سولین سلێمان:
پشتی پێگەهشتنا هەردو بەرهەمێن تری و هژیرێن كوردی ل دۆر پێزانینێن رێڤەبەرێ گشتیێ چاندنا هەولێرێ بەرهەمێ تری و هژیرێن ئەڤ سالە گەلەكن و هندەك جاران ژی ژ بۆ دەرڤە ژی دهێتە هنارتن.
هێمن سەید رێڤەبەرێ گشتیێ چاندنا هەولێرێ بۆ رۆژناما ئەڤرۆ گۆت ”پشتی بەرهەمێ تری و هژیرێن كوردی پێگەهشتی، ئەو هەردو بەرهەمە ژ دەرڤە مە قەدەغەكریە، دا كو پشتەڤانیا بەرهەمێن ناڤخۆ بكەین.
گۆت ژی ”ب هەموو شێوازەكان ئەم پشتەڤانیا جوتیارێن خۆ دكەین، دا كو بشێین بەرهەمێن خۆ ل بازاراندا ساخكەین، هندەك حالەت هەنە نەچارین هندەك بەرهەمێن دی ژ دەرڤە بینین، چونكی پێدڤیێن ناڤخۆ پرناكەن، لێ ئەڤ بەرهەم تری و هژیرا ناگرنە خۆ.
ئاماژەكر ”نۆكە خواستەكا زۆر ل سەر هژیرێن ئاكرێ هەنە و هەتا ژ بۆ دەرڤە ژی دهێنە رەوانەكرن، وەكی هاتیە پێشبینیكرن بەرهەمێ هژیرێن ئەڤ سالە ل ئاكرێ بگەهیتە نێزیكی 10 هزار تەنان.
عەلی ئاكرەیی جۆتیارەكێ ئاكنجیێ ئاكرێیە بۆ رۆژناما ئەڤرۆ گۆت ”بەشەكێ زۆرێ زەڤیا خۆ من كریە دارێن هژیرا، ب تنێ د سنورێ ئاكرێدا پتری ٢٥٠ هزار دارێن هژیرا هەنە، بەرهەمێن مە ل بازارندا هەنە و خواستەكا باش سەر هەیە.
خویاكر ”هژیرێن سنورێن دیێن كوردستانێ هەر كیلۆیەكا هژیرا نێزیكی هزار ژ بۆ سێ هزارایە، لێ هژیرێن ئاكرێ د جیاوازن، چونكی هژیرێن ئاكرێ جۆرێ وانا یێ باشە و كیلۆیا وێ ب پێنچ هزارانە و گۆت: باشیا هژیرێن مە بۆیە جهێ خواستا گەشتیاران ژی، ب تایبەت ئەو گەشتیارێن ل سنۆرێ عیراقێ دهێنە ئاكرێ هژیران ژ مە دكرن.
نيشاندان