، سامان) ئەڤ بەلاڤووكە گەلەك بهێنا كوردایەتیێ‌ ژێ‌ دهات و هەر چ هوزانەكا كوردایەتیێ‌ دا دا هیین و دناڤا ڤێ‌ بەلاڤووكێ‌ دا بەلاڤ كەین و هەر هەمی بەرهەمێن قوتابیان و خومالی بووینە و شەش دانە ژێ‌ دەركەفتن و تشتەكێ‌ گەلەك سرنج راكێش بوو و دەنگڤەدانا خوە هەبوویە ل سەر ئاستێ‌ قوتابخانێ‌ و دەرڤە، وی دەمی (صەدیق ئامێدی) پەیامنێرێ‌ حەفتیناما (هاوكاری) بوو و هات بوو راپوورتەكێ‌ ل سەر بەلاڤووكا مە دروست بكەت، نوزانم چەوا چ نەبوو و چێنەكرن و هەمان دەم شیاین دو پاشووگایا دەربێخین بناڤێ‌ (برجا بەلەگ و نەوروز) ئەڤ بەلاڤووك هاتبوونە پاراستن لدەف كاك (ئیبراهیم مستەفا) و هندەك دانە دپارستی بوون دەف (د. عزەت فندی) وی دەمی مە ئەڤ بزاڤەدكر، رێكخستنا وی دەمی ئالیەكێ‌ گەلەك ئیجابی هەبوو دپەروەردەكرنا نڤشەكێ‌ نووی دا و ئازراندنا هەستا نەتەوەیی دا و هشیاركرنێ‌ دا و چاڤ ترساندنا دوژمنی دا كو بزانە كوردپەروەر دبن كەفشێ‌ هەوە رانە، بەلێ‌ راستی شۆرەش نەشیا مفایی ژ رێكخستنێن نهێنی بكەت و تایبەت ئەڤان گەنجێن خوین گەرم و تژی هەستا نەتەوەیی و كوردایەتی خوە هاڤێتی نەمەیدانێ‌ .
فەهیم عەبدوللا حەمو ئەو ژی گۆت: پشتی چوونا سەرۆكێ‌ شانا مە كاك (ئلیاس) مە نەزانی ئەم پەیوەندیێ‌ ب كێ‌ بكەین و پێدڤی بوو و كاك (ئلیاس) گۆت با پشتی من پەیوەندیێ‌ ب فلان كەسی بكەین و مە هەر شەهید (محمود غلبیشی) نەنیاسی و شێوازێ‌ دروست ئەو بوو، بەری شانا مە یا نهێنی بهێتە ئاشكراكرن و ئەو دەمێ‌ مە پێكڤە كاردكر كاك (ئلیاس حاجی پیرۆمەری) گەلەكێ‌ چالاك بوو و هەمی هەیڤان رۆژەكێ‌ دو رۆژان دا بەرزەبیت دا ڤەگەریت بوومە رۆژناما (خەبات) تینا و بتنێ‌ دو لاپەر بوون بەلێ‌ مرۆڤی دزانی ئەڤ رۆژنامە ژ بارەگایەكێ‌ شۆرەشێ‌ هاتینە و گەلەك یا پیرۆز و ب تام و هەر ئێكی داف یێ‌ دی و مە هەمی یا هزر دكر ئەڤە بەرهەمێ‌ شۆرەشێ‌ و راگەهاندنا وێ‌ كەفتیە كاری، چوونا سەرۆكێ‌ شانا مە و پشتی وی ئەم ماینە هەلاویستی زیانەكا مەزن ب مە كەفت، دووڤ دا مە هەمی گڤاشتن و سەنگا خوە ئێخستە دواناوەندیا برایەتی ل گەل (ئیبراهیم و ئەحمەد مەلا قاسم) ل گەل چەند گرۆپێن دی.
فەهیم عەبدوللا حەمو ئەو ژی گۆت: وەك بەلگە ئاشكرادكەم و دەمێ‌ كاك (ئلیاس حاجی) خوە ڤەشارتی ب دیتنا دەرفەتەكێ‌ كو پەیوەندیێ‌ ب شۆرەشێ‌ بكەت، وی دەمی ئەز و كاك (دیندار صالح گەرماڤی) گەلەك لێگەریاین و ئەگەر مە دیتبا دا گەل چین ناڤ شۆرەشێ‌، وی دەمی (ئسماعیل پیرۆمەری) دگۆتنێ‌ (سمائیلێ‌ وەتفایێ‌) وی ئاگەه ژێ‌ هەبوو و دزانی ل كیڤەیە و مە گەلەك دگۆتێ‌ ل كیڤەیە بەلێ‌ ئەوی جهێ‌ وی نیشا مەنەدا و ئەگەر مەزانی با دا ل گەل چین وی دەمی ئەم د ژیەكی دا بووینە ئەم نەشیاین پشتبەستنێ‌ ل سەر خوە بكەینن وی دەمی گەلەك یا بزحمەت بوو پەیوەندیێ‌ ب شۆرەشێ‌ بكەی چونكە حوكمەتا بەعس ل هەمی جهان بوو و یا هار بوو، پشتی وی دەمی ئێدی مە نەباوەری ب چوونا عەسكەریێ‌ و نەخزمەتكرنا حوكمەتێ‌ ما و برایێن مە هەمی بوونە پێشمەرگە بوون و دایك و بابێن مە هاتنە گرتن و دایك ل گەل دایكێ، پێشمەرگەی ل زیندانا چاریانا ئالوكان و باب ل ئەمنێ‌ هاتەدەستەسەركرن و دایكا من ل سالا 1984 – 1985 هاتە دەستەسەركرن و ئێدی مە چ رێ نەمان و چ ژیان نەما هەر دو هەرە ڤێرە و هەرە وێرێ‌ و دیفچوونێن توند كەفتنە سەر مرۆڤی، رەفتارێن رژێما بەعس ئێك ژ پالدەرێن گرنگ بوو خەلك پەیوەندیێ‌ ب شۆرەشێ‌ بكەت و گەلەك جاران هندەك پێشمەرگەی گونەه باردكەن كو ئەوێن بووینە پێشمەرگە ژبەر عەسكەریێ‌ رەڤین ئەز بێژم نەخێر چونكە چەتەیی هەبوو دا ناسنامەكێ‌ كەیە بەریكا خوە دا و تو نەچوویە عەسكەریێ‌ و دا سەربەست چوون و هاتنێ‌ كەی و دا مووچێ‌ خوە ژی وەردگری.