ئەڤرۆ

ب، سه‌رجان مەحمود:

ل گورەی ئامارێن نەفەرمی 300 هزار سەیێن بەرەلا ل هەرێما كوردستانێ هەنە و بەرپرسەكێ ساخلەمیێ ژی ئاشكرا كر، كەسێن دكەڤنە بەر هێرشێن سەی ڤاكسینێن دژی ڤایرۆسی بۆ دهێنە بكارئینان.
پارتا كەسكا كوردستانێ دیار كر، ل هەرێما كوردستانێ هەژمارا سەیێن بەرەلا بەر ب زێدەبوونێ یە، ڤێ دووماهیێ هێرشی سەر چەند وەلاتیەكا كریە و د ئەنجام دا بریندار كرینە، ل گورەی تەخمینێن هاتینە كرن، نێزیكی 300 هزار سەیێن بەرەلا ل هەرێما كوردستانێ هەنە و پێدڤیە چارەسەریەكا بلەز بۆ سەیێن بەرەلا بهێتە دانان، حوكمەت رێكارێن پێدڤی بگریتە بەر بۆ ڤێ چەندێ كۆنتڕۆلا ڤێ هەژمارا زۆرا سەیان بهێتە كرن.
ژ لایێ خوەڤە سامان سلێمان، رێڤەبەرێ راگەهاندنا ساخلەمیا هەولێرێ بۆ رۆژناما ئەڤرۆ گۆت: «ب تنێ د هەیڤا بۆری دا 123 حالەتێن هێرشێن سەیێن بەرەلا بۆ سەر وەلاتیان هاتینە تۆماركرن و پشتی ئەو وەلاتی گەهاندینە نەخۆشخانەیێن تەنگاڤیان چارەسەری بۆ هاتیە كرن و هەر كەسەكێ بكەڤیتە بەر دەڤێ سەی و لەق بهێتە لێدان، ئەڤە دێ كەڤیتە بن چاڤدێریا نۆشداران و ڤاكسینێن دژی هاریێ بۆ دهێنە بكارئینان».

ئەڤرۆ

ب هەلكەفتنا جەژنا قیامە یا برایێن مەسیحی دوهی 9/4/2023 شاندەكێ پارتی دیموكراتی كوردستان ب سەرپەرشتیا پشتیوان سادق، ئەندامێ مەكتەبا سیاسی و بەرپرسێ مەكتەبا ڕێكخستنا پارتی ل پارێزگەها دهۆكێ و عەلی عەونی، ئەندامێ كۆمیتەیا ناڤەندی و بەرپرسێ لقێ ئێك ل گەل هەژمارەكا كارگێڕێن لقێ و بەرپرسێن لژنەیێن ناوچێن پارتی ل سنوورێ لقێ ئێك سەرەدانا هەرسێ كەنیسەیێن (مریەم ئەلعەزا یا ئاشووری، مار ئیس ئالاها یا كلدانی و كەنیسا ئەرمەنی) ل سەنتەرێ باژێڕێ دهۆكێ كرن و ژلایێ مەتران ئیسحاق بەرواری، ئازاد شابا و هەژمارەكا كەسایەتین ئایینی و جڤاكی یێن هەرسێ پێكهاتەیێن مەسیحی ڤە ب گەرمی هاتنە پێشوازیكرن.
د ڤان سەرەدانان دا شاندێ پارتی دیموكراتی كوردستان پیرۆزباهیێن خوە پێشكێشی برایێن مەسیحی كرن و تەكەز ل سەر پێكڤەژیانا ئاشتیانە یا ئایین و نەتەوێن جودا ل كوردستانێ كرن.
ژ لایێ خوەڤە برایێن مەسیحی سوپاسیا شاندێ پارتی كر و ئەڤ سەرەدانە بلند هەلسەنگاند.

