دیدار، سالار محەمەد دۆسكی:

پێشمەرگێ‌ شۆڕەشا گولانا پێشكەفتن خواز كەریم حەبیب حاجی وەرمێلی ل سالا 1957 ل گوندێ‌ وەرمێلێ‌ ل دەڤەرا دۆسكییا ژ دایك بوویە، خواندنا خوە یا سەرەتایی ل باژێرێ‌ مویسل و ناڤنجی ل سێمێل و ئامادەیا ل رومادی وپەیمانگەها پەترۆلێ‌ ل بەغدا و كولیژا ئەندازیاری ل زانكۆیا مویسل ب دووماهی ئینایە.
پێشمەرگێ‌ هەر دو شۆڕەشێن ئەیلونێ‌ و گولانێ‌ كەریم حبیب حاجی، د دیدارەكێ‌ دا بۆ رۆژناما ئەڤرۆ دیاركر، كو ل گەل دەسپێكرنا شۆڕەشا ئەیلونێ‌ و تێكچوونا كاودانان ل گوندان خێزانا وی قەستا باژێرێ‌ مویسل كر، ل بەیانا 11ی ئادارێ‌ سالا 1970ێ‌ دووبارە ڤەگەریانە كوردستانێ‌، ل سالا 1975 دهێتە دەستەسەركرن ب گونەها سوتنا خشتێن جفرێ‌ دووڤ دا دهێتە ئازادكرن، پشتی ئازادكرنێ‌ بەرە ب وەلاتێ‌ ئیرانێ‌ دچیت ب رێكا توركیا و ل جولەمێرگێ‌ دهێتە دەستەسەركرن، و دهێتە رادەستكرن بۆ عیراقێ‌ و بخێزان ڤە بۆ ماوێ‌ پتر ژ هەشت هەیڤان دهێتە دەستەسەركرن، و دووڤ دا دهێتە نەفیكرن بۆ ناڤەراستا عیراقێ‌ و ل باژێرێ‌ رەمادی نێشتە جێ‌ دبیت.
ناڤبری گۆت: ل سالا 1971ێ‌ ل مانگێشكێ‌ بوویمە ئەندامێ‌ ئێكەتیا قوتابیێن كوردستانێ‌ وهەمان سال بوومە ئەندامێ‌ پارتی دیموكراتی كوردستان، ل سالا 1974ێ‌ پشتی پشكداری خولەكێ‌ دبیت ل سەر جیهازێ‌ (لاسلكی ـ بێتێلێ‌) ل (ناوپردان) دبیتە پێشمەرگە و ئێكەم شەرێ‌ پشكداربوویم ل گەل هێزا(فارس كورەماركی) ل (قوغای) ل شۆڕەشا ئەیلونێ‌ بوویە، ل شۆڕەشا گولانێ‌ پتر ژ 40 عەملیاتا پشكدار بوویە زێدەباری داستان و شەڕێن بناڤ و دەنگ ل دەڤەرێ‌.
كەریمی گۆتژی: رێكەفتی 11/11/1976ێ‌ ل ئاڤاهیێ‌ پولیس و ئەمنا سێمێلێ‌ هاتینە دەستەسەركرن ل گەل (45) كەسان كو ژن و زەلام و زارۆك بوون، و ب ترۆمبێلەكا لوری بەرە ب باژێرێ‌ رومادی برین وبرینە دەڤەرا (صوفیە) گوندێ‌(سجاریە) خەلكێ‌ گوندی گەلەكێ‌ دباش بوون، و موختارێ‌ گوندی هاندام خواندنا خوە ب دووماهی بینم و چوومە خواندنگەهێ‌ و بتنێ‌ كوردبووم، و من خواندن هێلا چونكە قوتابیەكێ‌ زیرەك بووم رێڤەبەری حەزدكر دەرەكی پێشكێش بكەم، و پشتی من پێشكێشكری خولا ئێكێ‌ ب سەر كەفتم و دووڤ دا چوومە ئامادەیا پیشەسازی و ب سەركەفتیانە دەربازبووم، وی دەمی من گەلەك حەز هەبوو ل كولیژا سەربازی بهێمە وەرگرتن لێ‌ نەهاتمە وەرگرتن، و هەتا ل پەیمانگەهان ژی نەهاتمە وەرگرتن، و ئەگەر ئەو بوو ئەز بەعسی نەبووم چونكە هەر جهەكێ‌ چووبامێ‌ پەسندا بەعسیی بوونێ‌ دڤیا و من نەبوو، دووڤ دا ب هاریكاریا كەسەكی ل پەیمانگەها پەترۆلێ‌ هاتمە وەرگرتن.
