دوهی نوونەراتییا دهۆك یا لژنەیا ئۆلمپی كۆمبوونەكا بەرفرەهـ دگەل فیدراسیۆنێن وەرزشی و چەند رۆژنامەڤانێن وەرزشی ل سنۆرێ پارێزگەها دهۆكێ ئەنجامدا ژبۆ دانانا بەرنامەیێ تایبەت یێ رێكخستنا چالاكیێن وەرزشی د بیرەوەرییا ریڤراندۆما سەربەخوەیا كوردستانێ وەكو دەربرینەك ژبۆ دۆپاتكرنا وەرگرتنا مافێ مللەتێ كورد، ئەوا بڕیارە سوبەهی 25ێ مەهێ بهێتە رێكخستن كو دبیتە بیرەوەرییا دیرۆكی یا سالا 2017ێ رێژەیا 94% ژ خەلكێ هەرێما كوردستانێ ب سەركێشییا سەرۆك مەسعۆد بارزانی ل سەر ئاستێ كوردستانێ هاتییە كرن.
د. ئەحمەد قاسم سەرۆكێ نوونەراتییا دهۆك یا لژنەیا ئۆلمپی دیاركر ئەڤ چالاكییە تایبەتە و گرنگە و دیسان ئەركە ژبۆ دۆپاتكرن ل سەر مافێ گەلێ كوردستانێ ئەو ژی سەربەخۆیە، لەوما وەكو دەزگەهەكێ وەرزشی ب هەمی فیدارسیۆن و یانەیێن وەرزشی ل پارێزگەها دهۆكێ و ئیدارا سەربەخوەیا زاخۆ سوبەهی دێ بیرەوەرییا ریفراندۆمێ ب شێوەیێ چالاكیێن وەرزشی هێنە رێكخستن ل چەند باژێر، ناحییە و قەزایان ژ وانا ل پاركا نەورۆز، یانەیا دهۆك، كولیژا پەروەردا چەستەیی و زانستێن وەرزشی ل زانكویا دهۆك، ل زاخۆ، باتیفا و گەلەك جهێن دی هێتە ئەنجامدان.
ل دووڤ پێزانین گەهشتینە بەردەست ژ وان یاریێن دێ هێنە ئەنجامدان، بەریكانەیا پایسكلان، رێپیڤان وەرزشڤانان، یاریێن باسكێت بۆلێ و فوتسال و چەند یاریێن دی یێن وەرزشی كو دێ هەر جهەكی هندەك چالاكی هێنە رێكخستن.
بەرهەڤی بۆ ساخكرنا بیرەوەرییا ریفراندۆمێ دهێنە كرن
نيشاندان