ئەڤرۆ

پشكا رەۆشەنبیری و راگەهاندنا پارتی دیموكراتی كوردستان دەربارەی پەیاما مەكتەبا سیاسی یا ئێكەتیا نیشتمانی یا كوردستانێ ڕۆهنكرنەك بەلاڤكریە و تێدا ئاماژە ب دەستەواژەیەكێ كریە كو د پەیاما ئێكەتیێ دا بكارهاتیە و دبێژیت:»ئەو دەستەواژەیە د ناڤ پارتیا مە دا نینە و نابیت ژی، بەلێ ئەم هەوە نەحەق ناكەین، چونكی هوین ب هەڤبەر ڕەوشا خوە بەرێخوەدانێ‌ دكەن و خەلكی دبینن».
د پەیاما پشكا رەۆشەنبیری و راگەهاندنا پارتی دا هاتیە: «درەنگیا شەڤا بۆری مەكتەبا سیاسی یا ئێكەتییا نیشتیمانییا كوردستانێ پەیامەك دەربارەی روودانا ئێڤارییا 7ی نیسانا 2023 یا فرۆكخانەیا نێڤدەولەتییا سلێمانییێ بەلاڤكربوو، كو ب مخابنیڤە وەكو كارێ وان یێ هەردەم، بخوە وانە ژ عیبرەتێن خوە یێن د دیرۆكێ دا و ژ ب كارئینانا دەستەواژەیان وەرنەگرتیە و وەسا دیاركریە كو ئەوا روودای ب هاریكارییا عەقلیەتەكا د ناڤا سەركردایەتییا پارتیدا بوویە، ئەو دەستەواژەیە د ناڤا پارتییا مە دا نەبوویە و نابیت ژی، بەلێ ئەم هەوە نە حەق ناكەین، چونكی هوین هەڤبەر ب ڕەوشا خوە بەرێخودانێ دكەن و خەلكی دبینن!، حەقێ هەوەیە، چونكی جاران عەقلیەتەك د ناڤ ئێكەتییێ دا هەبوو، بەلێ د نوكە دا ژ عەقلیەتێ بوویە ئێك كەس، نە دو كەس ژی!».
ئاشكرا ژی كریە كو باشترە ئەو عەقلیەتا پەیاما هەوە دارێشتی زوو پێداچوونێ د خوەدا بكەت نەدرەنگ، بەرێخوەدانەكێ بۆ دەڤەرا سلێمانیێ بكەن، كو هوون ب خوە بناڤ دكەن ب زۆنا كەسك و هەوە نەشیایە كەسك بكەن، هەروەسا بەرێخوەدانەكێ بۆ كریارێن خوە بكەن و ب لوژیكانە ڕەوشا سلێمانییێ و خەلكێ وێ یێ خۆشتڤی ل بەرچاڤ بگرن و ئێدی بەرێن ژ خوە مەزنتر هەلنەگرن و خەلكێ خۆشتڤی یێ دەڤەرێ باجا هەوە بدەت، ب ئاشكەرایی دانپێدانێ بكەن، كو هوین ئەگەرێ ئەوێ ڕەوشا ئالۆزن یا وە ب سەرێ خوە و دەڤەرا سلێمانیێ و ب سەرێ فرۆكخانەیا نێڤدەولەتییا سلێمانییێ دا ئینای و ئێدی تۆزێ نەكەنە چاڤێن خوە و كادر و جەماوەرێ خوە.
پشكا رەۆشەنبیری و راگەهاندنا پارتی خویا ژی كریە كو هەر كریارەكا پێشێلكاری و دەربازكرنا سەروەرییا هەرێما كوردستانێ و سازییێن وێ یێن شەرعی شەرمزار دكەین و پاراستنا ئارامی و ئاسایشا وەلاتی و وەلاتیێن كوردستانێ ب ئەركێ خوە یێ دەستپێكی دزانین، قەوارەیێ هەرێما كوردستانێ بەرهەمێ ب دەهان سالان یێ خەبات و قوربانیدانا گەلێ مەیە و نابیت چو كەس و لایەنەك رێكێ بدەتە خوە سەروەری و شەرعیەتا سازیێن وێ لاواز بكەت و هەرێما كوردستانێ بێخیتە د مەترسیێ دا.

ئەڤرۆ

بەردەوامیدان ب گەهاندنا پڕۆژەیێن خزمەتگوزاری بۆ وەلاتیان ب بەرهەڤبوونا د. عەلی تەتەر، پارێزگارێ دهۆكێ و ماجد سەید سالح، جێگرێ پارێزگاری و جەهوەر عەلی، دەڤەردارێ دهۆكێ و چەند رێڤەبەرێن پەیوەندیدار بەرێ بنیاتی بۆ پڕۆژەیێ سەخبێركرنا تۆڕێن كارەبێ و دانانا گوهۆڕكا ل سنوورێ دەڤەرداریا دهۆكێ ب گوژمێ 655ملیۆن دیناران هاتە دانان، دانانا بەرێ بنیاتی بۆ نووژەنكرنا 16 قوتابخانەیان ل سنوورێ پەروەردێن دهوك رۆژهەلات و رۆژئاڤا ب گوژمێ 444 ملیۆن دیناران هاتە دانان، دیسا بەرێ بنیاتی بۆ ئاڤاكرنا قوتابخانەكا 18 رێزی ل گوندێ ئێمینكێ‌ ل ناوچەداریا زاویتە ب گوژمێ ملیارەك و 593 ملیۆن دیناران هاتە دانان ل سنوورێ دەڤەرداریا دهۆكێ.
ل دۆر پڕۆژەیان پارێزگارێ دهۆكێ گۆت: «بەردەوامیدان ب گەهاندنا پڕۆژەیێن خزمەتگوزاری، مە بەرێ بنیاتی بۆ هەژمارەكا پڕۆژەیان ل سەنتەرێ دهۆكێ ودەروبەران دانا ب گوژمێ‌ دو ملیار و 704 ملیۆن دیناران، پڕۆژە ژی یێن سالا 2022 بوون».
دیسا ب چاڤدێریا د. عەلی تەتەر، پارێزگارێ دهۆكێ هەوا دانا هاریكاریان بۆ سێزدە هزار خێزانان ل سنوورێ‌ پارێزگەها دهۆكێ‌ دەستپێكر و هاریكاری دجوراوجورن ژ (ئاهێن خوارنێ، گوژمێن پارەی) پێك دهێن و پشتی هەلسەنگاندنێ ژلایێ رێڤەبەریێن پەیوەندیدار ڤە ب خێزانێن كێمدەرامەت و هەژار دهێنەدان.
دیسا ب هەلكەفتا جەژنا قیامێ یا حەزرەتێ مەسیح (سلاڤێن خودێ ل سەر بن)، د. عەلی تەتەر، پارێزگارێ دهۆكێ سەرەدانا كەنیسا مەریەم ئەلعەزرا یا ئاشووری و كەنیسا مار ئیپ ئالاها (دێرا بەرانی) و كەنیسا ئەرمەنان ل دهۆكێ دا و پیرۆزباهیێن جەژنێ ل خووشك و برایێن كرستیان كرن و هیڤی خواست هەر سال ئەڤ جەژنە بخێر و خوشی بهێنە كرن.