كەریم حەبیب گۆت: ل سالا (1984)ێ‌ ئەم (13) پێشمەرەگە بووین وی دەمی ل گەل خودێ‌ ژێ‌ رازی (محەمەد حەمدی) بووم دیسا فەرماندە (سەربەست سندوی) ژی ل گەل مەبوو سپێدەهیەكێ‌ زوو مە كەمین دانا ل بەر تەقدمێ‌ دووڤ دا دەنگۆیەك هات كو هاتینە دورپێچكرن و مە ڤەكێشان ل گەلیێ‌ ئەرزا كر و دناڤ دەحلان دا دەربازبووین هەتا رێكا دهێتە گوندێ‌ ناڤشكێ‌ و حوكمەتا عیراقێ‌ هەشت شەڤ و هەشت رۆژا هێرشی مەدكر، ل سەر هەر دو لژنێن (دهۆك و زاخۆ) نەخوشترین شەر بوو، دەبابا سێ‌ چار جها فرۆكە ل هنداڤ مەبوون و هێرش مە دكر، ژ نانێ‌ هێشك زێدەتر ب دەست مە نەدكەفت، كومبوونەكا بلەز (فەتەح گولی) بەرپرسێ‌ لژنا دهۆك ب مەكر و مە رێك دا لەشكەرێ‌ عیراقێ‌ هەتا بوری دگەلناسكێ‌ را و دووڤ دا مەهاڤێتێ‌.
كەریم حبیب گوت: داستانا فرۆكخانا بامەرنێ‌ ل شەڤا 27-28/5/1987ێ‌ دەست پێكر و ژ چەندین ئالیان مە هێرشكر و تێدا مە دڤیابا بۆ حوكمەتا بەعس دیار بكەین كو هێرشێن مە بەرفرەه بووینە و دەڤەر بۆ دەڤەرێ‌ و گرنگیا فرۆكخانێ‌ ژی ل دەڤەرێ‌ كارتێكرن هەبوو كو ل سەر ئاستێ‌ دەڤەرێ‌ یێ‌ بناڤ و دەنگ بوویە، پێشمەرگە هاتە بەلاڤەكرن هندەك بۆ هێرشێ‌ ل سەر رەبیا و ئەم چووینە فەوجێ‌ وی دەمی (حەمید سندی) بەرپرسێ‌ لەشكریێ‌ لقێ‌ بوو و (تەسمم) بۆ چێبوو و هێرشا مە گیربوو، خودێ‌ ژێ‌ رازی(د.رۆژ) گۆت كێ‌ خوێ‌ هەیە من گۆتێ‌ ئەڤە گۆت كێ‌ ئاڤ هەیە من گۆتێ‌ ئەڤە گۆت پەرداغ هەیە من گۆتێ‌ ئەڤە، رەحمەتی د. رۆژ گۆت: دەست خوەش ئەڤە پێشمەرگەیە و دووڤ دا مەهێرشی فرۆكخانێ‌ كر و هاتە ستاندن و چەند شەهید مەدان.
