سولین سلێمان
ئەڤ سالە هنگڤانێن هەولێرێ ژ كێمیا بەرهەمێ هنگڤینێ خو د دلگرانن، چونكو وەكی ئەو ب خۆ ئاماژێ پێ ددەن بەرهەمێ ئەڤ سالە ل چاڤ سالێن بۆری یێ كێم بووی و پێدڤیێن ناڤخۆ نەشێن پڕبكەن.
محەمەد عەزیز، ئێكە ژ وان كەسێن مێشێن هنگڤینی ب خودان دكەت ل پارێزگەها هەولێرێ دەربارێ وێ چەندێ بۆ رۆژناما ئەڤرۆ گۆت ”دەمێ بڕینا هنگڤینی دا ل ناڤچەیێن هەرێما كوردستانێ، دو وەرزان دەست ب بڕینا هنگڤینی دهێتە كرن، ئەو ژی وەرزێ بهارێ و وەرزێ هاڤینێ، هەر چەندە بەرهەمێ هنگڤینێ بهارێ یێ باشبوو، لێ د بازاراندا ژبەر كۆ رەق و بەستیبوو، ئەو ژی ژبەر خرابیا رەوشا سەقای، بەروڤاژی د وەرزێ هاڤینێ ب گشتی گەلەك هنگڤین بەرەڤ كێمبوونێ چوو ل چاڤ سالێن بۆریدا.
حەجی باقی ئێكە ژ هەنگڤانێن قەزا قوشتەپە بۆ رۆژناما ئەڤرۆ گۆت ”ئەڤ سال ب گشتی هنگڤین یێ كێمە، ئەڤ ئاریشە ژی ئاریشا هەمی هەنگڤانایە، چونكو شیلە نینە و هنگڤین ژی نینە، ژ بەر كو ئەڤ سالە گەلەك مێشێن هنگڤینی د ئەڤ سالە دا تووشی بریسیبوونێ هاتن.
خویا كر ” ئەگەرەكێ دی ژی ئەو بوو بارانا هەیڤا ٥ گەلەك كارتێكرن ل سەر كێمیا هنگڤینی كر، چونكی گول كێمكرن.
شێروان ئەنوەر خودان فروشگەهەكا پێدڤیێن سپیاتیایە بۆ رۆژناما ئەڤرۆ گۆت”وەكی ئەم ئاگەهدارین كۆ ئەڤ سال هنگڤین یێ كێمە، ئەڤ چەندە ژی دێ كارتێكرنێ ل سەر بهای كەت، چونكو خواست دێ زۆر بیت و بها ژی دێ گران بیت و گۆت: ئەم پێشبینی دكەین بها ژ بۆ هەر كیلۆیەكێ 10 هزار دینار پتری بهایێ خۆ بلند ببیت، چونكو ژ بۆ هەر تشتەكی ئەگەر ل بازارندا كێم بوو، داخازیێن وەلاتیان پتر دبن و بها ژی بلند دبیت.
نيشاندان