ئەڤرۆ

هەولێر، قائید میرۆ:

پێشبینی دهێتە كرن ڤێ حەفتیێ پێلەكا بارانێ هەرێما كوردستانێ ڤەگریت و سەقاناسیا هەرێما كوردستانێ ژی ئاشكرا كر، پێشبینی دهێتە كرن ئەڤرۆ رۆژا دوشەمبی بارانبارین دەستپێ بكەت و پێشبینی دهێتە كرن ژ بەر هاتنا بارانەكا زۆر لەهی پەیداببن و پلەیێن گەرمێ ژی نزم ببن.
رێڤەبەریا گشتیا سەقاناسیا هەرێما كوردستانێ دیار كر، د ناڤبەرا رۆژا دوشەمبیێ هەتا رۆژا ئەینی دێ پێلەكا بارانێ هەرێما كوردستانێ ڤەگریت و گۆت: «پێشبینی دهێتە كرن، ئەڤرۆ 10/4/2023 بارانبارین دەستپێ بكەت، ل هەموو دەڤەرێن هەرێما كوردستانێ , بەلێ رۆژا سێشەمبی و چارشەمبیێ رێژا بارانێ دێ‌ زێدەتر لێهێت».
رێڤەبەریا گشتیا سەقاناسیێ ئاماژە ب وێ‌ چەندێ‌ ژی كر، ل گورەی پێشبینیا هاتیە كرن دێ هندەك پێلێن بلەز یێن بارانێ باران و ئەور و بریسی ژی د گەل دا بن، ئەگەرێن پەیدابوونا لەهیان ژی هەنە، ژ بەركو دێ ئاستێ ئاڤێ بلند بیت و پلەیێن گەرمێ ژی نزم بن، و دێ هەوا سار بیت ب تایبەتی ل هندەك دەڤەران».

ئەڤرۆ

هەولێر، قائید میرۆ:

ل گورەی ئامارێن نەفەرمی 300 هزار سەیێن بەرەلا ل هەرێما كوردستانێ هەنە و بەرپرسەكێ ساخلەمیێ ژی ئاشكرا كر، كەسێن دكەڤنە بەر هێرشێن سەی ڤاكسینێن دژی ڤایرۆسی بۆ دهێنە بكارئینان.
پارتا كەسكا كوردستانێ دیار كر، ل هەرێما كوردستانێ هەژمارا سەیێن بەرەلا بەر ب زێدەبوونێ یە، ڤێ دووماهیێ هێرشی سەر چەند وەلاتیەكا كریە و د ئەنجام دا بریندار كرینە، ل گورەی تەخمینێن هاتینە كرن، نێزیكی 300 هزار سەیێن بەرەلا ل هەرێما كوردستانێ هەنە و پێدڤیە چارەسەریەكا بلەز بۆ سەیێن بەرەلا بهێتە دانان، حوكمەت رێكارێن پێدڤی بگریتە بەر بۆ ڤێ چەندێ كۆنتڕۆلا ڤێ هەژمارا زۆرا سەیان بهێتە كرن.
ژ لایێ خوەڤە سامان سلێمان، رێڤەبەرێ راگەهاندنا ساخلەمیا هەولێرێ بۆ رۆژناما ئەڤرۆ گۆت: «ب تنێ د هەیڤا بۆری دا 123 حالەتێن هێرشێن سەیێن بەرەلا بۆ سەر وەلاتیان هاتینە تۆماركرن و پشتی ئەو وەلاتی گەهاندینە نەخۆشخانەیێن تەنگاڤیان چارەسەری بۆ هاتیە كرن و هەر كەسەكێ بكەڤیتە بەر دەڤێ سەی و لەق بهێتە لێدان، ئەڤە دێ كەڤیتە بن چاڤدێریا نۆشداران و ڤاكسینێن دژی هاریێ بۆ دهێنە بكارئینان».