كەریم حەبیبی گۆتژی: ل سالا 1986ێ‌ حوكمەتا بەعس رابوو ب دانانا هێلەكا سور ل دەڤەرێن رزگاركری ئەوێن لژێر دەست هەلاتا پێشمەرگێ‌ پارتی دیموكراتی كوردستان و ئەوا ئەو دەڤەر قەدەغەكری نافكرن، و زێدەتر گڤاشتنكرن و هەتا شیرێ‌ زارۆكان ژی قەدەغەكر چونكە ئەوا زانی نەشێ، بزاڤا رزگاری خوازا گەلێ‌ مە ب رێكێن لەشكری لاواز بكەن، و هەتا وی دەمی رێكەفتن ل گەل وەلاتێن جیران ژی هاتبووگرێدان كو ماف هەیە بهێنە ناف ئاخا عیراقێ‌، گرنگە رۆلێ‌ ژن كورد نەهێتە ژبیركرن و دەیكا (حەلیما پشتگری) دەیكا سێ‌ شەهیدان و هەڤژینێ‌ وێ‌ ژی شەهید ل دەڤەرێن رزگار كربوون و هەردەم ئەم پتر هانداین بۆ خەباتێ‌ لەوما ژنێن كورد ئەوێن ماینە ل دەڤەرێن رزگاركری هەژی رێزگرتنێ‌ نە.
كەریم حەبیب زێدەتر گۆت: ل تەباخا 1988ێ‌ پشتی شەڕێ‌ ئیراق و ئیرانێ‌ ب دووماهی هاتی رژێمێ‌ لەشكرێ‌ خوە كومكرە سەر ئێك و هەوا ئەنفالان دەستپێكر 25ی تەباخا هەمان سال من هێسترەك ئینا و دو سندوق لێكرن و هەر چار زارۆكێن من ل گەل من و بەرە ب باكوری ب رێ‌ كەفتن، ل گەل خەلكێ‌ خوە و ل دو جهان بیسێن چەكداران درێكێ‌ دابوون و رێكەفتی 28/8/1988ێ‌ گەهشتینە گوندێ‌ (ئاروشێ‌) وی دەمی پرۆپاكندە دناڤا خەلكێ‌ مە دا بەلاڤ بوو، كو حوكمەتا توركیا دێ‌ مە رادەستی ئیراقێ‌ كەت وی دەمی من بۆ خەلكی ئاخفت دا خەلكێ‌ مە بێ‌ دەنگ و ئارام بیت، و مە لژنەك دروستكر و خەلكێ‌ خوە هژمارت ب رێكا موختاران بۆ بەلاڤەكرنا كەل و پەلێن مرۆڤایەتی ب رێكا رێكخراوێن بیانی وی دەمی خەلكێ‌ مە ل سەر كەمپێن(دیاربكەر، موشێ‌، سلوپیا) وی دەمی دووماهیێ‌ چووم و مە تەنسیق كر و مە لژنە بۆ بەلاڤەكرنا كەل و پەلان پێكئینا و تەنسیق دروست بوو ل گەل حوكمەتێ‌ و كاودان بەرە ب ئارامیێ‌ چوون، رۆژەكێ‌ (رێڤینگ هروری و فەریق فاروق) هاتن گۆت هندەك خەلكێ‌ گازندا دكەن یێ‌ دبێژن مە دڤێت نوونەرێن (حزب شەعب، شوعی و ئێكەتی) ژی بهێنە ناڤ لژنێ‌ و من گۆتێ‌ بلا مە هەلبژارتنكرن و من پتریا دەنگان برن و دیسا مە كارێ‌ خوە كر و دووڤ دا ل سەر خواستا توركیا كەمپا مە بۆ (مێردینێ‌) هاتە ڤەگوهاستن.
پێشمەرگە، كەریم حبیب زێدەتر گۆت: ئەمریكا ل سالا 1789دەمێ‌ دەستوری نڤێسی گۆت دەمێ‌ دو دەپا دگەهینە ئێك دا ئاڤا دناڤبەرا هەر دوكان دا نەهێت دڤێت هەر ئالیەكی دەپی ب رەندەشی بهێتە ژنافبرن هەتا بگەهنە ئێك دا ئاڤا نەهێت، لەوما گرنگە ئالییێن سیاسی پیچەك تەنازولاتا بكەن دا ل ئێك خال بگەهنە ئێك بۆ بەرژوەندا گشتی یا مللەتێ‌ مە.